Petrocosmea Rosettifolia

昨天和同事行花墟，行過一間賣蘭花的檔口，赫然見到有幾棵開著小白花的Petrocosmea！雖然不知道她的名字，但一看葉子排列和形態就知道是Petrocosmea．老板說是苦苣苔呀，越南來．我二話不說和同事一人買了一棵，老細說四十元三棵俾我，但家裡實在冇位了，所以忍手．

回到家裡，發現小盆栽原來已進入垂危狀態，花芽枯萎，根也變啡．立即急救，再置於珍珠岩，希望她能存活．今早起來，發覺她已精神不少．昨天相機冇電，今晚回家再影相給大家看．現在睇住網上照片先．好可愛對嗎？

上網查了資料，原來她是petrocosmea rosettifolia，是少有開白花的Petrocosmea．雖然有病，但十五蚊買到開花株仍然是抵到爛（所以真係爛左）．

在花墟尋寶，有時真係要睜大ｄ雙眼！

[ 本帖最後由 heiheimama 於 2007-11-15 11:15 編輯 ]

葉子好靚，不過都係貼條 link 好ｄ．十五蚊好抵呀！希望你救得翻啦！

啲花仔好得意喎, pm我話我知邊間買呀, thx~ 你呢張相好似唔貼得喎...................

原帖由 krista 於 2007-11-15 11:09 發表
啲花仔好得意喎, pm我話我知邊間買呀, thx~ 你呢張相好似唔貼得喎...................

張相我delete左啦，我以為貼了”轉載自”就ｏｋ．以後就咁post links算啦．間檔口好似冇名的．在蘭姐間舖向花墟方向行兩間舖左右，是專賣蘭花的．ｄpetrocosmea放在黑色膠盆內，不顯眼，要細心找．

不如 幫佢改个 中文名「矮腳白菜」 或者 「薘菇菜」

好呀, 唔該晒~

你地覺唔覺得Petrocosmea好似上海菜那隻"馬蘭頭"(唔記得正名點寫), 都係一餅野咁!

原帖由 heiheimama 於 2007-11-15 11:42 發表
你地覺唔覺得Petrocosmea好似上海菜那隻"馬蘭頭"(唔記得正名點寫), 都係一餅野咁!

唔見條link

http://www.dollyyeh.idv.tw/Petrocosmea_rosettifolia_2005avsa.jpg
http://www.gesneriads.ca/petroc15.htm

嘩!花花多到丫@@

我早兩年都有棵Petrocosmea, 啲葉會生得好迫, 最後死喺棉花蟲嘅手下~

真係好多花花同葉wor, d 葉仲要排到咁鬼死型

種Petrocosmea最大的挑戰就是她的葉很密，肉質，毛又多，的確是很易惹蟲，很難控制濕度，所以我也在學習階段．但我的momo種了兩個月，尚算健康．沒有中蟲或腐爛．至於新買這棵Rosettifolia，真的是動了大手術呀．店主可能虐待過佢，爛根，花芽全死，多爛葉，但冇蟲，可能是運送途中出了問題，而家都俾我隔離緊．在公司都擔心住佢，如果過到呢個週末，應該可以存活．

我以前都係fun fun買過一種冇名越南Petrocosmea,佢都好靚不過好怕熱,後來熱死咗,但我唔服輸再買一盆,種了約五個月到六月時又熱死咗,現在我已經投晒降啦.

Petrocosmea是很怕熱的（睇佢個樣成身毛，梗怕熱！），所以夏天一定要帶回Office．我都係貪佢靚，同埋專登向高難度挑戰！死左都係十五蚊，冇有怕！

佢賣比我10蚊兩棵 仲要冇爛好健康....  

我果棵用瓦盆+水苔種.....

原帖由 wong 於 2007-11-15 16:25 發表
佢賣比我10蚊兩棵 仲要冇爛好健康....  

我果棵用瓦盆+水苔種.....

有冇搞錯！咁即係我俾人呃錢？十蚊兩棵超級平呀！～如果係咁平我都買多兩棵啦，重唔駛返屋企救一大餐！！我同事話她那棵有條似（休）蚓既蟲走出黎ｔｉｍ呀！！！

原帖由 heiheimama 於 2007-11-15 16:30 發表



有冇搞錯！咁即係我俾人呃錢？十蚊兩棵超級平呀！～如果係咁平我都買多兩棵啦，重唔駛返屋企救一大餐！！我同事話她那棵有條似（休）蚓既蟲走出黎ｔｉｍ呀！！！ ...

可能我買果陣時係岩岩返未上盆....所以平d同健康d...........

原帖由 heiheimama 於 2007-11-15 11:42 發表
你地覺唔覺得Petrocosmea好似上海菜那隻"馬蘭頭"(唔記得正名點寫), 都係一餅野咁!

塌棵菜? 好似呀