本帖最後由 Peter 於 2009-4-21 18:26 編輯
平心而論, 成龍大哥兩個言論
-中國人須要管
-我唔買大陸機
係啱嘅, 只不過係佢身份錯咗啫
當你唔使由經濟角度去考慮, 相信你都選擇日本電視機而唔買大陸機, 各位有BB嘅, 你會唔會買罐中國製造的奶粉喟佢食吖?
中國人要管, 我好認同, 我相信成龍都係有感而發, 不過好多報紙都曲改咗成龍哩句, 話成龍話唔冇民主才是, 其實成龍意思應該係: 中國人唔管就亂嚟, 睇少眼都死得人, 如三鹿.....
以香港為例, 剛好相反地, 好多人將民主意識為"冇王管"
有次坐巴士, 有班人大大聲講嘢, 我叫佢地細聲d, 佢地鬧番我轉頭: 甚麼香港冇民主架? 講嘢冇自由架?
其實巴士有守則唔可以在巴士上大聲嘈, 就係因為巴士公司冇派人去管, D人就大大聲嘈, 假如一嘈就會被踢落車, 你估重有冇人嘈吖嗱, 哩D就係成龍果句: 中國人要(俾人)管囉, 一冇人管就亂嚟.
我都去過好多地方, 坐過好多國家的public transport, 好似真係香港同大陸先見到咁嘈的巴士同火車, (台灣都冇香港咁嘈), 人地都冇放個人在車上去管唔俾乘客大聲講嘢啦, 不過人地真係自律, 唔使俾人管嘛, 成龍話中國人要(俾人)管, 某程度上嚟講真係啱個噃. |