土耳其之旅 2009 (飲食盡在十四樓)

第一次去這個奇異的國家, 眼界擴闊了. 從荒蕪的原野, 到中世紀的建築, 到現代的城市, 漸漸的改變了我對這個地方的看法.

Day 1-3
往土耳其途中/民俗舞Video: http://www.youtube.com/watch?v=i9lWJ6eshTQ
其石林Video (熱氣球之旅): http://www.youtube.com/watch?v=vL_eMjSOfsE

Sunset at Cappadocia


Rock Carved Restaurant


Dawn at Cappadocia


Rock Carved Cities


Fairy Chimneys


Fairy Chimneys


Goreme Open-Air Museum


Goreme Open-Air Museum


Day 4-5
古城探索Video (以弗所/棉花堡): http://www.youtube.com/watch?v=2thCg3hNGm0

Hotel at Pamukkale


Limestone Cliff at Pamukkale


Day 6-8
伊斯坦堡Video: http://www.youtube.com/watch?v=RgiN4uuMfu4

Viewing Asian Coast from European Coast


Viewing Istanbul from top floor of hotel


Bosphorus Cruise, Left side European Coast, Right side Asian Coast

跟團定係自由行?
我以前都去過,响奇石區度,重住過真正的山洞旅館,夏天冇冷氣,房內都唔熱.

1# 大米缸

影得好靓到,你跟團定自由行?

點解唔講吓果度啲人好熱情？
哩個先改變我對土耳其的看法。

2# orchids
是跟團的.
冇住到石洞酒店, 在石洞餐廳用餐雖然冇冷氣, 但係的確很涼.
酒店有部分有冷氣, 有部分冇, 好采去果幾間都有, 如果冇冷氣就真係好熱.

3# jolin
謝謝欣賞. 是跟團的.

4# 八王爺
果度0的人的確好熱情. 包括小朋友, 青少年, 同埋街邊擦鞋0既先生. 一見如故咁, 握哂手, 搭訕內容可以了解到佢地0既生活, 醫學, 宗教, 飲食.... 我所指0既改變係從一個第一感覺好荒涼0既地方, 漸漸發掘到風景的美, 再漸漸發掘到土耳其多元化的歷史, 最後發掘到它現代化的一面.

我果陣是5月去的，不啲都唔熱，有時候有啲冷添！
好鍾意奇石區，因为係坐 taxi 自由行，想停边豎就边豎。
棉花堡有的失望，不過去到由下午5时到7时，看到日落，很美很美的....

我也想到土耳其旅行，不過未決定跟團，
還是自由行？

知道你是跟團，可否告知是哪一個團？

華姑

6# 八王爺

我想5-6月, 不太熱, 又不會下雨, 會比較好. 7月開始熱同好曬, 尤其係以弗所, 曬到燶.
咁你自由行包的士會唔會好貴?
棉花堡係好靚, 點解有0的失望? 去得太晚? 我果陣係早上十點幾.

7# 華姑

我係跟 Beautiful華, 八天團. (兩程內陸機果隻). 好處係可以節省十幾個鐘車, 同埋行程冇咁趕, 尤其係睇棉花堡同其石林0既鐘數安排得幾好, 有足夠光線影相. 唔好處就係冇得去首都安哥拉同冇得睇隻老翻木馬.

8# 大米缸

我嗰陣去係四月份跟團去,都係八天同埋坐多程內陸機,時間會多好多,以弗所同奇石林真係好靓,加埋藍天白雲,簡直係perfect

大米缸：

多謝你的回覆，說得真好，唔去Troy，
真係好可惜。
順便想問你，對土耳其的食物，有何
看法？全程，你有沒有試過捱肚餓？
有沒有從香港帶乾糧去吹吃？
謝！謝！
華姑
03/08/2009

土耳其食物絕對無問題，很西化的，而且 傳統甜品必定要試。
5月去都好好陽光，棉花堡可能係希望越大，先有啲失望。日落都係靚架！
troy 個人覺得去唔去無所謂，木馬只係 綽頭。
但係 以弗所一定要去，晒崩頭都要去。

包taxi 要講價。
我去的那一年是1994年，2個人包taxi 係每人hk$100全日。
中途午飯要請司机食。

9# jolin

個天真係好藍, 同冇太多雲. 所以影相好靚.
成個trip我都係比較鍾意大自然果部分-其石林同棉花堡.
以弗所舊舊石頭都差唔多樣, 所以淨影相係唔夠0既, 因為返黎之後問起邊舊石頭打邊舊石頭, 結果會唔記得. 所以我買左本以弗所0既書, 同錄埋導遊講解典故, 咁就覺得精彩好多.

10# 華姑
Troy 主要是歷史故事吸引. 因為聽講隻木馬唔係原來0既, 而係新整0既, 所以觀賞價值比較遜色.
至於食物, 咁就見仁見智. 有少少驚喜, 又有少少唔習慣. 對我0黎講都食得落口, 所以就冇捱肚餓. 不過我都帶左幾個杯麵去. 係玩熱氣球果朝用左兩個. (玩熱氣球太早, 4:30am, 酒店仲未有早餐). 因為酒店冇熱水煲, 所以要自備, 如果唔係就杯麵無用武之處.

