有機肥料一問?

各位網友好,我本來想買一些有機液肥種田用,但之前用過富華農牌的有機液肥,覺得效果一般,於事今日到花墟走一轉,去到花寶專門店咪問個SALES有冇有機液肥囉!點知佢竟然話所有液肥都係有機架啦,係食得架喎???? 我立即話,唔係話全部有機?都冇寫明,而且我都知,如果化肥用得合當,種出黎D作物夠食得啦!!咁唔係代表係有機喎!!! !!!佢跟住先講,我地係專門店,又問過日本個面,我地所賣之液肥都係有機的,如果你想種得'專業'一D,就用寫明係有機個隻粒肥啦!
問題出現了,作為日本出品,如果真係有機產品會唔標明於產品上??日本人有冇咁笨呀???如果唔寫都可以代表有機,咁隻粒肥又做乜要標明係有機呀??結果我係買咗隻粒肥走試吓效果如何.但問佢地份量點控制時,佢又話唔清楚,日本產品係咁架喎,真吹脹!! 叫乜鬼專門店呀!!

好啦廢話講完,入正題,我係想問有冇人知佢地所講個兩隻野菜肥係咪有機呢?市面又有冇其它牌子係全效而又唔嗅嘅有機液肥呢?(魚肥除外)

[ 本帖最後由 PACO 於 2007-10-14 22:29 編輯 ]

我send咗email比佢地咁耐都冇人解答到我,真係唔掂呀

我都查過 hyponex 資料，佢只係話 d 成份係 natural material，無清楚說明究竟係 mug。咁.......   即係算點？

原帖由 PACO 於 2007-10-14 22:28 發表
各位網友好,我本來想買一些有機液肥種田用,但之前用過富華農牌的有機液肥,覺得效果一般,於事今日到花墟走一轉,去到花寶專門店咪問個SALES有冇有機液肥囉!點知佢竟然話所有液肥都係有機架啦,係食得架喎???? 我立即 ...

你好~很少來這處回覆~不過看到你的問題, 希望將自己所知講出來吧~~
你講個間店, 講真買左hxxxxxx代理來做,佢的野真係貴過人~
如果種開種食的人, 望一眼都己經唔駛再來佢個度lu~

一個魚肥都買貴人地成一倍就知.....

至於個隻蔬菜液, 唔係有機, 不過如果唔介意用無機, 依個係好選擇~
及用來培苗都可以既......

至於個富華濃, 佢無買廣告之前我都己用過,佢對葉菜比較好~
用來培苗都唔錯~我覺得都可以既....

想下, 如果真係有機的液肥, 真係幾少...最多係你講個隻液肥, 魚肥, 至
多都係海藻肥吧~

咁"古早肥" 呢?
算唔算有機肥呀?
我見寫明"國產有機肥"架.

原帖由 mimighost 於 2007-11-21 21:44 發表
咁"古早肥" 呢?
算唔算有機肥呀?
我見寫明"國產有機肥"架.

好似有分開花及葉肥,但冇蔬果肥囉?

原帖由 PACO 於 2007-11-21 21:49 發表

好似有分開花及葉肥,但冇蔬果肥囉?

有個紅色包裝
寫住 for "杜鵑、茶花、玫瑰、果樹及觀葉植物等需重肥的植物" 喎.
應該ok 嫁可......(花X專門店叫我用红色)
但真係唔知係咪有機

[ 本帖最後由 mimighost 於 2007-11-21 22:18 編輯 ]