white peat(白泥) 與pottung soil(黑泥)比較

請問大家有無人用過德國既white peat 即 白泥 140L果隻 呀?
同埋有無人同時又用過德國既potting soil 即 黑泥 70L 果隻作比較呀?
如果用黎種植 果樹 同 疏菜 邊隻會適合d呢?

白泥，一定有用過，黑泥應該都有，但我沒留意來自哪個國家。

我覺得黑泥好用d，疏水好！

白泥，無肥，要自已溝，而且疏水不般，我初期用，不會溝泥，搞到d泥唔夠肥！而且因為疏水不理想，唔淋水個日，d泥好易乾晒。

咁即係近似純泥炭土咁啦,
咁我唸我估到入面係點喇.

白泥應該無加其他野

ph 係約4到架wo

我見花墟賣
white peat 即 白泥 140L果隻 $190
potting soil 即 黑泥 70L 果隻 $150

我問佢時佢就話一樣喎,
只係泥既顏色唔同啫,
白泥落多幾次水都會變成黑泥咁,
養份都一樣無分別.
大包d咪平d囉,細d咪貴d囉,分別就只係價錢.

我唔係好信佢講所以上黎問下大家有無用過囉,
我自己有買peat moss用係呀,好大包價錢平,
泥為啡色,脫水即乾身,無加養,泥輕,約加10次水後會泥色變深,保水,但完全乾後則浮水及難索水,待索飽水後才能作保水鎖養之效.

所以我懷疑(白泥)可能即係peat moss囉.
但佢係都話(白泥)即係黑泥,有d人鐘意黑色,有d人鐘意買啡色啫~~~~
但我所知既人泥越深色即養份越高,
咁就點會一樣呢~~

所以我懷疑(白泥)可能即係peat moss囉.泥為啡色,脫水即乾身,無加養,泥輕,約加10次水後會泥色變深,保水,但完全乾後則浮水及難索水,待索飽水後才能作保水鎖養之效.
====>完全對！！！！

上星期，我故意去花墟搵peat moss，搵極都搵唔到
其實邊間有得賣?

我都想知=]

peat moss都有分黑泥炭同白泥炭

我問過bun bun,peat moss要訂,約$450一包.

森記有既係white peat 140L果隻 $190

我自己用緊果包peat moss 170L 約$230-250

森記有既係white peat 140L果隻 $190

我自己用緊果包peat moss 170L 約$230-250
sammyzoe 發表於 2009-3-12 02:44 PM

PEAT MOSS 有咩用GA? RENEW D 泥呀?

用黎溝其他泥一齊用架,
有d植物加入peat moss有助生長,育苗,
我用係食用植物度,
係因為一般黑泥用耐左就會好實好硬,
而peat moss輕身,鎖水鎖養,增加透氣,亦可令土壤變得無咁實,而泥既本身為酸性有機質,適合混和其他介質使用,泥為淺啡色,使用8-10次後會變深色,但脫水即乾身及回復淺色,故我除左混土使用,亦會在泥面加上薄薄的一層peat moss,淺色而帶乾既泥面可減底蚊滋數量,主意既係泥比較輕,全乾後再次加水泥會浮起,若不想浮水可輕士與其他泥混和,令其他土既重量按壓住佢.
不過,仲有樣要注意既,就係佢既酸鹼度為pH3.2~3.8左右,所以使用前需要添加石灰調配一下酸鹼度.

通常我一個菜盆既混和係:
碎石+基泥(即將用過既泥堆肥後再用)+骨粉+豆揸+粒肥+木炭碎+黑泥+peat moss+石灰+最後係泥面再加上薄薄的一層peat moss.

當收成後整個菜盤既泥同根都會拿去堆肥後再用過,唔會直接玥種其他野住,目的就係增加番土中既養份先.

不過,我成日怕菜菜果果唔夠營養,所以造盤時加咁多野,實際上咁樣整啱唔啱我都唔係好知架.
至於peat moss方面,就係我個人理解黎既,所以如果有錯或應改善既地方,請大家話我知啦.

用黎溝其他泥一齊用架,
有d植物加入peat moss有助生長,育苗,
我用係食用植物度,
係因為一般黑泥用耐左就會好實好硬,
而peat moss輕身,鎖水鎖養,增加透氣,亦可令土壤變得無咁實,而泥既本身為酸性有機質,適合混和其他 ...
sammyzoe 發表於 2009-3-17 01:18

我想問下咩係豆揸?

去豆漿鋪問佢地攞既,
果d係黃豆,佢地壓炸黃豆漿後,
唔要既"揸",
通常你同佢講話想要黎種野用,
佢地都會比你既,
因為返正佢地都要掉既.

以前上網搵過,有一隻牌子用唔同顏色去代表唔同顆粒大細的PEAT MOSS,　WHITE　ＰＥＡＴ係Ｄ質地好似一絲絲咁。