新手 - 基肥問題

新年快樂!

我第一次試種菜 (白菜), 年初一落基肥, 最快幾時可以用呢? 白菜已經標左小片葉仔, 幾時可以種落盆, 釨心急! 同埋d葉仔有啲黃, 係咪唔夠水呢?

先感謝各位!!

christy 你好!
你落咗咩肥料? 落咗幾多? 個盆幾大有幾多泥? d 葉黃可能係無曬太陽?

公司個花王話出三塊真葉就可以定植。咁存活率會高喎。

唔該kevin&alison!

我喺花槽到有１呎ｘ２呎嘅地方（唐泥），另外有一個30cm盆（科學泥）
撈左落左花生fu同骨粉２：１，唔知幾時先種ｄ苗落去？
我ｄ白菜尋日已經標到２，３cm高

我太貪心發左２０幾棵苗，係大白菜，
仲有蕃茄（同白菜同一時間落種，有少少芽仔），甜豆同試下種台灣柑（噚日先落種），無位種呀，要去買盆同泥

我今日見天氣暖將ｄ苗放左出花園哂吓太陽，希望佢地會變綠！

4# christyyu

Christy 唔洗客氣!
播咗好多種啵! 歡迎加入園藝"中毒"大家庭!

照理說, 落了肥料的泥可以用時, 應該要找不到原本落的材料, 咁先表示d 肥料分解晒~
但係通常都要成個月以上先完全爛得晒~ 到時你d白菜都長到唔掂啦~
所以你可以將d溝咗肥料嘅泥放盆嘅底部, 佔3分1深度左右, 加一層無肥料嘅科學泥, 然後放上植物, 再填補無肥料嘅科學泥穩固棵植物~ 淋水淋至個底漏水, 等d泥乾(用手指插入泥內試吓有無水份), 不乾不淋, 乾就淋透~ 咁d 根無咁易爛~
你去睇下花園仔老師ge post 啦, 佢有教點落基肥~
白菜苗有太陽曬就唔會bill 高bill得咁快ga 啦, d 葉會綠d大d, 好事嚟ga~ 你做得無錯~

我都等咗太陽伯伯成個星期啦~ =v=

真係唔該哂, 我以為7日倒d基肥就ready tim, 好彩問吓咋! 唔係一種就整死唒佢地

但係我頭先返屋企, 發現我放左係花園d苗苗俾我阿爸用強力水喉花sa催踐到跌唒落d泥到, 唔知佢地有無事, 俾我阿爸激死!!! ><

我心思思聽日想去花墟買嘢tim, 唔知d舖頭有無開呢