ic ic ...好彩未加過茶葉渣啫...多謝你提提我呀.
今日朋友比我D有機肥我用嚟種果樹, 咁我就加左少少落D米仔蘭度, 應該OK架呵?
請問咩叫塘泥呀? 買左加上去就得架啦? 要唔要翻下土咁呀?
花園唔係好大咋, 就係見到咁多囉...不過好想整靚佢呀. 老公巳經話我中邪, 晚晚煲你地個網好夜先瞓呀! 但見到你地種D野好靚, 真係見到就興奮
剛買左D種子, 有蕃茄仔, 草苺,紅辣椒, 重有怕醜草同矢車菊, 但呢兩日會凍, 所以唔諗住落泥住. 唔知有咩心得比我呢..
重有, 我住西貢, 有無介紹下邊度買泥同花肥好呢? 我見你地都係元朗呀大埔咁...好遠呀.
花墟我都未去過架...成世人真係第一次學種野...好多野都唔識架. 請多多指教. |