排隊的藝術

真係無耐........

原帖由 gtrnismo 於 2008-10-3 15:36 發表
1, 答van仔去觀堂, 尖咀上車, 大家都排隊, 但架van仔停唔正
正路應該最前位人兄行翻去上車, 但排中間既人係感上, 我排第3左右, 我叫: 唔好打尖! 跟住上車之後果條友話要打我。 全車無人理, 只有我同佢嘈, 最後有位太 ...

1. 哩d就係人嘅心魔, 好多人心中都有著佔別人便宜的心魔, 大家排緊隊, 佢會好地地去排, 條隊一亂, 人啲人魔就釋放出嚟, 有亂唔駁等於蝕底, 見到人地駁亂, 自己駁唔到重蝕底.

2. 都是你的錯, 見到靚女就讓, 見到師奶就唔讓, 個師奶當然唔高興, 你打擊咗師奶殘餘的自信.  唔幫你,  不過你點解會聯想到毛主席呢?

[ 本帖最後由 Peter 於 2008-10-3 15:52 編輯 ]

一多按了一下發表帖子就會double ga la~

我住公共屋村的
間中係樓下街市買野食(幾蚊炒米粉.面呀.腸粉果d)
最鬼憎成日d師奶係後面伸手扲住d錢..明明我排先嫁嘛
仲要明明係排隊..然後一埋師奶出黎之後冇隊頭隊尾
明明我係最頭.比人迫到頂住裝住d d盤
新衫變油衫..真係撞佢個鬼
  雖然唔過千.都幾舊嫁

咁慘?! 睇咗咁多事例真係搞到我佛都有火! 諗番起真係好憎人地打尖! 澳門呢邊巴士站係無欄柵的. 根本無人會排隊! 我想投訴好耐, 希望佢整d 欄迫人排隊... 事關我每朝番學塔巴士都有一班外勞係度等車, 而佢地哥班地盤工人就係喺威尼斯人酒店哥區番工嘅, 我學校偏偏係哥區, 唔係專登講"大陸佬", 但係佢地嘅個人修養及衞生都唔係好掂! 問題係, 巴士一黎, 佢地就一窩蜂咁堆晒係個門口, 互相你迫我我迫你, 真係拼命迫, 唔係就住就住, 我見過d 細個d 嘅小朋友同年紀大d 嘅老人家, 成班"佬"喺度咁迫法會整親佢地囉! 其次, 大家都趕時間, 而佢地監硬迫住上車反而會令上車速度更慢! 我初初都同佢地迫左一兩次, 佢地d 衫好臭好污糟啊!!! 試過後以後都等佢地上晒車先上, 寧願企...

原帖由 kelvinkou 於 2008-10-3 22:19 發表
咁慘?! 睇咗咁多事例真係搞到我佛都有火! 諗番起真係好憎人地打尖! 澳門呢邊巴士站係無欄柵的. 根本無人會排隊! 我想投訴好耐, 希望佢整d 欄迫人排隊... 事關我每朝番學塔巴士都有一班外勞係度等車, 而佢地哥班地盤 ...

沒錯..根本不是針對.其實對事不對人
操普通話式廣東話人規矩大多不太多
有時明明是他們做錯
多看一眼反而佢地就好似撩交打咁啤鬼死你
俗語有云l「爛佬怕潑婦」
相比於同胞..
我就是「港人怕大陸人」

原帖由 Peter 於 2008-10-3 12:02 發表

其實case1是我想帶出, 幾多米才是合理距離, 10米唔駛理, 咁9米呢, 8米呢........

其實幾遠都唔係問題，隊尾無人就企埋去，佢話我打尖，我會bear bear佢，然後當無事發生。

昨天去落巴士, 巴士站係兩邊都有鐵欄果種, 有個大陸人站在鐵欄口, 離條隊尾有成10個身位, 我問佢係唔係排緊隊, 係就唔該佢行前d, 佢行前咗一步, 又唔答我地, 我谷鬼氣, 夾硬穿過佢去隊尾排, 佢啤住我, 今次到我唔理佢.  過咗幾分鐘, 佢有一班朋友過來, 才明白原來佢係霸住d位, 唔俾人排隊, 等佢d朋友嚟到有位企.

斃喇！我睇完啲帖，覺得係排隊哩件事上自己思想同本地人有好大差距。
1. 無規定距離，但2米已經很遠，有啲離譜。
其他問題，一般我都唔介意別人打尖，因為個人很少為要趕時間而排隊。

實例昨天發生，某銀行的兩部櫃員機前，有兩條隊，我排的那一條15分鐘都未郁過，前面仲有3個人，而另一邊卻不停向前，很多比我遲來的人都攞完錢走人！我都仍然排住同一條，我前面的幾個人都走去排第二條了。後來那個用機超耐的婦人用完，仲向後面「眼超超」，咁你地話佢抵唔抵俾人 啤住？

斃喇！我睇完啲帖，覺得係排隊哩件事上自己思想同本地人有好大差距。
實例昨天發生，某銀行的兩部櫃員機前，有兩條隊，我排的那一條15分鐘都未郁過，前面仲有3個人，而另一邊卻不停向前，很多比我遲來的人都攞完錢走人！我都仍然排住同一條，我前面的幾個人都走去排第二條了。後來那個用機超耐的婦人用完，仲向後面「眼超超」，咁你地話佢抵唔抵俾人 啤住？
八王爺 發表於 2010-10-4 10:51

東涌地鐵站的櫃員機就解決咗哩個問題, 銀行拉咗個欄, 兩部機都係排一條隊, 因為在地鐵可以做得到, 街邊的櫃員機就難d

試過在街排櫃員機, 有兩部機, 有一部有一個人在等, 另一部則冇人等, 我去排在有人等的後面, 有個人嚟見到冇部機有人等, 就想排上去, 我有禮貌地同佢講: 大家排一條隊啦, 咪重好.
佢唔願都唔好意思, 就排在我後面
再在人嚟時, 佢見有三個人在排隊, 佢都唔好意思去排冇人等果部

打尖俾人話的反應:

1. 扮無知
我來到時條龍尸山四個人, 我排第五, 不久來了一人排在我後面, 之後來了一對狗男女, 一埋嚟兩人就企在第三, 四個人中間, 馬上又抱, 又錫, 又摸, 好似做緊嘢咁, D人見到佢打尖都冇人敢話佢.  (可能哩D就係佢哋打尖嘅技倆), 我輕輕督督隻男狗背脊, 問佢: 你係唔係打咗尖呀?  佢當自己啱啱响大陸落嚟咁, 問佢前面果個: 你哋排幾多號呀?  人哋話俾佢知係排XX號, 佢哋先扮第一次排隊咁, 行返去後面.

就當你唔知人排緊幾多號,

2. 語無輪次
朋友係個大肚婆, 排緊隊, 因為行得慢, 離前面個有二三個身位, 這時一個C9尖入佢前面,
朋友大聲喝佢: 喂, 你重乜打我尖呀?  
佢話: 我見你行得咁慢.
朋友話: 我行得慢你就可以打我尖嗱?
佢話: 係呀, 我趕時間.

朋友已經俾佢笑到唔識出聲.

3. 扮惡
排緊隊過關驗身份證, 我前面果個可能張卡壞咗, 入唔到閘, 想離開, 有個大隻佬响隔離條隊馬上衝過嚟打尖,
我大聲喝住佢: 喂, 你做乜打尖呀?
佢重大聲過我: 你咪行囉.
我同佢講: 我鐘意幾時行就行, 都唔到你打尖.