事頭婆講
背山豪宅 風水都唔一定好
住咁耐 黑足咁耐
但係佢又唔會信風水信到十足十
所以都無搵風水先生睇過
不過佢話果間居o既設計好"沖"
我問佢點"沖"法
佢話 間居全部都係落地大窗
一開門就對住個大窗
窗出面就係綠到好似深淵一樣o既山林景觀
佢話 次次一入門口個心都好離
個人好似被抽左出去咁
隻腳好無踏落地o既感覺
好似一入屋就跌左落山崖咁 好唔聚財...
住左唔夠一年 就想搵屋搬 ...
我問 咁仲有無見到野呀
佢話
有一次 星期日一家人出街
落到去停車場攞車
佢話 個停車場都幾開陽光猛
不過 車位側邊就有道墻
當佢地上晒車 預備開車之際
坐近墻邊個位o既仔仔望住道墻講
媽咪 點解個叔叔對手會越伸越長o既 ...
之後 一陣沉靜
事頭婆話佢同事頭對望左一下
事頭就以佢平生最高速開車走人
一路上大家都無出聲 直至去到目的地 ...
過左無幾耐
佢地就搬返出市區住
直到而家都無奇怪事發生過勒
~ End ~ |