一共5蟹!
先用水浸米約一小時, 之後用來煲粥底, 一邊煲就一邊劏蟹
有3隻公2隻毑, Perfect ! (蟹掩尖身的是公, 闊身的是毑)
先用牙刷同佢地洗白白, 記得所有關節位都要細心清潔乾淨! 跟手去左2個蟹鉗, 再去埋塊蟹掩, 你睇下佢地幾肥美, 蟹糕多到流出來
蟹鉗記得用刀背拍碎! 打開蟹蓋會見蟹鰓要一點都不留清除哂, 係蟹蓋同眼睛連接既地方有好多內臟, 要成抽扯出來掉左佢再清洗乾淨, 黃色的是蟹糕不要洗走
蟹鉗可以放落去同粥底一齊煲出下味, 煲既時候記得要用文火, 唔好用大火, 否則好易燶的, 粥底大約煲一個鐘左右可以熄火備用, 將適量甘荀切粒粒再放埋其他蟹入粥底返滾至完全熟透就可以加鹽調味!怕腥可以加薑絲, 不過我想原汁原味所以無加到.
登登登登! 美味既蟹粥就完成了!
>>>>歡迎大家來我的Blog交流一下心得!
[ 本帖最後由 GMT+8 於 2008-9-24 18:43 編輯 ] |