園藝真的是只有大年紀的人才會做嗎？

其實最多系環境原因
1.屋企細，無地方種野
2.無陽光，d光被高樓大廈擋嗮

香港地生活迫人，好多老人家都要工作。
唔係就要幫手睇住啲孫。
邊得閒！

alexkai 發表於 2018-7-23 14:14
在我認識的人中, 種花的人的確是沒有40歲以下
年輕人都顧著玩手機, 莫說是園藝, 連普通行街運 ...

不太認同這句：生活安定多空餘時間的人, 才會有閒情種花花草草, 而這類人通常是上了年紀的人.
我覺得喜歡種盆栽似和養寵物都係一種情意結，也是一種興趣。我十幾歲巳鐘意種嘢 ，到出來做嘢就買得多，但唔係得閑唔係有閒錢，而係興趣和減壓。

Vinia 發表於 2018-7-27 21:51
不太認同這句：生活安定多空餘時間的人, 才會有閒情種花花草草, 而這類人通常是上了年紀的人.
我覺得喜歡 ...

對啊, 種植可以減壓
因為工作的環境氣氛不好, 室內不見天日死氣沉沉, 總有點無形的壓力, 就打算種些植物增加生氣, 最初是種肉肉, 貪其小小棵可以放在工作上枱, 但環境不合適, 死了又買死了又買. 有些星期五下班時還好好的, 到下星期一上班就解體了, 要收屍真心灰  有些徒長走色變得殘殘的, 看著都不是味兒 不斷上網研究解決方法,
無意中在這裡認識了迷岩, 被花花吸引了, 幸得這裡的熱心花友慷慨送贈, 現在種植的幾棵小苗一天一天成長, 閒暇時看看這裡大大們的花花和對話, 真的心情也開朗了. 壓力也輕鬆了

係呀, 種植好幫到我減壓, 再忙都會放盆黃金葛响office.

話時話, 我從小都有種花, 只係種得好唔好咁解啫.

做乜都係越多經驗就做得到好的, 種植一樣, 年輕人經驗不多, 又多其他野玩, 好多時係新屎坑就好鍾意, 但日子一耐就無心機種了, 所以比較上係年紀較大的確係較好的

阿媽話我幾歲人仔就鍾意跟佢種菜，興趣既野無分年紀。
最近睇新聞講種植可以抗情緒病，又多個理由俾自己種多D 植物。

我小學已經喜歡種花養魚，但不久就死，中學上網查資料，買器材養魚種花都長命。
現在出黎做野，無養魚了，還有種植物，
除左蘭花之外，其他植物（都係小型）一係1,2星期死，一係1,2年都死。

可能大年紀有多D時間／耐性掛
細細個學校種過綠豆、秋海棠之類，一開頭日日都睇住，
不過成日3分鐘熱度，種一段時間就冇哂心機，可能冇睇頭／本身唔係咁中意秋海棠掛
後尾中學同朋友行花卉展右買左D香草啊蕃茄果D種，呢次就種得耐D後尾棵蕃茄生蟲糾纏左好耐，情況一時好一時差，最後連其他香草都拖死埋
依家唔知係人大個左（2X）／唔同屋企人住冇人執手尾，反而好心機左種自己中意既野

種野好花心機呀，我愛種av但係我冇咁既條件去照顧佢放起屋企呀，放起屋企種係件好殘忍既事。買一次就殘殺一次
花友們既花我都唔敢要了，自己種唔到見到都已經可以好開心。
有啲花友仲影得好靚，有次有個花友分享花貓比我都係個同學仔黎，靚既野冇人會嫌多，見到想要既就會買既有好多，我真心尊敬種花者呀

我想講無咩人都會愛花但係有機會係唔識種

2X差多不尾...開始對花花有興趣...
但未講得上種好多野...但覺得學多樣野..都幾有趣..

hecate 發表於 2018-9-18 01:28
我想講無咩人都會愛花但係有機會係唔識種

梗係有, 我種左野十幾年都係有好多野未識. 種到老學到老~


話時話, 上2個星期响呢度識左個廿歲98年出生的花友, 呢度都有年青花友架~

貓眼寶寶 發表於 2018-9-16 17:37
可能大年紀有多D時間／耐性掛
細細個學校種過綠豆、秋海棠之類，一開頭日日都睇住，
不過成日3分鐘熱度，種 ...

2X已經有能力自己出黎住...已經唔簡單....養多盆花花應該無難度呀~

icesea 發表於 2018-7-21 23:30
看來都有人因為「一人一花計劃」學會種花！

我囝係其中一個,佢真係會留意佢有冇水,又成日叫我加泥土~HAHAH!
依家連bb都得閒去摸下...兼食泥
所以我覺得一人一花計劃係有一定既好影響

而我細個好鍾意養小動物,尤其魚及烏龜。因為佢地生活在水,令我留意到海草類。細個冇錢,得個睇字。大個左.去幫人補習,有錢就去買....。呢d興趣,我個人覺得,有少少係細個就留意。冇留意既人,到老左都未必留意~

suisuet 發表於 2018-11-21 10:10
我囝係其中一個,佢真係會留意佢有冇水,又成日叫我加泥土~HAHAH!
依家連bb都得閒去摸下...兼食泥
所以 ...

係呀, 俾個機會小孩學下照顧花草, 好支持＿

suisuet 發表於 2018-11-21 10:10
我囝係其中一個,佢真係會留意佢有冇水,又成日叫我加泥土~HAHAH!
依家連bb都得閒去摸下...兼食泥
所以 ...

你BB好可愛！好有探索精神！在家種植，要小心避免用有毒農藥！

我以前從來不理會屋企的植物，家父喜歡種植，好有心機修剪、換盤、栽種，賞花識花，但我一點也不會。到佢過身之後，媽媽來接管所有植物，但她全不懂，種到了無生氣，一衆植物再沒有開花。
我不忍心，才開始慢慢學習，接管家中的植物，看書、上網睇資料、虛心救教栽種達人大大們、出花墟、去花展，興趣就係咁培養到出嚟