求救蕃茄

初種蕃茄,大家畀D意見我呀,我唔知宜家可唔可以換盆呀?(已結蕃茄)



種咗幾個月,1個月前已換過盆,唔知點解D根係咁向上生?(係咪個盆唔夠大定唔夠泥呢)


D葉係咁變黃同埋有D白色o既發霉咁

咁細個盆種咁多棵,唔夠肥唔夠光會好瘦好弱, 結到都唔多果,
而且通風同天氣熱問題, 好易病
加上盆土太淺, 好易訓低,咁多棵搶養份, 佢先會不停咁生根
最好一棵一盆啦(呢個盆size)

無可能現在換盆
佢地d根已經打左結
好難分得開佢地(我指原好無缺)
現試下找個好大o既發泡膠箱,成挽轉落去
然後用竹枝盡量分開d佢地(空氣可流通d)
加泥及谷多d肥田肥
同時盡去有問題葉

天氣轉熱，問題會比較多。
carlot 同 llaus 都講得好清楚。
比我就係剪走啲弱啲同無果果嘅，再轉落大盆。
留底好兩三棵谷多啲肥，好過一齊死。

我之前種過其他野時,試過分一棵一盆,點知全部死哂,所以今次d蕃茄咪唔分開囉.
用發泡膠箱點樣用竹枝分開呀,我唔識呀?? (可唔可以講清楚d畀我知呢)
要落咩肥嫁??
我放左露台應該夠流通啦.

意思係叫你成盆唔好分,
移種去大盆(起碼要12號盆)
再將唔係大壯冇花個幾棵剪鬼o左佢啦!
如果唔係都係得個桔!再用竹支係上面盡量叉開佢地,等佢地多d空間~
...你有咩肥呀? 轉盆時放1"泥係底,再舖肥, 再移盆啦!

你見到d葉變黃同發霉應該都冇得救, 剪葉都係拖得一陣, 而且都唔o岩時候種
不過都係好似大家咁講,剪梗d盡量救得幾多得幾多