大家好，小妹係打皂新手，有事想請高手指教，謝謝！

我係新新新手，好想自己打皂換晒屋企全家同親戚家中的沐浴露！
希望我重視的人都可以用最天然健康無添加的皂。

今日第一次自己在家打左一盤皂，但係有預感係衰左。
打左唔到5分鐘就trace左，我係依書上配方＋工聯會學的手法打的。

配方如下：
甜杏仁油143g
芥花油95g
蓖麻油48g
橄欖油285g
棕櫚油95g
米糠油143g
乳油木果脂48g
氫氧化鈉119g
母奶（我改用牛奶）238g
超脂油（甜杏仁油）48g
精油（甜橙）19g
蜂蜜，可可粉 少許

因為工聯會老師教堂堂油都要加熱到55度，所以我都成盤油隔水加熱到55度（我懷疑係咪呢步錯左，爬文水母大大話加熱會速T）。 鹼液溫度45度快速加入油中。
搞唔夠5分鐘就trace左，慌亂中雞手鴨腳地倒出100g皂液加可可粉拌勻入模做底層。 剩下的加精油後都唔記得加蜂蜜就杰塌塌地入模了。
我仲因為怕攪拌不均勻，嘗試再加熱以為會無咁trace（我係咪又錯左呢？）
入好模之後，我發現面層有D一粒粒野，我擔心唔知係咪氫氧化鈉未溶曬（都係我懶醒整奶皂，睇唔到有無氫氧化鈉未溶晒！）
其實係因為我想做滋潤D的配方，但係我借果本書的乾性肌膚全部都係用母乳，我以為自己handle得到......

請問有無高手可以指教下，我係咪衰左？ 如果D粒粒真係氫氧化鈉，D皂仲可以用嗎？ （如果無油水分離的話，哈哈）或有得補救嗎？
係邊個地方出錯令盤皂速T？ 因為油溫太高嗎？
多謝指教！

你個配方唔係咁啱新手喎. 米糠油係好爽但又易令皂氧化變壞, 唔係你要求喎.

奶有無先冰了才去溶鈉? 加熱到55度, 咁熱D 奶會焦架.

又係工聯會.... 唉...  爬文啱喇~ 有過來人問過你的問題.

乖, 打皂要學習戒急用忍, 試下這個LINK的配方, 一樣很潤的.

新手打皂配方
http://hkplants.com/forum.php?mo ... 9093&fromuid=36
(出處: 香港園藝館)

多謝水母大大指導。
我今日又忍唔住再打一盤。  原來真係會個心囉囉攣想打皂。
今日打另一個配方，都係出自同一本書，才發覺原來所有油性／中性／乾性配方都係果幾隻油，不過比例有少少唔同而已。
可能呢本書唔係好適合新手，等我果兩日再用新手配方試下。

今日呢皂係用水溶鹼的配方。 我全程睇住個溫度。 油溫約33度，鹼約37度先混合。
不過都係打大約6～7分鐘左右......(跟住我一歲個女訓醒狂喊扭抱，我怕喊醒兩歲幾的哥哥起身搞搞震，未有放低盤皂洗手抱女，點知......抱左一分鐘返去已經有少少over trace左。

jellyfishy 發表於 2016-6-30 09:24
奶有無先冰了才去溶鈉? 加熱到55度, 咁熱D 奶會焦架.

又係工聯會.... 唉...  爬文啱喇~ 有過來人問過你的 ...

有冰左奶先啊。  盤皂變左橙橙地色......上網做功課見人地話係溫度太高奶內的胡蘿蔔素走左出來。
我依家最擔心就係唔知入模後肉眼見到面過D一粒粒唔知係氫氧化鈉未溶晒，定係乳木果油凝固？
我要點樣分辨呢？  如果真係氫氧化鈉未溶，係咪成盤皂唔用得？
只可以用來帶手套當家事皂用？  （唉！ 好浪費啊，用左好多甜杏仁油，乳木果油）
如果熟成後我用試紙試過9～10的話，係咪代表安全可以用在身上？

我都是新手, 之前一直向度爬文, 原來里度真係好多高手丫，今日终於試左cklife 以下的入門打皂配方打皂, 用左45分鐘打到T, 希望成功喇!!過兩日就可以影相比大家睇睇^.^

中性用皂(Ins150)400 克油
棕櫚油       120克
椰子油       80克
橄欖油       200克
氫氧化鈉    59克
水              136克

Sindylee123 發表於 2016-7-5 19:49
我都是新手, 之前一直向度爬文, 原來里度真係好多高手丫，今日终於試左cklife 以下的入門打皂配方打皂, 用 ...

多謝水母的鼓勵