熱愛香草香味,不過種極都 "cert",卷土從來嘅第5戰!

因為香味好鬼正, 唔聞就訓唔着, 所以開始種......不過次次都 "cert"!

種Rosemay事件:

第1次: 用種子放落泥到, or 用水浸
結果:   十年都冇嘢出

第2次: 花店買, 盤入面喺科學泥,半日晒,兩日淋一次水
結果:   一星期後.......成身變咗啡色, cert咗

第3次: 去"city 掃把" 買, 外國品種, 又插沙又插水, 插咗十二小盤
結果:   兩星期內.......變晒乾貨, 又cert

第4次: 去另一花店買, 店員話品種喺 came form Holand.......嘩! 正嘢! 好香呀~~~~~
結果:   冇辦法! 盤入面又喺科學泥囉, 因為我想用天然嘅泥種植, 所以同佢拆骨!......之後180反轉個爛鬼膠花盤, 點知有十九幾種虫虫狂奔而出, 嚇到跳起 . 總算移植到真正嘅泥土, 不過好似又就快"cert"

第5次: 一定種得出
結果:  未知!

你咁攪笑既, 祝你第5 次會成功

幼嫩嘅迷迭香係冇啲老株咁耐旱架，兩日一次水相信係唔夠水枯死囉，尤其係夏天。

今次喺第5次試種, 其實而家只得empty嘅花盤一個, 喺用裝起各位網友嘅comment, 多謝多謝!

第4次失敗個衰樣......

5# derek74
可以嘅話就唔好用膠盆種喇，尤其環境唔係咁通風或氣候悶焗嘅話。
其實掌握水份唔係難，dry-->soak-->dry-->soak，即泥乾淋水但要淋得徹底，曬前畀佢飲飽水。
只要你能觀察到啲水乾得幾快/慢，咁就知道應該幾耐淋一次。另：缺水先兆--頂葉葉尖見黃（再唔理就跟住啡乾）。
所謂「科學泥」唔係主要問題，因你買盆草返來之前一直都用緊嗰啲泥種而且生長得好地地，
都唔駛咁急換泥囉除非真係有問題如生蟲或盆草唔香，可等佢大少少再換亦未遲。

佩服你既耐性
如果比我晨早放棄左

有D野可能對你有幫助:

第1次: 用種子放落泥到, or 用水浸
rosemary種子發芽率香草尼講唔算高, 而且你有無考慮過環境及季節問題? 我意思係你用既泥, 淋水多少次, 每次淋多少, 什麼季節播種等

第2次: 你話兩日淋一次水, 我建議係: 淋水係取決于泥夠唔夠水而唔能夠訂幾耐淋一次, 因為環境不同影響淋水次數

第3次: "又插沙又插水, 插咗十二小盤" 出根未? 如果要插枝唔建議用沙土。 而且, 如果你話外國品種, 我建議是中國大陸/台灣為優先選擇, 因為原居地與香港氣候分別較少。

第4次: 都係果句, come from holand, 對我而言並非正。 第2, 如要換泥, 建議把原先盆裡的泥有限度地保留, 最起碼的是包住根的那"舊"泥。 簡單D講, 唔好一次果換晒。

第5次: 有智者事竟成, 所以我信你得

回覆 "gtrnismo" 兄:

第1次嘅種植反思: 用碟仔浸種子法, 每日用超級放大鏡去 look look 哩位小姐 "Rosemary", 結果只喺見倒水入面d種子被 "jelly" 包住嘅樣, 8月開始到而家都冇料到. d種子喺"十蚊店"買嘅, made in Taiwan, 佢寫明 3~4月 or 9~10月 播種, 可能喺我偷雞, 早咗落嘢喇. 我試吓9月中再落嘢!

第4次嘅種植反思: 那"科學泥" 喺我最 "hate" 嘅泥, 盤"靚女"身上d科學嘢.......我就清除到一絲不苟, 結果佢走去"削髮".......所有葉都落晒

我家的種了6-7年,一般由得佢日曬雨淋,也好壯,可能你唔多理佢會好點...

rosemary好少人會由種子種起架, 你買一盆返來啦~
日晒雨淋o既天氣最岩佢!超粗生, 種極都唔死~
睇你張相種o既地方好似唔多夠陽光bor!
香草要晒架!

9# kingtze1
Adult plant自然有「天生天養」嘅條件；
若然喺一個同原生地差天共地嘅環境下，
由一盆年幼嘅草去自生自滅嘅話，
佢多數會死畀你睇囉。

平時我會放佢地出露台


只喺因為換泥換盤, 就捉咗佢入房軟禁一兩日.

其實以前試過亂咁將十多種香草種子種出露台, 然後冇理佢地, 冇淋水, 冇施肥, 冇再見佢地. 幾個月後有人叫我出去睇睇, 點知見倒幾顆嘢80cm左右 , 原來喺 sweet basil 同 lemon basil .

今次想正正經經種一次, 於是黎lee度睇晒吓大家d post, 才得知有好多技巧. 日晒條件, 泥土因數, 繁殖方法等等

12# derek74
下次如果再喺花店買嗰陣，
可以先問清楚店員平日喺點照顧你睇中嗰盆草，
目的係新買返來開頭盡量copy番先前嘅生長環境，
然後慢慢將佢馴化，令佢逐漸適應你家嘅環境。

回覆 "gtrnismo" 兄:

第1次嘅種植反思: 用碟仔浸種子法, 每日用超級放大鏡去 look look 哩位小姐 "Rosemary", 結果只喺見倒水入面d種子被 "jelly" 包住嘅樣, 8月開始到而家都冇料到. d種子喺"十蚊店"買嘅, made in  ...
derek74 發表於 2009-8-31 01:02

客氣客氣....(我可能細過你 =))
我D種法亂尼, 但都希望幫倒你

十蚊店D種子得唔得我就未試過, 不過大家都賣差不多同價應該ok
rosemary我未試過用種子開始, 但聽講係比較難, 我相信發芽率應該同百里香差不多 (唔高)
這個嘛, 大家都建議插枝,  壓根更好, 我們的良師益友草民兄之前既高壓rosemary就必看喇
rosemary夏天時候插, 生存率有96% (自家統計-31/32)

其實用水泡種子既方法....um值得商榷。 點解我會感講係因為我有dd經歷我相信同你泡種子有關:

我的甘菊到秋天自己會bill出尼, 但到夏天就會自動落晒地獄。
溫度對種子發芽影響大, 重點係如果種子係未適當發芽時有太多既水去浸泡, 就會變左食品 (basil用水浸到變青蛙卵就係一種食品)
我既甘菊開花自播後就死, 種子四圍飛, 就算夏天再多雨水, 到秋冬合適溫度佢地又再bill過
但如果於不適合的溫度(季節)播種並非問題, 因為我既甘菊都係0系夏天自家播種既, 但如果夏天播種但用水浸就好容易死

就算出倒苗都未必補倒小朋友能夠健康成長, 因為我種dill亦試過類似情況:

dill開花結種, 我試過立即剪左佢埋落泥, 到出翻尼時因氣候問題一個月後就好容易死晒
但如果結種後剪左佢留到適合的季節才落泥, 感就可以不但確保發芽還能肯定小朋友的成長旅程的維持。

至於科學泥, 都係果句, 換泥如養魚換水, 不能不換; 亦不能全換
公司管理一樣, 公司必定要人員調整, 但不可一X過調整