想問下有無花友想穩地方種野架?

唔好意思哦,順吐一苦水...自己有一以前養豬既農場,而家剩番空地,都想租比人種下野甘.唔想成日甘打理D雜草,我一年都要三至四次用部割草機同嘖水機黎清D雜草甘..係好煩哦,地方係大..唔想直置尼D地方.而家我果度種左屋企種種埋埋都成五十幾棵果樹..如果仲要去諗清除其他雜草果D成..真係有掛搞哦..其實係度我都想你地甘多花友比下意見..應該要點做,因為真係太大了.但如果而家有人想租我都可以,我空間果度都有D相,不訪入去睇下哦..

香港上水馬草龍


未去過, 我由 4 歲到 廿幾歲都住上水村屋 ( 天光甫 / 近松柏塱村, 同一個村長 )


果度都好多菜田, 我住果度格離有大面積雜草, 真係蛇虫鼠蟻大把, 我屋企四維都係老鼠洞,

夏天穿長衫褲, 冬天穿長衫褲, 老豆老母話我痴線, 問題係比蝨咬, 佢地兩老就唔咬, 後尾姪女搬來住, 到佢要穿長衫褲+長"物" 我反而唔洗, 可能蝨係專咬靚肉, 越後生越咬

香港好多人想搵地種有機菜變身做農夫, 你應該租比佢地

2# 惜花君

哦.天光浦果度呀~知邊度了喇,果度真係好多菜田呀,你講起蚊..嗯,可以甘講呀!住起城市既人或住開樓呀.跟本就好少比蚊咬既.唔係住開..係唔慣既,好似我甘呀!我家姐果d6.7前搬左出
去.之後返黎都唔慣架~唔係多蚊..而係多左果d所為蚊之仔.果d比距咬到真係起紅點.果d先犀利架.但問心哦.住開村果d.邊度無蚊呀..尼d避唔到的,反而老鼠就係人為了..天光浦果度..好似有d廁所係甘既..搭個廁所係菜田果度,用d人便黎淋菜,住d入d既人.倒垃圾積積埋埋唔倒出去垃圾房的..應該係甘.其實我估都無錯了吧!

不過有時去下d農村睇下人種下野,彧自己種下..都幾好,甘你有無有時返去睇一睇架?仲有你果度住幾大先..不過我都覺果度幾好哦.咩車都經過既,出上水又好,牙,係,仲有你果邊有條單車徑出去上水,得閑黃昏係條單車徑踩下.(即係上水去羅湖果條)都不知幾好哦.其實你果邊唔錯呀.幾好架..呵呵

3# 惜花君

唉..我都想,不過唔識人尼

3# 惜花君

唉..我都想,不過唔識人尼
kenson32092 發表於 2009-8-13 11:52

幾個月內, 有套新聞節目講香港有機耕種, 唔知你有無睇到, 可能 bt 都搵得返

節目講到, 香港好多農夫面對大陸菜農競爭, 收入大不如前, 所以要轉投有機, 希望價格較高, 利潤較大, 亦有好多人想轉行做有機農, 但面對問題係

1. 農地缺乏
租期短, 業主加價, 甚至唔租, 或用來當貨櫃場等, 收入仲高, 攪到農夫要搵新田來租, 重新再來, 其實原因都係農田租金收入真係唔多, 亦唔可以多, 唔係農民頂唔順

2. 產品價格
電視節目舉個例子, 係超市賣 22蚊既貨, 佢地賣比政府有關部門 ( 包裝, 清楚, 驗證, 轉售 ) 等等, 只賣到 4蚊, 如果唔同此部門簽約, 賣價更底至 2 蚊, 農民覺得唔合理, 但有關部門話係收返成本價, 咁農民點好呢 ? 唯有自己搵買家, 例如去 d 賣有機產品既店舖, 社區中心或者每星期係墟市租個檔位, 賣比附近街坊

