av種植問題 (已加相)

請教各位大大,如果盆面既珠石變左深紅色,而且D葉又軟又卷,會係咩原因呢,
因為我係公司有幾盆放係同事個位果邊既AV變成咁呀,
因為一路以黎都係我自已照顧佢地架,係我自己位果D就無事,放左係同事果邊就變成咁,
佢個位係窗邊,不過已落左百葉簾擋大陽.佢地變成咁
會係太熱定太多肥呢,而家唔敢放返過去住呀,我要搵出個原因先至敢再放,
請大家幫幫忙

大部份既葉都軟晒而且向內卷

d 珠石就變晒深啡色,而且由盆面淋水既話,係盆底流返出黎既水都係啡色架

呢棵情形都係一樣

有冇相睇下??

泥太舊以致根有問題唔洗林，一定要換泥。

會唔會係淋水太密而泥又唔疏水導致爛根?

我個d石都係,由白色轉為焦黑紅色...唔知其他人會唔會咁呢..??

D珍珠岩用得耐都會變色的，標準型av大約半年到就應該要同佢換泥的丫

係office種, 珍珠岩用一個月已經會咁, 因為水份經珍珠岩揮發, 剩下啡色的物質

D珍珠岩用得耐都會變色的，標準型av大約半年到就應該要同佢換泥的丫
nwss54510 發表於 2009-10-4 23:54

但係我呢盆係新換盆架,換泥都唔夠一個月,而且係我個位果盆就無問題(呢盆係分株黎架)
係咪即係而家先要換左呢兩盆既泥先呢,不過我都要搵出個原因呀,
泥就係新泥黎架,會唔會係我淋水手法有問題呢,
咁我係每次都等到佢地泥差唔多乾先至淋水既,而我淋水既方法係用個膠盆裝水之後放盆花落去等一個鐘到,
等佢自已吸水,而每次我都會落5-10滴液肥落水度,會唔會係肥大多呢

但係我呢盆係新換盆架,換泥都唔夠一個月,而且係我個位果盆就無問題(呢盆係分株黎架)
係咪即係而家先要換左呢兩盆既泥先呢,不過我都要搵出個原因呀,
泥就係新泥黎架,會唔會係我淋水手法有問題呢,
咁我係每次都等到 ...
fanhoiyiu 發表於 2009-10-5 11:57

我覺得 唔駛淋咁密的丫, 一星期兩次就ok的了~
肥料我一星期先會用一次丫, 用得太密對植物都唔係太好的
而淋水方法, 我聽d高人講, 最好都係由上面淋下去好d, 淋都佢透水就ok的了~
我唔肯定你既做方有問題, 但如果找不到原因的話, 試下改改淋水既習慣啦^^