我棵羅勒變黃

如圖


已經換過盤 加過蛋彀粉，咖啡粉 埋左條小羽毛
但老葉都

我日日都淋水但份量唔多
日照長的
之前因爲因黑色蚊之仔（唔多）所以噴過竹醋液係附近

希望有人可以幫手睇睇點解老葉會黃黃 個頂就仲ok既

似有紅蜘蛛同蚜蟲... 有冇用水同布去抺下葉?

睇過冇蟲架

剪一半用新泥新盆再扦插

你對佢太好放太野入去,特別係細盆果盆。
大家種香草種死多數係 :
1.淋太多水爛根  
2.施肥太多醃死
好似ChrisChauChris講咁剪落黎用新泥重插就好,
大塊既葉先剪走留返d芽仔可以減少失水,泥保持微濕,
然後剪個膠樽當小溫室笠落去,好快又一棵羅勒

Btw,雞蛋殼同羽毛呢類要等佢分解要好耐,種到棵羅勒都收埋都未必見到肥效,
而咖啡渣就相反,未堆肥過就直接加落泥好易燒死棵野.....

唔該哂2位！其實我係見佢變黃先加咖啡粉同羽毛但見冇幫助所以認唔住上黎救求求 之前pinching 既時候都有留底 我唸再種過吧 唔該曬

或者你試下剪一D出來，之後去除大葉(剪出來部份)，只留小葉同芽，插入泥等佢生根，之後移植到新盆中

ic3b34r 發表於 2017-5-24 10:20
或者你試下剪一D出來，之後去除大葉(剪出來部份)，只留小葉同剪，插入泥等佢生根，之後移植到新盆中 ...

好呀 今晚試試 唔該哂

如果唔係多水爛根，你可以整盆浸水十分鐘，再沖水一會，讓泥土回復比較中性狀態試試

如果係放野入泥前葉已經黃左,如果問題唔係出現係泥上,咁可能係因為蟲害。

紅蜘蛛同芽蟲,前者因為顏色,後者體形稍大較易發現,如果你檢查過無,有可能係黃蜘蛛而唔係紅蜘蛛,同紅蜘蛛一樣係葉蟎,細到好似塵咁，多數匿葉底吸食植物汁液,如果你見葉黃,而且睇落好似有灰塵係面沙沙地咁多數係佢。

我家無紅蜘蛛出沒都係黃蜘蛛,我無咩對付佢地既方法,唔想噴農藥所以只係將睇落有塵既葉摘曬,一塊葉上絕對有數以百計既葉蟎,因為多數發生係茄子上就當順便修葉。

既然決定重種咁多做幾個手續可以防止葉蟎係新苗重黎。
之前個花盆最好可以用泡洗過再重用,泥如果真係唔捨得掉就攤開暴曬一輪再用。
扞插既枝條一樣係摘曬d大葉留小芽,然後係洗手盆放一小盆水加幾滴洗潔精,等枝條切口陰乾後放入去浸15分鐘再正常扦插程序。

係非洲紫羅蘭板有好多人分享點幫植株消毒除蟲,你可以去果邊搵更詳細教學都得。