11# 八王爺
我都好同意傳統甜品值得一試.
朱古力同甜茶都幾好味.
其實你對棉花堡原本有什麼期望, 結果失望呢?
我個人覺得美中不足係佢冇水乾涸左.
我想日落都會好靚, 可惜我地去到果陣差唔多天黑, 所以直接到酒店, 係第二天再參觀.
嘩, 咁樣包Taxi都幾平喎, 不過今時今日就唔知幾錢. 試下比較熱氣球同Taxi, 估計一下先. 當年玩熱氣球幾錢? 今時今日玩熱氣球要 USD 250一位 (粒半鐘).

講到食物, 有0的值得一試, 有0的見仁見智...

我認為值得一試0既係:

1) Raki - 傳統燒酒. 因為幾勁, 用 1:49 開水飲. 開水立即變色, 幾得意. 酒中有0的香草味, 幾特別.

2) 超級拉力雪糕. 唔知點解咁彈牙, 幾得意.


3) 罌粟種子伴罌粟蜜乳酪 - 一到這個加油站, 成班C9蜂擁搶購. 可能係神秘感同誘惑太大?


4) 飯布丁 - 土耳其人鍾意用飯做甜品. 這個是唯一一樣我覺得佢地比較吸引0既"煮飯"方法


5) 蘇皮乳酪批 - 甜甜地, 有0的Cheese Cake 0既感覺


6) 燒火鷄, 大件又抵食. 不過撈左下面0的萬年茄醬就麻麻地衛生.


7) Konya Pizza. 牛肉有0的騷, 脆脆地, 又幾好味.


見仁見智0既, 就係0的西式碟頭飯同沙律. 因為千篇一律, 日日都係咁...
0的飯好乾同好硬, 原來佢地習慣撈乳酪食.
燒雞同春卷日日都係咁, 都幾熱氣.
沙律0的菜唔係咁新鮮, 冇dressing揀, 只有Olive Oil + 醋...

我大約在93年去,當時唔多覺有熱氣球耍,我唔見有人耍,local tour 冇向我推銷哩個玩意.
不過我上年跟團去埃及坐熱氣球,半小時約港幣1000,好似平d.
我當年先遊希臘再去土以其,有比較之下,我覺得土以其嘅食物味道麻麻.
當年諗住上餐廳食餐好,去山洞餐廳食燒烤,但乜都係燒到又乾又'鞋',反而有次冇胃口,是旦去一間食館,飲番茄湯食類似油酥餅嘅餅,又幾好食!
但我都覺韌雪糕又得意又好食,我當年响以弗所附近買過,1蚊美金2球,抵唔抵?
當年自由行時間多,住响棉堡下面條村2~3日,攞住個學生証可以免費入場,所以去咗2~3次,山頂有個泉眼,d水會流落去棉堡,但個泉眼比間酒店用咗做泳池,當年响果個溫泉泳池游水要25蚊美金.

呵呵 ... 你早我一年去！
係呀，棉堡我冧住可以游水架，奌知去到很少水，而且係熱水，local guy (不是guide) 話係酒店啲客用玩溫泉啲水，再流出黎...... 汗.... 完全失晒兴趣。咁咪希望越大，失望越大。
我都住咗1日，同酒店啲人好好傾，不过，我係男仔，佢地仲意搵女仔多啲。有酒店啲人指引行小路，唔係經入口入棉堡，完全免費！

想去但因最近政治上有指要殺中國人，心慌，尢其是土耳其支持彊人。

嘥氣啦！ 咁好彩真係客死異乡？

好正的全景相！

15# orchids

我未去過埃及, 不過係團裡個Guide好似提過, 坐熱氣球觀看皇帝谷. 其實價錢係差唔多(以分鐘計). 今次都唔知係好采定唔好采. 其實原來只飛一粒鐘. 不過駕駛熱氣球嘅人將個熱氣球飛左去一個唔平坦嘅山頂, 降落唔到, 所以要從新升空另覓地方. 所以Bonus多半粒鐘.
以其嘅食物不論燒烤定飯, 都係又乾又'鞋'....
韌雪糕真係有平有貴, 伊斯坦堡步行街上, 3蚊美金4個球. 相中係其石林公路邊, 1蚊里拉2個球.
棉花堡個溫泉游泳池而家好似都仲係廿幾蚊美金. 未加價... 不過因為跟團時間局限, 冇時間係果度游水. 結果只係晚上係酒店個溫泉游水.

16# 八王爺
我都係覺得棉花堡美中不足嘅地方, 就係唔夠水. 大半個都乾涸左. 聽個Guide講佢有3個泉, 其中2個泉水引哂去酒店, 所以唔夠水. 係酒店啲客用玩溫泉啲水，再流出黎? 冇咁核突掛...

17# hcheung
土耳其支持彊人, 因為佢地係同一個祖先. 其實唔同時間都有唔同嘅問題去驚. 而家驚政治, 我去果陣驚豬流感....
我覺得土耳其鄉下地方, 人少0的, 又單純0的, 會好過大城市, 人多0的又雜0的.
如果唔放心, 就等過左個風頭先去.

19# 走得慢
謝謝欣賞.