想在露台種幾盆花, 請問....

各位好, 我想在露台種幾盆花, 最好是顏色鮮艷易種易開花不太大盆, 露台向東有日照, 請問有邊個品種比較合適? ...但不想要攀縢植物, 請比意見, 謝謝.

大岩桐都幾易種，花顏色又鮮豔

如果你耐性夠，唔會一手痕/心癢、唔會一心思思就走去淋水嘅，可以考慮中小型嘅 “千里香或者芙蓉香波” 茶花（茶花少有香味，但 E 兩個品種不但有香味、而且都好吸引）！茶花生長比較慢，唔會一年半載就佔曬大部分地方，適合露台，不過一年只開一次花。或者如果喜歡四季開花，可以考慮有香味嘅玫瑰（月瑰）品種。不過香港嘅玫瑰品種比較少，可以淘X，E 個網站有唔少分享淘X嘅經驗。

Vinia 發表於 2017-7-20 13:17
大岩桐都幾易種，花顏色又鮮豔

你好，大岩桐是否可放外，不怕曬?我見人家都是放室內，所以未敢試。向東露台沒問題?之前有人義賣桐  “  晒得熱得, 好易種. 根球現在大慨4吋大在盆在.
個盆大慨8吋濶(無真正量度過), 放室外種。”這樣形容很吸引，是否這樣的?

謝謝兩位, 請問大岩桐, 千里香, 芙蓉香波茶花是否在花墟買? 會否多蟲蟻? 因擔心多蟲蟻走入屋, 女兒怕怕 ... ...另外見其他花友種繡球好靚, 繡球易種嗎? 可否一年四季放露台? 謝謝.

kj928 發表於 2017-7-20 13:44
謝謝兩位, 請問大岩桐, 千里香, 芙蓉香波茶花是否在花墟買? 會否多蟲蟻? 因擔心多蟲蟻走入屋, 女兒怕怕 ... ...

花墟比較多見千里香茶花，芙蓉香波少見 D…… 除非有用藥物，如果唔係天然環境一定有昆蟲（就算冇種盆栽）。不過只要照顧得宜（特別係做好疏水、等泥土 “表層/面” 乾到化白先至再淋濕透水），茶花相對而言會比較少 D 有蟲害。另外茶花喜歡陽光（稍怕 “太高溫”）、喜歡泥土稍乾、需要通風環境，所以可以全年放戶外露台。

雙魚座 發表於 2017-7-20 13:43
你好，大岩桐是否可放外，不怕曬?我見人家都是放室內，所以未敢試。向東露台沒問題? ...

據我所知大岩桐唔怕晒，因為好似花貓需好多陽光。我都係擺放在廳窗外向南的花槽

謝謝各位, 另外請問繡球易種嗎? 可否一年四季放露台?

kj928 發表於 2017-7-20 14:02
謝謝各位, 另外請問繡球易種嗎? 可否一年四季放露台?

注意淋水唔好太濕，同埋唔可以曬夏天烈日。

太陽花，花墟十零廿蚊盆，通常有兩三個色，唔難種，夠陽光自然生得好

謝謝, 請問太陽花及繡球冬天放露台可以嗎? 會否凍死?

kj928 發表於 2017-8-6 15:01
謝謝, 請問太陽花及繡球冬天放露台可以嗎? 會否凍死?

如果指既太陽花係向日葵既話，以你向東既陽台來講，
冬天日照好短，俾唔到佢足夠既需要；
而繡球花係唔耐寒，但係香港凍極有限 (跌到前一兩年咁得幾度另計)，所以唔駛擔心呢方面既問題，
萬一真係得幾度，就將佢暫時移番入室內，用膠袋套住保溫。

謝謝你的意見

kj928 發表於 2017-8-6 15:01
謝謝, 請問太陽花及繡球冬天放露台可以嗎? 會否凍死?

太陽花即係松葉牡丹，馬齒牡丹，唔係向日葵
夏天陽光充沛盛開，冬天半死，回暖又生長

雙魚座 發表於 2017-7-20 13:43
你好，大岩桐是否可放外，不怕曬?我見人家都是放室內，所以未敢試。向東露台沒問題?之前有人義賣桐  “   ...

大岩桐多曬才生得好
室內會徒長，但也會開花

我用4寸盆種，衣家闊11寸
開花會吸引小量昆蟲， 食完就走
泥上不要放枯葉/廚餘/垃圾，就唔會有害蟲

我露台種大紅花， 花謝 然後又有花開， 好易種！ 但前日打風後就吹斷左， 想問如果剪去上面枝條， 會再生返嗎？？
請賜教

sugarcane 發表於 2017-8-25 11:43
我露台種大紅花， 花謝 然後又有花開， 好易種！ 但前日打風後就吹斷左， 想問如果剪去上面枝條， 會再生返 ...

修剪枝條後，有機會在剪切口再生新芽點

紫菜豆腐湯 發表於 2017-8-27 00:32
修剪枝條後，有機會在剪切口再生新芽點

thanks!! 而家試緊