蔡瀾常到的150間食府

好多酒家飲店都在大門貼上"蔡瀾常到的150間食府"作為招徠

這當然是蔡生收費做的宣告廣告, 意味著以蔡生咁識飲識食啲人都經常嚟食嘢, 一定有番咁上下

以蔡生咁忙, 唔係帶團就係去外國拍特輯, 而又咁識食, 俾佢"常到"的食府, 真係有番一定水準

細心一計, 猜蔡生冇一半時間在香港, 就當一年有150天在香港罷, 一日兩餐 (早餐唔計, 因為貼得果張嘢的都冇早市), 即係一年在香港食300餐, 咁平均嚟講, 話蔡瀾常到的150間食府, 每年佢只係幫襯得兩次, 嘩, 一年食兩次, 咁都叫常到呀?

如果有幾間真係特別好食, 蔡生每年會去多幾次, 咁重慘, 即係話有幾間貼住"蔡瀾常到的150間食府"的飯店, 其實蔡生一年去唔多過一次.

就當佢365日都在香港出街食嘢, 一年都係730餐, 平均每間都一年都唔到5次, 一年5次, 都唔可以用常到卦!

所以你見到間餐廳有哩張嘢嘅, 你唔好俾佢誤導咗, 佢和其他餐廳唔同啲地方只係佢有俾錢蔡瀾.

蔡生, 如果你見到呢個POST, 好心你收廣告唔好咁濫啦, 改為10至20間算啦.

乜你咁好數口呀~

我係精算師嚟嘛  

早講呀...........

你話早講蔡瀾呃廣告, 定早講我係精算師呀?

早講你係精算師

原帖由 虛宿寶瓶 於 2008-10-3 15:31 發表
早講你係精算師

依家有 calculator, 人人計數都好精

蔡瀾係收錢的食家, 我唔係好信佢

原帖由 Peter 於 2008-10-3 15:38 發表


依家有 calculator, 人人計數都好精

有計數機都唔代表識篤嘅！

原帖由 虛宿寶瓶 於 2008-10-3 15:45 發表

有計數機都唔代表識篤嘅！

好啦, 我開個 "準確篤計算機速成班" 教你篤篤

原帖由 kim 於 2008-10-3 15:23 發表
乜你咁好數口呀~

咁好數口, 有冇叻先?

原帖由 chris 於 2008-10-3 15:39 發表
蔡瀾係收錢的食家, 我唔係好信佢

我都係咁話。
重有我唔鍾意睇佢ga食相。

最乞人憎就係人人都係我似佢

[ 本帖最後由 Peter 於 2008-10-4 09:13 編輯 ]

嘩哈哈哈哈！嘩哈哈哈哈！嘩哈哈哈哈！嘩哈哈哈哈！嘩哈哈哈哈！

跟佢節目食過幾個, 好一般.......

蔡瀾既推介要好小心選擇, 好多地雷!! 上星期係TV 個間上/西環老店都仲滾人去, 的雞旦糕硬到可以掟死狗!!

我都唔係特登去佢介紹啲餐, 有次去到 lockhart 道有間東南亞舖, 一邊食我已經同太太講唔掂, 又貴, 唔覺意見到大玻璃貼住張"蔡瀾常到的150間食府之一", 真係火都起埋.

當然不能全相信廣告或任何一位食家啦, 全部都包裝過嫁, 但有一些食物是其他國家引入的食品, 暫時不能到這國家旅遊, 便可以在香港嘗試下, 好有趣呀 !

我都覺得佢介紹個d好多唔係好掂,就講美食坊,只係得一間好d唶,其他就真係麻麻啦

原帖由 prodorothyhkg 於 2008-10-3 16:59 發表
我都覺得佢介紹個d好多唔係好掂,就講美食坊,只係得一間好d唶,其他就真係麻麻啦

吓, 有一間咁好呀? 邊間呀?