本帖最後由 環保人士 於 2009-2-23 23:15 編輯
我都有種好望角毛氈苔,我既係白化種
我之前好似你咁,逼得滯要分盆
盆毛氈苔其實係好多棵合種響一個花盆,一個蓮座型狀係一棵,睇你幅相至少有五棵,我之前分到九棵,有大有細
我分成一棵一盆,咁當然幾多棵一盆隨你喜歡
首先,你將佢倒出黎,放落水度慢慢用手分開D泥,然後分開毛氈苔,一個個蓮座型狀咁分開,D根可能會繞埋一齊,小心分開,盡量唔好傷到根,但可能繞得好實,逼不得已要扯開時整斷少少根都在所難免
然後準備花盆同泥,將毛氈苔放入花盆,一隻手拎住毛氈苔,等佢D根垂低,另一隻手逐漸加泥,至少要加到見唔到D根,最後淋番濕D泥就完成
如果你想保留草皮,記得一開始挖走D草皮先,搵野載住,最後搞掂晒就放番D草皮響泥面,你可以將草皮分成幾塊,分配到幾盆毛氈苔 |