花墟買的香草要種多久才可食用

在花墟買了盆羅勒, 種了不夠1個月, 插枝後2天新插枝便死了, 請問是什麼原因.

插枝拔出來唔想浪費想做青醬, 但朋友話花墟買的香草, 驚佢會用農藥或驅虫劑, 要種一段時間才可食用, 請問要種多久才可食用

你好，網上多是說21日才放心食用。正常種食用香草的不會下太毒的驅虫劑。而且香草通常不是虫虫至愛。最怕是有些無良商户到賣時來個大清殺。
羅勒插技是很容易，你可試插水插泥避光（放窗台）兩星期應該有根出。種羅勒最緊要是不讓開花。開花後生長慢了而且快將c~想留種子除外。

多謝你意見

唔知你扞插時係唔係留左好多葉呢？

羅勒算好粗生,直接插泥時因為未有根,所以如果枝條上留左好多葉,被蒸發/呼吸時散失既水份大於莖既切口從泥入面吸取既水份就好易因缺水而失敗。
而要解決呢個問題,一開始可以將大部份葉片摘走,只留小芽,係見到棵野開始重新成長前(一開始都係生根d芽幾乎唔會大),放係避開太陽直曬既光猛地方。
自製小溫室,將大既汽水樽cut走個底然後直接笠住棵野。


而另一個常見失敗原因就係切口被感染,用黎cut棵野既刀上面有菌/泥太濕,植物同人一樣都係會病的，如果你傷口一直浸係泥水入面都會好易出問題的。
把刀可以先用酒精抹下消毒下,而植物既切口亦可以稍微放一陣等佢風乾下再插。
當然如果你有可以幫植物消毒浸泡既野最好啦，但一般私人種植,係切口沾一點蜂蜜/肉桂粉可以幫助減少切口感染既機會,又或者生命力強既植物如羅勒直接插泥亦好易成功的。
泥的話以手摸落濕潤但用力揸一團係手唔會有水滴落黎最好。

基本上消毒保濕有做好,氣溫又o岩扞插好易成功的,失敗都唔緊要,搵下咩係你失敗既原因,下次再改善再試,無人天生係綠手指的

morning 發表於 2017-5-23 19:43
唔知你扞插時係唔係留左好多葉呢？

羅勒算好粗生,直接插泥時因為未有根,所以如果枝條上留左好多葉,被蒸發/ ...

扞插時真係留左好多葉, 因為其他都是直接剪便插, 可能真係這原因和曬太陽.
謝謝你詳細解釋, 對於我這些種植新手好有用

bal1214 發表於 2017-5-25 20:37
扞插時真係留左好多葉, 因為其他都是直接剪便插, 可能真係這原因和曬太陽.
謝謝你詳細解釋, 對於我這些種 ...

大家互相分享經驗互相幫忙嘛，以前我都覺得留多d葉咪可以多光合作用快快生根囉，後來見網上其他人分享扞插果樹技巧,入面有詳細解釋之後先諗通點解。

morning 發表於 2017-5-25 22:11
大家互相分享經驗互相幫忙嘛，以前我都覺得留多d葉咪可以多光合作用快快生根囉，後來見網上其他人分享扞 ...

有冇sweetbasil 不同品種的相片?我自從剪花后,佢吾肯再開,又生得慢

Sweet basil 就係sweet basil,basil有好多種並唔係葉面光滑既就係sweet basil,只係市面上常見主要係甜羅勒同九層塔所以先簡單用葉片外形分

香港市面常見既有
Sweet basil 甜羅勒
Thai basil 九層塔(有分紅骨白骨)
Cinnamon basil肉桂羅勒

3種氣味都唔一樣,而cinnamon basil同紅骨九層塔一樣樣,九層塔多數用黎煮三杯,炒海鮮,cinnamon basil有甜香可以用落甜品香草茶之類,越南菜都會用到cinnamon basil唔一定只係thai basil。甜羅勒多數就用黎煮意粉,沙律其他仲有好多品種羅勒但外形氣味都有分別,我未種過所有都冇心得。

羅勒開花代表佢地生命就到盡頭,摘花可以拖長時間但葉既口感會變差,趁早剪幾枝未有花芽既新枝扞插比較好,有花芽扞插出黎既會生唔大,一係就由得佢等佢開花結籽之後用種子重種,新鮮種子發芽率超高的