本帖最後由 fm_plant 於 2017-6-6 18:02 編輯
Sgarden 發表於 2017-5-9 12:17
茉莉花可以驅蚊???請形容一下味道!!!
清香又不會影響睡眠,只需放兩三朵就夠睡房 “一整晚” 驅蚊用。“聞” 過一定會喜歡!
之前蚊香、殺蚊劑用到人都幾乎 C,但 D 蚊仍然健在。後來偶然把摘下嘅茉莉花放咗喺床頭,竟然可以耳根清淨,再無蚊幫襯……
關於種茉莉花,除了要多陽光之外,仲有兩點心得:
1)茉莉喜歡迫根,所以試下扦插/種多 D 喺同一個盆內,當然盆要適當加大(我上年自從發現可以驅蚊,就在平台種了四大盆。不時施適量稀釋的自製酵素肥,枝葉都密密麻麻,互相碰撞。整個夏季高溫日子,日日都有花摘,有時一日有廿幾、三十朵)。
2)天氣冷時隨它休眠/生長(因為天冷樹液未完全正常流動,若此時修剪,有機會令茉莉愈剪愈萎縮)。在氣溫回暖後,茉莉開始不斷長出新枝時,盡量剪短、剪掉 “少葉弱枝” 和適當摘芯,促發多生粗壯多葉的強枝條。
備註:
用花嘅香味嚟驅蚊,室內房間(例如睡房)有很好效果;但戶外因為香氣沒法集中,所以戶外無效! |