又比網路商揾笨

真係用又勞氣,唔用又唔得!
賬單有時多十幾,有時多幾十,初頭由得佢,因為唔算好多,不過今次多三十幾蚊,
究竟多左係邊處?
"的"起心肝去打最難打通嘅電話, "客戶服務", ah! 今次只用左十分鐘左近就打通,以往一味"而家線路繁忙,請遲d再打過黎丫"
個客戶服務員話, 呢個係電話上網瀏嘅收費
我話, 我唔用電話上網喎!
佢話,有陣時你唔小心按左個0字, 佢會自動上網喎!
我話,我唔要上網服務,我只要打電話,你同我刪左呢項功能呀!
佢話, 唔可以喎,我最多做到今次唔收你錢,不過下次你再唔小心按左個"0"制, 佢都會自動上網,要計錢喎!
佢地直頭係奸商, mud 野話唔可以取消上網瀏覽嘅功能??呀 mud 水自己唔小心按錯制自己唔知道,而網路公司就有權從中取利嫁咩?

又有D 咁 o既事。

kong 姐都好似唔係第一次咯！

我都try過

咁樣佢地咪好發, 隨時巧立名目去收費都得嫁啦
咁第日會唔會某某唔小心按左個"3"字, 突然有外賣送到,你要唔要都開單收費?
又或者唔小心按左個"2"字,跟住佢自動同你續約十年,冇得反對!

原帖由 八王爺 於 2007-10-2 17:30 發表
kong 姐都好似唔係第一次咯！

真係唔係第一次嫁啦! 可想而知d 網路商真係好無人性,又扼又搶,我轉左好幾個供應商,無個有道德良心嘅!

原帖由 Tony 於 2007-10-2 17:30 發表
我都try過

佢有建議叫我攞個電話去佢門市改,但係點解要人客改自己部機為左佢絶你提供嘅服務???離譜

我話,我唔要上網服務,我只要打電話,你同我刪左呢項功能呀!
佢話, 唔可以喎,我最多做到今次唔收你錢,不過下次你再唔小心按左個"0"制, 佢都會自動上網,要計錢喎!

佢地係咁奸嫁, 初話叫你免費三個試吓乜乜, 三個月後唔取消就好大鑊, 照計冇得唔可以取消 上網服務, 佢可能係話唔可以用電話取消, 你去門市嘈吓啦, 越大聲越有回報, 因為果度人多佢地怕有人聽到嘛.

KONG姐用咩手機?部機度應該有得set架

原帖由 Peter 於 2007-10-2 19:14 發表
我話,我唔要上網服務,我只要打電話,你同我刪左呢項功能呀!
佢話, 唔可以喎,我最多做到今次唔收你錢,不過下次你再唔小心按左個"0"制, 佢都會自動上網,要計錢喎!

佢地係咁奸嫁, 初話叫你免費三個試吓乜乜, 三個月後唔取消就好大鑊, 照計冇得唔可以取消 上網服務, 佢可能係話唔可以用電話取消, 你去門市嘈吓啦, 越大聲越有回報, 因為果度人多佢地怕有人聽到嘛. ...

佢話可以改下部手機嘅程式，等當按下”０”時不會上網，個問題就係點解我唔可以唔要上網？呢ｄ就係ｄ奸商嘅陷阱，等你出錯收你錢！

原帖由 minmin 於 2007-10-2 20:22 發表
KONG姐用咩手機?部機度應該有得set架

minmin,我用nokia,以我呢種並非走在潮流尖端嘅人黎講，我買完機都唔知自己買左ｍｕｄ型號，
我入到商店話要一部打得出，收得入嘅電話，that's it!

幾時買?
彩mon?
有camera?如有,幾多像素?

其實你可以係舊電/機背睇到型號的...咁就知道點關gprs,以免又俾佢收費..

原帖由 minmin 於 2007-10-2 21:19 發表
幾時買?
彩mon?
有camera?如有,幾多像素?

其實你可以係舊電/機背睇到型號的...咁就知道點關gprs,以免又俾佢收費..

minmin,機背寫nokia 7500,你有時間就麻煩你教我點做,否則我又要出去門市比佢地整.

原帖由 kong 於 2007-10-2 21:33 發表


minmin,機背寫nokia 7500,你有時間就麻煩你教我點做,否則我又要出去門市比佢地整.

我部機買咗1 year唔夠,整咗3次,上星期六整完,星期一又壞

原帖由 Tony 於 2007-10-2 22:53 發表

我部機買咗1 year唔夠,整咗3次,上星期六整完,星期一又壞

我又唔覺Nokia差到咁緊要, 我由8210用到N93, 用咗冇10部都有8部, 都幾好呀, 真係未修理過一次, 我諗亞KONG的問題唔係部機, 而係有D SETTING 佢自己都唔知.

不過講又講, 好難理解一按個 0 就上網, 咁平時打電話都有個0字嫁啦,

原帖由 Tony 於 2007-10-2 22:53 發表

我部機買咗1 year唔夠,整咗3次,上星期六整完,星期一又壞

你係話呢個型號易壞嗎? 我暫時未感覺到,部機易壞會唔會只是單一事件呢?

原帖由 Peter 於 2007-10-2 23:16 發表

不過講又講, 好難理解一按個 0 就上網, 咁平時打電話都 ...

唔係一按就上網,多數放袋中被物件按壓了個"0"一會就自動上網.

個問題唔係邊個setting唔妥, 而係點解唔比人唔要上網服務?我係要電話服務丫嘛!

KONG,
其實你只要set返d快捷鍵就唔怕自動上網,因為你現在部機set左key 0係上網,所以先會有咁既情況.
另外只要關左gprs或者刪左上網個profile就可以上唔到網..

因為我未用過你部機呀,所以我都唔知d位係點,口講難明..其實最好去門市部叫佢set返呢兩樣野,最主要係個快捷鍵

亞kong, 我都唔係好明點解按個 0 個唔會上網, 而你說 :放袋中被物件按壓了個"0"一會就自動上網, 被物件按壓同用手按有乜唔同?  

因為 speed-dailing 一般只可以set 1-9, 而 0 是不可以 set 的, 因此唔係 speed-dailing 問題.

你去一下門市趙吓佢地罷, 你未去之前可以試吓:
按Menu->按service->按options->按settings
見到 access point (唔好按, 應該見到有個 gprs的名), 按 options->按change
將個gprs的名 delete.

你有時間就試吓啦

真係好奸架...上次我媽部機,無端端送免費服務比佢,三個月....

老人家,送比佢有乜用呀...佢淨係識打出打入之嘛....我打去嘈左好耐都話唔好可取消,焗住我要係自己電話設定響鬧,提我去取消個服務...

=======
我依家用緊個計劃係無得上網既(好似叫2G)....我就係怕按錯鍵要收費呀....不過我用量超低.....用量高果D唔知有無....

[ 本帖最後由 cklife 於 2007-10-3 10:19 編輯 ]