公厠的藝術

當大急到標, 雙腳打哂交叉, 入到去公厠, 見到由門口數入去1,2,3,4,5格,

A. 見到有人企在第1格外等, 點急都冇法, 唯有企在佢後面, 這時有個人入嚟, 一企就企咗向第4,5格中間, 做個勢等第4&5格 - 你會點?

B. 見到有3個人分別企在第1,3,5格外, 唯有企在第2格, 當第2格開門時, 企在第1格的仁兄搶在你面前, 一擁而入, 佢話佢等緊, 我問佢咁頭先係唔係等緊第1格, 佢話兩格都係佢嘅, 我問佢咁第3格係唔係佢嘅, 佢當我白癡 - 問: 在厠所, 一個人可以等幾多格?

C. 見到1,2,,3,4格都有人等, 只好等第5格, 當第5格開打開時, 在等第4格的仁兄走過來說: "我好急, 讓我先".  我說: "我都急, 唔急都唔入嚟厠所".  佢唔理, 衝咗入去.  問1: 去公厠點計誰急多D?  問2: 去公厠是不是有急者居先?

D: 見到1,2,,3,4格都有人等, 只好等第5格, 但其他的格都出入了兩次, 你等的第5格還是没有動靜.  問: 你會唔會搬位?

點解公厠唔整條隊俾人排?  吹漲.

我係女仔, 通常香港既都會自動排一條龍出黎, 但去到大陸, 情況就好似你所講既一樣

我都係經常見到女厠排哂出門口, 男厠就亂乜咁龍

係唔係女人冇咁鐘思打尖呢

原帖由 Peter 於 2008-10-3 16:57 發表
我都係經常見到女厠排哂出門口, 男厠就亂乜咁龍

係唔係女人冇咁鐘思打尖呢

可是與peter的「排隊」相提並論
我覺得是女人較鐘意打尖

我試過响上海一間書城排隊買書，我排第四個，當排到下一個是我時，有個帶眼鏡官仔骨骨身光頸靚既男子一句唔該都無，閃左係我前面，嘩～　咁仲唔係打尖？！
水母起初用好溫柔既普通話跟他說：請排隊．哈～他扮聽唔到．
跟住水母大大聲說：hey! are you a gentleman? line up please!

他聽懂 「英文」嗎？
若能懂，算是知識分子了，怎会「打尖」！
而且，大家都是爱书人，怎可能这样沒有修养？

原帖由 八王爺 於 2008-10-4 06:56 發表
他聽懂 「英文」嗎？
若能懂，算是知識分子了，怎会「打尖」！
而且，大家都是爱书人，怎可能这样沒有修养？

所以我最後好唔客氣咁話佢囉~
哈~ 放假日子, 大家都咁早呀~

原帖由 kim 於 2008-10-4 06:30 發表
我試過响上海一間書城排隊買書，我排第四個，當排到下一個是我時，有個帶眼鏡官仔骨骨身光頸靚既男子一句唔該都無，閃左係我前面，嘩～　咁仲唔係打尖？！
水母起初用好溫柔既普通話跟他說：請排隊．哈～他扮聽唔到．
跟住水母大大聲說：hey! are you a gentleman? line up please!

唔論男女都要排隊, 你呢句有性別歧視 (講笑), 你應話: hey! are you a human being? line up la!