粟米葉變紫色,西瓜就脫色,密瓜葉就死喇~(粟米失敗相)

1.唔知做乜種種下粟米既葉變左紫色呀?
   佢係咪唔夠營養呀?
   要比d乜佢呀?

粟米既葉都變了紫色喇

約10月出世既粟米仲係廋孟孟咁

2.西瓜本來有西瓜紋架,種種下無哂紋仲好似脫色咁既?
   佢地大約9-10月出世但大大下就一直都唔識大喇,係咪再等都無用喇?
   仲有西瓜是否每年都要重新下種架?

西瓜紋唔見左,隻瓜仲好似脫色咁白左

另一隻都無事

第三隻都無事,不過三個都係細細粒咁

[ 本帖最後由 sammyzoe 於 2008-12-1 01:37 編輯 ]

3.密瓜葉上多左好多白色既野係乜黎架?
   有乜方法可以救到佢呀?佢好似就死咁呀~~


大家可唔可以幫下我呀.

粟米係唔係唔夠肥??密瓜好似有白粉病.....好似係要同佢消毒的....不過我唔係好識...幫不上忙...,不好意思....

咁請問有無人知佢地發生乜野事呀?
點算呀~~

粟米要大量基肥的, 而且每一棵只留1個果, 其他少的都要擇去

原帖由 sammyzoe 於 2008-12-1 01:30 發表
1.唔知做乜種種下粟米既葉變左紫色呀?
   佢係咪唔夠營養呀?
   要比d乜佢呀?
78828
78829

2.西瓜本來有西瓜紋架,種種下無哂紋仲好似脫色咁既?
   佢地大約9-10月出世但大大下就一直都唔識大喇,係咪再等都無用喇?
  ...

西瓜是每年下種的, 1年生, 也是1棵1個果. 而且現在咁冷, 一般我們已食晒了, 快些吃吧, 而且記得要少水, 可有得佢乾, 好讓西瓜自己收水, 會比較甜D.

原帖由 sammyzoe 於 2008-12-1 01:37 發表
3.密瓜葉上多左好多白色既野係乜黎架?
   有乜方法可以救到佢呀?佢好似就死咁呀~~


大家可唔可以幫下我呀.

蜜瓜, 及一般瓜類都很易有白粉病的, 要個個星期都殺菌, 一般市面的殺菌劑都OK的, 如果有機可用NEEM OIL. 但種蜜瓜的最佳時候已過, 因氣候問題會特別易病的.

你的粟米泥唔夠深, 我見你用長條盆, 而且太迫. 最好用深的發泡膠箱要大量機肥.

可能天氣凍,Ｄ瓜凍傷左呀,
Ｄ西瓜蜜瓜係夏天種嫁,
冬天種好容易死嫁.

pauline
你意思係粟米唔夠泥同肥?
我還在想佢是否欠缺某一項原素呢,
那我是否加高個盆,加泥加肥便可嗎?

咁西瓜方面
係咪即係每年採果後就要連根拔起,
待明年再重新下種子呀?

密瓜都是一樣嗎?
那即是就算種到明年都無用嗎?
應該拔掉還是救活佢呀?
如果救要點做呢?

你有冇睇呢個post 呀?
白菜變紫
http://hkplants.com/viewthread.php?tid=21829&extra=page%3D1

八妹仔
我都知我遲左下種,
鬼叫自己手痕嘛,
7,8月時熱到死,
唸住仲趕得切掛,
咪手多多下種囉,
舊年時要到12月至涷,
仲要涷得幾天,
我仲唸住今年同往年差唔多,
所以........................一日都係自己衰,
害佢地隻隻要過寒冬.
真係要打打自己個臭屁屁呀.

小寶
我有睇過呀,
但我唔確定問題是否一樣囉,

其實早兩星期前粟米仲係好好地架,
突然走哂樣>_<''
等到頸都長至等到今日,
我唔可以前工盡廢架

因為打果要大量肥的, 唔夠就會走晒隸

好!!我決定要救救小粟米!!
用膠file加高個盆,
打走多左出黎既粟米b,
再樣樣肥都加d,
應該會番生掛

sandylam
完來蜜瓜係一年生架,
而家過左時不合生長,
看來好大機會我要親手殺左你比我既b啦,
待明年再努力才有望有果食喇.

唔緊要啦~
你解決佢地囉.
我仲有五棵.
我既既蜜瓜無事呀~
全部都係開緊花花.
我要再谷肥佢等佢開囡花.
佢地係室內,無風無浪,應該可以安然過渡.

朋友仔們嘅發言都好正確啵!

原帖由 sammyzoe 於 2008-12-1 12:42 發表
小寶
我有睇過呀,
但我唔確定問題是否一樣囉,

其實早兩星期前粟米仲係好好地架,
突然走哂樣>_

你Ｄ粟米係超甜粟定係Ｄ紫粟米呀.
因為粟米啱而家時候種嫁,
多數吾夠肥先变紫色叶的,
我呀媽２星期之前先啱啱收左Ｄ粟米尼食.
超甜粟,細細條,好好食.

每棵粟米留一枝大嘅粟米,有時一棵粟米結２,３枝粟米的.
細嘅重係ＢＢ粟米仔可以食嫁,
Ｄ粟米仔切片同Ｄ雜菇一齐炒,
Ｄ粟米蘇可以加意米煲涼茶,
好去濕嫁,我呀媽就係咁樣食埋Ｄ粟米仔嘅.

八妹仔
放心放心我d小朋友大小通吃既,
佢地唔吃我就拿來打邊爐.
我d粟米種子係黃色,
應該唔會係紫粟米掛.
係呢要等幾耐至食得架?