一支900 ml 裝的食油可以用幾耐

想問一下大家 :
一家幾口 (3 至 5 人), 天天煮飯的家庭, 一支900 ml 裝的食油可以用幾耐 ?
我家印傭 5至 7 天就用完一支, 家已有易潔鑊, 盡量用烚和蒸的煮法及 check 住佢, 都唔知點解重係咁….頭痛中

我家支900ml 油1-2人用，用左年半先用完．．．
你係咪日日開飯呀？一日三餐？

我用超過50餐(2人),應該係講超過100個餸
你試下每日用marker向油樽做記號

一日開五餐都沒可能這麼快﹗她當橄欖油用來搽身。

炸野ｄ油會唔會番用？
我會．

每次都是用5-7天？還是隅然一次？如果真是煮食用，她有否先走油......另外煮茄子都好吸油....
炸野d油應不要翻用，冇益.....炸野太浪費油，所以我不炸...

佢絕對唔係攞黎搽身, 在不知不覺中, 日日逐少咁抽起一D, 入落第二個樽到, 儲夠一樽時, 有D傭工會寄返鄉下比屋企人, 有D會星期日放假時, 攞去傭工集中地買左去, 比其他傭工

當佢用7日~~ 咁即係每日用125ml ~ 一日2餐的話~ 即係每餐60ml~ 每餐4個送的話~ 即係每個餸15ml~
咁你d餸都真係幾油下~

但係湯唔落油喎,即係一個餸 20ml

每個餸有20ml 油... 諗起都驚...

印尼的油貴？所以來到香港就拼了老命吃個夠本？真的要好好跟她溝通，否則全家人的健康都會出事﹗

我家從來都吃不炸嘢的..另外..…她煮D 嘢又不是特別油膩啊…支油點都捱到2个星期吖…5至 7 天真的好誇張啊…
都唔知D油點用/去咗邊…  
須知道依家D 油都好貴的. 就算不貴, 多吃都不健康的…
天天 mark 油樽, 係work.. 不過真的人都癲!

唉……D工人好勞氣…靠不住的…

當佢用7日~~ 咁即係每日用125ml ~ 一日2餐的話~ 即係每餐60ml~ 每餐4個送的話~ 即係每個餸15ml~
咁你d餸都真係幾油下~
maggielawkm 發表於 2009-2-18 10:32

這樣計算好清楚呀！咁算其實15ml煮一個送不算太多，落鑊一轉都要.......

同個工人傾下啦, 或者有計傾既. 佢可能真係因為家窮, 寄油番鄉? 你同佢講, 佢手腳乾乾淨淨, 對僱主忠心的話, 有機會年終出雙糧, 或新年封大利是俾佢.

我家從來都吃不炸嘢的..另外..…她煮D 嘢又不是特別油膩啊…支油點都捱到2个星期吖…5至 7 天真的好誇張啊…
都唔知D油點用/去咗邊…  
須知道依家D 油都好貴的. 就算不貴, 多吃都不健康的…
天天 mark 油樽, 係work ...
hipo 發表於 2009-2-18 11:26

正面d唸，食得健康已經不錯了！至於d油用在那裡，還是平心靜氣研究下..... 我都想知結果

我沒有工人，所以不能理解你們的唸法，似乎......大多認為工人手腳不乾淨......
會否有偏見呢？我還是

都唔一定. 我家以前 (十幾年前lu~) 僱用泰國人, 佢地好忠心, 手腳乾淨, 最多都係貪靚同埋星期日一定要放足假 (呢個sure no problem). 不過我所知近年好似話泰國經濟好左, 已經請唔到泰國人喇.

嗯，煮完晚飯之後，襯佢去廁所又好，用 cutter 輕輕一刀 mark 低油用到邊！
Hipo 係咪要番工架？咁就放假之前o個晚做或者會好 d ！因為你至有機會 check 到佢一餐飯大約要用幾多油嘛！你番工前 check 未必有用，我要偷都留番下午一定冇人係度，滋滋油油o個陣至偷啦！
Anyway.. 如果你發覺一餐飯真係用好多油，咁你就要同佢講，要食得健康 d ，用少 d 油啦！

我買一支 3L的油用 最少一個半月的 .
如果你去買油 或開一支新的油 , 你用一張大的Label 紙貼住個樽 , 寫上買的日期或開樽日期 , 咁你要去計幾耐要買一次或一支油用幾耐 , 如果是工人偷油 , 即是她已知你發現 , 唔會再咁大膽 , 同埋你又可確定她是偷油 , 還是她真的落油咁重手囉 .  

如果我對一些用品有懷疑 , 我會貼Lable 或 影相記底日子 , 早兩個月前D洗衣粉又是好快咁一個月用完 , 我咪又貼Lable 囉 .... 現在那盒都用了近一個半月都仲有三分一 . 咁我唔係擔心工人是偷洗衣粉 , 而係她洗衣服會諗住用得多會乾淨D ,  越落越多囉 .

你是否返工 , 日間只有工人在家 ?

印傭好鐘意整炸嘢架 , 炸蝦片 , 有一款有鹹魚仔的脆卜卜 , 仲有是粟米餅等 , 不過我家印印工人會自己買花生油炸的 , 沒有用我屋企的油炸囉 !

20ml 油, 用來"foo" marks 都得囉~
人地精華都係得30ml 咋