這樣的鉀皂算已經失敗了嗎

5月初試打鉀皂

椰子油        50%
山茶花油     30%
蓖蔴油        17%
荷荷巴油      3%
鉀               67g
蒸餾水       200g


全手打約一個鐘，直至不銹鋼湯匙插係度不倒，跟住保溫24小時後室溫放置。

期間未有油水分離狀況發生，但皂體一直未有透明，白且杰身。

間中試過用少量皂體融水，有小小白色漂係上面，於是再放置，直到5月26號。


昨晚試下隔水蒸同再攪拌，越打越覺得不對路，越打越稀。因爲第日要返工，所以約打咗一個鐘暫時放棄，

想請教下各位前輩，現在呢個狀況唔知點樣處理為好呢？係唔係已經算失敗了？

6月1號晚

因爲驚初試失敗，大約一個星期前再試同一配方，但就係保溫之前隔水加熱咗約一個鐘，其他所有程序都一樣。第二批鉀皂目前狀態基本透明，已搓成皂球

配方全是一樣?

jellyfishy 發表於 2016-6-1 13:52
配方全是一樣?

係啊，配方完全一樣。就係睇到第一批冇乜進展，特登打同一配方，想睇下會唔會有不同情況發生。

第一批就不加熱全手打，第二批就隔水加熱一個鐘後入箱保溫，呢個係唯一分別了

昨晚打完一個鐘，簡直有不知所措的感覺........

請問,你打第一批時,油和鉀液在甚麼溫度混合?

sausau 發表於 2016-6-1 21:35
請問,你打第一批時,油和鉀液在甚麼溫度混合?

第一批：油大概70~75，鉀液65左右時混合

第二批就油同鉀液都比較平均，都係65°左右

我猜想以下可能性: 因為你全程手打成粒鐘,整煲皂液已經冷卻到不能發揮皂化反應.除非,你用高溫到85-90混合,有望在一小時後只跌廿度.又或者你用攪拌棒快速搞點,令油和鉀液充份混合,否則,兩者很難產生皂化.

稀釋時出現白色的東西便是未完全皂化結果.

未必完全失敗.昨晚你隔水加熱再打是正確的,它變稀也是正常.如果可以,當時應該用溫度計CHECK,有65-70度便可再放保溫箱保溫.

sausau 發表於 2016-6-1 21:48
我猜想以下可能性: 因為你全程手打成粒鐘,整煲皂液已經冷卻到不能發揮皂化反應.除非,你用高溫到85-90混合, ...

ok，我會再試，多謝意見 ^^

同埋鉀液溫度，每次等到鉀液完全透明時溫度已經降到65左右。還是衹要到咗75左右就直接同油混合？

phs901 發表於 2016-6-1 21:46
第一批：油大概70~75，鉀液65左右時混合

第二批就油同鉀液都比較平均，都係65°左右  ...

嗯，有留意到鉀同水融合時，溫度飆升至80來度。可能我太在意個透明度，結果等到完全透明時已經降到65

真係好多謝sausau答疑解惑

下次真係要留意返溫度同速度問題

感謝^^

sausau, 前晚都有再加熱再打咗一個鐘，都係冇乜變化。聽取你意見，check咗個溫度去到60幾時先入箱保溫，仲未開箱睇。今晚放工返去望下