急救小小迷迭香Rosemary

各位園友, 請指教......
話說我早兩日買咗棵迷迭香, 買嘅時候好精靈, 好綠, 點知今日發現佢好似無咁綠, 同埋所有枝條頂部4-6片新芽小葉全都軟dede, 搭晒頭......
所謂何事? 請分享種植經驗及急救方法, 謝謝!!!!!!!!!!!!!!!!!!!!

等我比多d資料大家:
回家未曾澆水, 放露台向東位, 太陽直照由早到晚(下午後續減弱)

1# mamafan
缺水喇，即刻淋水（要淋得徹底，即淋到啲水喺排水孔流翻出黎為止），暫時放佢響有光線嘅陰涼處，然後等。

多謝緲緲!!!!!!!!!!!!!!! 比水後無幾耐即刻靚返晒, 差d嚇親!!!!!
可否分享一些種Rosemary的心得嗎?

3# mamafan
冇事就好喇。
唔駛客氣喎，我都冇乜心得架，邊種邊學啫。
我唔係整盆買返黎，而係搵啲瞓過超市雪櫃嘅枝條種番生--
先浸水生根，出咗幾條鬚就落盆喇，盆係用素燒陶盆 terracotta 因為透氣好散熱快，
泥係溝過嘅砂質土，兩份砂一份有機培植土再加些少石灰。
由於佢仲係細我冇畀佢暴曬，但水就見泥乾至淋，
而每次畀水（我係從盆底浸水）都會畀得徹底，飲飽水就拎番起佢。

我諗你嗰盆，如果想曬佢之前先畀佢飲飽水，咁就唔驚再缺水囉。

緲緲, 十分感激!!!! 你講得好清楚, 我完全明白了!!!!!
兩份砂一份有機培植土 --> 咪好疏水???
石灰要落幾多??? 用草木灰代替得嗎?

5# mamafan
兩份砂一份土呢個比例，係响網上搵何謂「sandy soil」資料時睇到有個gardener示範溝泥嘅視頻而得知，佢呢個比例係用於種仙人掌之類嘅盆栽。咁我又試吓，正好係用咁多砂嘅一盆生得最好囉暫時黎睇。落幾多石灰真係難講，要視乎所用嘅培植土係偏酸或中性同埋個盆有幾大。咁我現有嗰包有機土係偏酸性，11cm盆仔咁試落１茶匙左右。用草木灰代替石灰應該都得嘅，不過園藝用嘅石灰（視乎出產地）可能亦含有其他原素如鎂。聽講如無石灰/草木灰，亦可加一啲乾淨嘅蠔殼碎（可代替咗部份砂）既可提高泥土酸鹼度（生得香啲）亦有疏水功能。

清楚明白, 謝謝你!!!!!!!!!!!!!!!!!!!!!!!!!!!!