堆肥桶

28-5-2009 我自製的堆肥桶，有樹葉、菜、米、西瓜等，每一層有泥相隔，
有無人知道如果我旁邊唔開孔可唔可以做到腐熟，今日發現有強烈的酸味，有昆蟲在附近出現，
之後我右了石灰，再過多7 日再睇結果。

你咁似堆填多過堆肥
堆肥要整碎d野先堆
另盡唔好用新鮮既野
你連新鮮既葉同西瓜都堆落去
想堆時少d臭就要揀d少水同少蛋白質既野
仲有用桶堆最重要落堆肥菌
覺得你好似冇落
照咁堆法10年都未必完全分解到仲連d白米都晒埋

我覺得很浪費d白米呀! 堆肥不是為環保嗎?

用白米黎堆肥,咁你堆肥咪仲貴過買囉......
堆肥只係用一埋唔要既而又仲有營養既野黎堆架炸,
唔洗咁重手連自己袋米都舉埋既.

唔通你係四奶奶add3icon

唔通你係四奶奶add3icon

好大個桶!~以前拿來葉咸菜!~
哪裡有得買堆肥菌?

用白米我都覺浪費
如果搵到米糠
下次可以用米糠

好浪費呀用白米~

白米唔係咁用的~
個 d 又唔係未熟既香蕉~芒果~蕃鬼荔枝之類~

如果你細心d睇，個d米已經有蟲，因為已經有兩三年，你講是浪費都是，但是從浪費的情況咁有無其他方法可以再做。
今日我已經check 過所有的米都成飯，而且已經不再有黏性，另外我唔明白點解要堆肥菌。

我本身也自制了一個堆肥桶
並已大約用了九個月
或許在此分享個人經驗, 希望可以幫到你 ^ ^

1. 不知你有沒有放一個(籃)在堆肥桶的底部, 否則條水喉會好易塞
2. 因為你的堆肥桶加了蓋, 只要不要放肉類便不會有蟲滋生
3. 堆肥箱是可以放任何水果皮、菜葉、植物、豆腐渣、渣葉、冷飯等等
4. 不要放鐡、肉、油、膠之類. 枯葉可以放. 枯枝和木便最好不要放好了. 因為好難分解.
5. 堆肥菌的作用是加速堆肥發酵. 我用過, 一打開蓋便好臭十里都聞到. 所以後來我也沒有用了.
6. 要定期放廢水, 這樣便不會堆積廢水變臭味了
7. 間中留起廢水倒進新放的廚餘. 目的是加速廚餘的腐熟

堆肥分有氧堆肥和密封堆肥
想快便要用有氧堆肥
好處是快、沒有臭味
不好處是每隔兩天都要攪動堆肥桶
目的是要讓空氣進入加速發醱
若加入果皮, 你的堆肥會有果的香味
這樣, 一個滿了的堆肥桶大概三個月便能完成腐熟可以用了


密封式堆肥
就把所有材料放進堆肥桶, 不用理會
這樣時間可要耐了, 要等年多堆肥才能完全腐熟可用



暫時只想起咁多

謝謝你的回覆：
我也希望能和你交流心得
1)        我在底部加了一些比較粗的樹，另外底部塞的機會不大。因為我在裹面鑽了一了一些小孔幫助放水。
2)        我沒加蓋，第一個星期我在泥面上加膠布。有臭味、有飛行物體。期間我有加水，有翻動。發現桶身有溫度，有和曖感覺。
第二個星期，在桶面上加膠布。有臭味、有飛行物體。
第三個星期，回復在泥面上加膠布。
3)        我多數是放枯葉、枯枝和木
4)        我沒放堆肥菌，因為我相信大自然唔會有堆肥菌。
5)        我有放廢水，看到是灰色。
6)        第7點唔明，因為我沒有再加上廚餘，咁我還須要留起廢水倒入去嗎？
7)        我如果旁邊加多幾個孔會否有幫助空氣流動。
8)        又可能是個尺寸問題，因為現在是 500mm高 X 180mm直徑，變的壓力太大。如果改變體積尺寸，或許會有幫助。

1. 我建議你不要再加枯枝和木, 因為難以腐熟. 若是加木糠卻沒問題.
2. 我建議你在堆肥箱加上蓋, 防止蚊蟲產卵. 這樣便不會產生大量蚊蟲和引來蒼蠅. 萬一有蟲死在堆肥箱裡. 因為有腐肉, 不但臭, 還會生出白色的蟲.
3. 在堆肥時, 發酵是可以產生高逹70度的高温
4. 回第六點. 有些人如我, 喜歡每天把廚餘, eg. 紅蘿蔔皮、青瓜皮、橙皮、菜葉等等 放進堆肥箱或稱作廚餘桶的. 這樣, 想令到廚餘快熟. 便可以把之前留起的廢水倒進去. 因為廢水有加速發酵的作用. 每天都把廢水溝浠 1:100. 是很好的液肥.
5. 第七、八點, 我不建議你這樣做. 因幫助不大. 頻密翻動堆肥才是最重要.
6. 堆肥太乾或太濕都會減慢發酵的速度. 太乾不能發酵, 太濕會發臭. 若發現太乾, 要加點水. 若發現太濕, 便要加點報紙或紙了.

咁多學問﹗真係學到好多嘢

有地方心思思都想整個堆肥桶 . 好似好臭 add5icon同好好玩add4icon

有地方心思思都想整個堆肥桶 . 好似好臭 add5icon同好好玩add4icon
GOODluck20x 發表於 2009-6-18 11:20

係好好玩架~
你放埋你 d 多肉入去就更加好