  搵食同玩, 真係兩回事, 面對好多問題

如果比著我, 我仲會想到投資好大, 唔係講笑, 起碼灌水系統, 翻土機, 燒土器材等等, 點可能少, 唔通下下靠人手做, 天光甫班農夫三十年前已經有以上工具啦

租期同租金一定要傾得好, 越大投資, 越多前期工作, 租期短, 無可能, 租金任加, 唔係走人 ? 無可能, 所以真係要傾好晒, 至於是否白紙黑字呢 ? 真係要架, 不過鄉村好多都係寫張紙度, 簽返個名就算

蛇虫鼠蟻, 狗蝨蚊滋, 陪伴我成長, 連痾屎時間都係

松柏塱村就有公廁, 不過污嘈得好緊要, 去痾尿好啦

自己屋企呢 ? 係人手做既化糞池, 即係挖個大洞, 上面就係個長而窄既小洞, 用英泥填好, 痾坑唔痾屎時, 用鐵蓋遮住, d 屎就係由上面下, 不斷痾, 不斷積, 結果就係生屎蟲, 屎蟲又食屎,

我住木屋, 月租 300 時, 個屎坑經常有屎蟲爬出, 到左痾左有返咁上下年月, 屎坑積滿左, 要經常夾硬通, 後尾填平左佢, 係第 2 個位置再挖化糞池

到我搬去附近間瀾石屋時, 面積約 2000呎 ( 大部份係空地 / 田 ) 附近有個廢棄既雜草田, 勁多蚊滋仔, 月租 800蚊, 水喉請人上門整, 收費 1 萬, 租客先比, 租金扣返

個屎坑一打開鐵蓋, 會有好多蚊隻飛出, 自己要係極短既時間, 盡快痾, 如果遇到大雨水浸, 屋企連附近地區都未浸, 但個屎坑已浸, 到時要用抽水機, 放落屎坑抽水

我同朋友曾經想過係廣東買田 ( 幾百蚊畝都有 ), 請當地居民 ( 4百幾月薪 )耕種, 種有機菜運返香港賣, 亦去視察過, 結果都係諗唔掂放棄

回復 4#

好唔好住, 有時睇你點諗同想做 果度經常有西人或一班人來旅遊觀光, 對佢地來講, 的確係大自然既農村, 而且附近有個濕地, 但係住落就好多問題, 當然好多問題係本身既問題, 如果當時處理得當, 亦唔係咩問題

黑色小點蚊之仔, 就係我上面講既 "蝨", 當然蚊隻亦有唔少, 真係咬餐蒙

我係果度, 曾經比狗咬過 4 次, 其中有次最嚴重係小學, 果度 d 人養狗唔縛住架, 我經過間屋附近 50米左右, 由於佢地養左一大群狗, 又無關門, 我離遠經過, 都成班狗追住我咬, 無得走, 咬左我好多處地方, 屋主追上來, 趕開 d 狗, 帶我入屋, 用駒風油幫我塗傷口, 返到屋企, 我亞媽聽鄰居講, 帶左我去臨屋區個警岡再轉去醫院, 打針, 而狗主個仔帶左 1 隻狗去左做化驗

3# 惜花君

唉..我都想,不過唔識人尼
kenson32092 發表於 2009-8-13 11:52

講返正經野, 其實世界好細, 你可能出完個 post, 雖然唔係直接比有興趣既農民見到, 但係可能花友傳花友, 傾開就傾到你, 可能咁樣搵到目標人士都唔定

再唔係可以主動點, 例如去 tai po 果個有機墟度派下宣傳紙比檔主, 我估廿零三十張都夠晒, 成本唔高, 當然佢地賣得菜, 本身都已經有田耕, 但係你有無想過 人傳人呢, 可能佢地會話返比佢地既朋友知, 其中可能有目標人士, 再唔係, 佢地塊田都係租返來, 如果有更好既田租, 或者將來業主迫佢地走, 咁樣佢地會否想起自己塊田呢 ???? 所以有千里馬, 都要自己搵百樂先得架, 唔好等運到呀