花墟受騙事件

昨日難得假期，一早去花墟想買翻啲泥呀、花肥呀等等...途經近好大間繽繽旁過一兩個舖位，公厠斜對面的一間店，見門外有個花架放滿仙人掌，其中一些肥啫啫有花開細細盆幾得意，一向無種開仙人掌的我被吸引住，於是拿上手看了一會，見@盆售價$30，心想買一盆返家種不成也不太大損失，便挑了一棵給店員包好及付錢，我當時站在門外取出$50等，店員就取了植物入店內用報紙包，收錢後她找回$12給我，我問不是$30嗎? 她說是$38，我還有些懷疑，因我不只看了一盆，印象中差不多大少的都是$30，於是我想打開包裝紙看看確實一下，她連隨立刻幫我打開報紙給我看，真的是貼著$38，當時不虞有詐，還以為自己老眼昏花，無聊之際還把那個$38 label 撕下，回家將植物上架時，卻發現盆的另一面貼著一個$30 的label，一諗有無搞錯呀，幾十蚊盆花啫，又唔係做遊客既影音黑店，8蚊都騙，唔係真係咁難揾食嗎? 各位真係要小心，幾蚊唔係多，不過就好唔忿氣囉。

我會番去睇其他盆都係唔係咁貼 d label，如果係我寧原唔要law 退錢。因為咁樣買番去條氣真係好唔順架！

俾我條氣都會好唔順，同紫草一樣，番去同佢講道理．

我其實都好激氣，但返到屋企至發現，再出返去，一來一回要個幾兩個鐘，車費都成廿皮，而且仲唔知佢認唔認，唔認既仲要响大街大巷同佢嘈一餐，權衡輕重之後，索性响呢度同大家分享件事，我相信大家睇完之後都會對間黑店有所留心，對佢都有負面影響，依家一望見盆花就諗起自己比人扼，好鬼嬲。

唔。
以後再有去買，交給店員包報紙前先再問一下價錢。若不符都可以馬上對正﹗
D人真是..............

我其實都好激氣，但返到屋企至發現，再出返去，一來一回要個幾兩個鐘，車費都成廿皮，而且仲唔知佢認唔認，唔認既仲要响大街大巷同佢嘈一餐，權衡輕重之後，索性响呢度同大家分享件事，我相信大家睇完之後都會對間黑 ...
yoyo2002 發表於 2009-7-2 14:36

唉～　盆花就係咁．．．．　變左頂心杉

如果種到佢愈來愈靚, 超過38蚊, 唔會再係頂心杉

係唔係山卡x,佢d植物成日有幾個 label架,一定要問邊個先係價錢

街尾雅緻好似唔使 $20 ...

如果種到佢愈來愈靚, 超過38蚊, 唔會再係頂心杉
ht333147 發表於 2009-7-2 14:45

我都唔知有無本事種到佢靚，玩吓手死埋添就....
淨係睇吓朵花，尋日都好地地，今朝同佢影張相就已經殘成咁。

係唔係山卡x,佢d植物成日有幾個 label架,一定要問邊個先係價錢
prodorothyhkg 發表於 2009-7-2 14:47

其實成個花墟，除咗繽繽&花bo，其餘啲真係唔知叫咩，不過間舖响好前吓，車入花墟一轉彎就係

街尾雅緻好似唔使 $20 ...
avery 發表於 2009-7-2 14:52

唉，就係少去花墟，以後會醒少少，唔好心急。

其實成個花墟，除咗繽繽&花bo，其餘啲真係唔知叫咩，不過間舖响好前吓，車入花墟一轉彎就係
yoyo2002 發表於 2009-7-2 14:58

巷仔邊賣花球果間隔離就係山卡啦 ~

下次買小盆栽去太子道西新世紀對面雅緻 ~ $5 -30 咩都有 ~~~

巷仔邊賣花球果間隔離就係山卡啦 ~

下次買小盆栽去太子道西新世紀對面雅緻 ~ $5 -30 咩都有 ~~~
avery 發表於 2009-7-2 15:10

我會架la, 下次再出去，我會記低間舖名再話比大家知，因為都唔想禍及左右隔離。

昨日難得假期，一早去花墟想買翻啲泥呀、花肥呀等等...途經近好大間繽繽旁過一兩個舖位，公厠斜對面的一間店，見門外有個花架放滿仙人掌，其中一些肥啫啫有花開細細盆幾得意，一向無種開仙人掌的我被吸引住，於是拿 ...
yoyo2002 發表於 2009-7-2 12:41

黑店

我都鐘意去雅緻,有時見到老闆娘仲會同佢傾下偈.add7icon

雅緻個老皮娘很搞笑的。計完數會問條數對不對﹗不知真傻定假懞..........

貢唔老實，真係呃得一蚊得一蚊。add13icon

我琴日都響佢度買咗兩棵沙玫哩間山卡X好似興改價錢嫁有次都俾我聽到佢個事頭婆同個客講要買趁手~唔係就會起價嫁喇咁(當然可能只係佢大個客嘅銷售手法啦)今次當係買個教訓囉~唔好嬲喇

8 蚊已經買到兩斤花生麩