新手移盆、泥土，求指教

見到d多肉真係可愛到不得了，上兩星期又睇書又周圍search有關多肉教學，最後search到呢到話晒自己友，同聲同氣d，希望各位師兄師姐賜教

話說我又係响上環買咗好幾棵肉肉，放咗响屋企幾日，終於尋晚的起心肝，鼓起勇氣行出移盆嘅笫第一步。爬過文后知道洗走d舊泥後，要休息約一星期才可下土，不過見有d根幼到不得了，而且好短，都唔知種唔種得成？

其次，我好想請教一下，我買呢d泥啱唔啱種呢? 睇書話到好複雜，但店主又話呢d泥種到，佢教我白色石仔放小小响盆底，然後5蚊雞泥溝赤玉，最後面頭放白石仔作裝飾，我有啲擔心同懷疑，希望各位可以指點迷津，謝謝

定話要跟書教嘅配搭呢?

如果植物數量不多, 我自己會買多肉植物專用泥, 裡面成份己經溝好晒, 當然價錢會偏貴.

歡迎新花友, 你似係上環缸記買肉的, 我都常光顧的, 講真我種左咁耐都唔知乜泥物泥有乜分別, 種到的用乜泥都種到, 種唔到的就算用最貴的都係種唔到, 就係因為不明, 所以就用返各自的專用泥就應是最好的了, 種多肉我就用多肉泥或仙人掌泥, 為左增加成功率, 爬文得知最好加入疏水植料, 好似珠石, 珍珠岩, 赤玉土等, 雖然成本確係加了, 但為求心安理得, 唔慳得吧, 萬一仍出事都算有過交代啦

calvinlor 發表於 2017-7-26 09:42
如果植物數量不多, 我自己會買多肉植物專用泥, 裡面成份己經溝好晒, 當然價錢會偏貴. ...

多肉植物專用泥向邊到買?!  包裝上寫明多肉植物專用泥?

powergun 發表於 2017-7-26 10:24
歡迎新花友, 你似係上環缸記買肉的, 我都常光顧的, 講真我種左咁耐都唔知乜泥物泥有乜分別, 種到的用乜泥都 ...

醒目, 就係上環缸記, 不過做埋2日就搬灣仔喇
咁即係我要買多肉泥溝赤玉土種啦, 咁請問比例是 1:1 ?

sukiee 發表於 2017-7-26 12:50
醒目, 就係上環缸記, 不過做埋2日就搬灣仔喇
咁即係我可以用缸記5蚊泥溝赤玉土種啦, 咁請問比例是 1:1 ?  ...

下, 又搬去灣仔? 知唔知灣仔邊度呀?

我買花寶的仙人掌泥的, 是的, 一半泥, 一半赤玉土或蘭石

powergun 發表於 2017-7-26 12:54
下, 又搬去灣仔? 知唔知灣仔邊度呀?

我買花寶的仙人掌泥的, 是的, 一半泥, 一半赤玉土或蘭石 ...

一陣幫你8

sukiee 發表於 2017-7-26 12:55
一陣幫你8

搬去呢樹

sukiee 發表於 2017-7-26 13:11
搬去呢樹

近我, 灣仔道148號, 正

sukiee 發表於 2017-7-26 12:44
多肉植物專用泥向邊到買?!  包裝上寫明多肉植物專用泥?

我係花墟鋪頭買的，我買的是日本生產的多肉泥，牌子是H字頭，封面有多肉植物圖畫，基上中好乾淨，什麼都冇溝直接使用，種了成年的玉露，卧牛都好建康，肥肥白白。

好，放假去花墟搵吓先，仲有冇包裝袋？方便我搵，同埋大約幾錢?

sukiee 發表於 2017-7-26 19:48
好，放假去花墟搵吓先，仲有冇包裝袋？方便我搵，同埋大約幾錢?

我都係去 "X寶" 買泥，原價好似成舊水一包，但當時係花展 "X寶" 攤位所有貨品七折，我掃左一堆返屋企＾＾

另外我見你的植物根部好軟弱，建議你搽些Hi-Fresh係根部, 然後新泥加少少舊泥一齊使用。
不過果樽Hi-Fersh好貴，而且一大樽你未必用得完，如果你真係有興趣種植，我比少少Hi-Fresh你玩^^

歡迎新花友！

sukiee 發表於 2017-7-26 09:13
定話要跟書教嘅配搭呢?

參考下可以，始终地方唔同、環景唔同都會唔同

calvinlor 發表於 2017-7-26 20:57
我都係去 "X寶" 買泥，原價好似成舊水一包，但當時係花展 "X寶" 攤位所有貨品七折，我掃左一堆返屋企＾＾ ...

好呀好呀！請問點約交收？估計我星期六下午會到花虛

BenLau 發表於 2017-7-27 05:47
參考下可以，始终地方唔同、環景唔同都會唔同

好的

sukiee 發表於 2017-7-27 08:59
好呀好呀！請問點約交收？估計我星期六下午會到花虛

我星期六未必出花墟, PM夾時間啦.

上星期聽師兄教，走咗去買包日本泥，今晚發現原來高咗吖！勁開心囉！