新手買草~

星期二去花墟買左D香草~未買之前覺得嗯...有好多野食都用得....好想買好想買...
買左之後又唔係好記得佢地用落D咩野食到好....
我想問下驅蚊草食唔食得架???
花墟D人話佢好怕曬架???
其實我放曬係花園...日日曬住得唔得呀?
可唔可以幫我睇下我有冇認錯佢地呀?
驅蚊草....因為分開買既~我認得佢~

羅勒...英文係唔係BASIL?

九層塔...我想問佢既英文名係咩呀??

迷迭香 ROSEMARY....我係西項見到有D葉係灰灰咁色...係唔係一樣架?

百里香 THYME.....點解好似一PAT野咁既??

歐芹 PARSLEY.........佢係唔係唔曬得架??我見買返黎個葉邊有D啡啡咁....

重有檸檬薄荷 lemon mint...我想問係唔係好吸水同泥架??我見盆野好似冇咩泥咁, 而且今晚淋完水第二朝又好乾咁既???


另外可唔可以幫下我呀...可唔可以話佢知佢地拎黎整咩食物多呀??
我見ROSEMARY好多人都話整羊...
謝謝幫忙!!!

第2福相係sweet basil
第3福相係basil (thai)
rosemary建議剪剪佢, 太長, 而且好似係科學泥, 換吧
thyme都係, 換泥
parsley係要好晒 (全日照絕對無問題), 但你成盆買翻尼如果進口既唔可以全日照 (溫度太高, 香港)
lemon balm與其用"吸水"形容, 倒不如說你的盆太細, 換個大盆吧

祝你好運

哇~~你去花墟收獲甚豐呀~~^^
我見到有花店D迷迭香放係D太陽直照唔到的陰處, 但佢地生得好大好靚...
唔知我應唔應該效法? 我發現我次次放係太陽狂照O既地方都會變得好香, 但亦都好快香 - -
另...一直都唔知道...檸檬薄荷 = 香蜂草?!?!?!?! =[]=

咁我想問點換泥架??
我應該買邊隻泥換呀??
點換呀??

唔記得問埋~
rosemary剪幾多好呀??
我買果時條柚話剪得多佢會死...

嘩,一個post成7個問題
要答曬成篇文章咯
有好多睇番前文都搵到資料
自已花d時間了解先
唔明的再一種種問啦

九層塔very tall

add6icon 又多個香草友.
驅蚊草其實我都好疑惑, 有D店員話要曬...有D又話唔好曬...有D話少少曬...
ROSEMARY 剪得架, 我就保守D每次剪4/5 份一 左右,
THYME 唔知點解係店見到都係種到一PET PET咁,但阿"一級花友"種個D 又好靚架喎.
PARSLEY 我都種死 都想知點種好.
薄荷係好食水架^O^ 換盆 同埋 依況 剪咁D黎用都得LU~
PS: (全聽人講同埋食過無親身做)
ROSEMARY 整羊/雞 , 九層 整海鮮, PARSLEY意粉, THYME肉類, 薄荷沖茶.

嗯....謝謝你答我呀...
我前幾日整羊架...唔理3,7,21除左薄荷其他都落曬落去啦...
但除左香都冇咩味~
我果D都未死呀...因為我花園向西成日怕曬死佢地, 所以我都係收埋佢地黎種...
但個驅蚊草都黃左幾塒葉...
我聽日講話葉黃姐係唔夠水喎.....
等得返去淋多D睇下點先