初次種龜甲龍求教

大家好，我剛購入咗三棵直徑約 4cm 嘅小龜甲龍，夏眠種，但我上網爬文關於龜甲龍嘅資料唔多，我一直都係種仙人球之類嘅多肉植物，未種過龜，所以喺度求教大家 !
我啱啱將其中一棵小龜落盆，我畫咗張盆內介質嘅分層嘅圖，希望大家睇睇再指導吓我 ! 謝謝 !

路過支持吓~!

希望快啲有大師嚟解答喇

你好~ 有無圖睇?? 一般南非品種既龜甲龍係屬於冬型品種; 夏型品種應該係墨西哥既龜甲龍~

我唔知啱唔啱，但分享下我的意见，可以考虑将植體種高少少。
我自己是将植體完全放在植料上面，之留根部係下面

看看这个幫不幫倒你。

chanmc 發表於 2016-1-11 20:22
看看这个幫不幫倒你。

幅圖調轉左，同埋好似睇唔到d字

我在这網用手机映和上傳，不知為什么不清

再耒一次

我覺得中間唔好用科學泥+沙, 同返最上層既植料可能會好D~
我情願疏水淋密D 好過D 水去唔到~ 龜甲龍太濕會爛~
不過都係留返高人解答你好D~

sal.l 發表於 2016-1-11 23:22
我覺得中間唔好用科學泥+沙, 同返最上層既植料可能會好D~
我情願疏水淋密D 好過D 水去唔到~ 龜甲龍太濕會 ...

同意花友意見，之前有個花友只用石做植料，據佢描述可以天天淋水

我嘅小龜係夏眠型，即係冬天生長夏天休眠，係較普遍嘅南非種龜甲龍

植物細，盤可以用細一點
另外科學泥太儲水
又唔透氣
我通常佔植料唔超過20%

謝謝以上咁多位師兄的意見 !  購買小龜前，小弟網上爬文一段日子，發現網上對龜的冬夏兩型雖有簡單介紹，但談及種植要點及介質的文章基乎沒有，小弟只好到網上搜尋龜的圖片作參考，但看到的龜盆栽介質都各有不同，小弟曾向售賣龜的內地賣家請教，但他像似不願透露，只叮囑小弟緊記落盆的話也要留用原有的土壤繼續裹著小龜的根部栽種。而小弟觀看台灣群組的網友出文，他們對龜的栽種各施各法，或許跟龜的成長階段及體積差異有關，亦可能是語言表達差異令小弟不理解。 而據小弟栽種仙人掌的經驗，若單使用碎石、碳粒及赤肉土混合而成的介質的話，栽種效果多不理想，雖可避免底部腐爛，但根系多不發達，並且無法穩紮於碎石夥粒中，甚至久久未能發根。而仙人掌等多肉倚賴日照，反之龜甲龍不能直照，所以我猜想此點令兩者於土壤保濕有所差異，雖然兩者佳為澆水量小的植物，但另一不同之處在於夏眠種的龜，夏天處於休眠狀態時需將澆水量減至最小，但同時高温會令水份加速揮發，若單單選用排水性高的介質，不難想像夏天時水份會很快揮發掉，但因不能坐浴，只能於土表稍稍澆水，因此表層夥粒及球莖會經常濕潤，令小龜無法休眠且濕潤容易令龜腐壞，反之夥粒過於乾燥及高温則容易令根部枯竭萎掉，令水份控制變得更難。所以小弟嘗試將小龜的根部壤於混合了砂的科學泥中，讓它於現時仍可多叮點吸收水分儲備，且混和砂的土壤亦有排水效能但不至於乾涸，若發現土壤較乾燥則於土表小量澆水，目的在於讓土壤帶點濕氣。而夏天時，科學泥能將濕氣鎖住久一點，到時候澆水量會更小及澆水相隔時間更久，希望讓脆弱的小龜能在炎夏天時根部仍有點滋養。 以上只是小弟單憑個人種仙人掌的經驗而空想，缺乏實踐，故希望有栽種龜甲龍經驗的師兄作出指導及分享 !

，寫得好详细。個人覺得可考虑以上師兄建議減少科學泥增加颗粒，龜的根系比仙人掌發達多了。用太多科學泥可能會影嚮根部的透氣性

成也科學泥, 敗也科學泥, 科學泥營養高但難透氣, 所以要控制用量 .

純粹經驗分享, 呢個時間上盆危險在於唔知佢生根情況, 換泥/氣候唔同舊根應該都keep 唔到. 呢個時間莖&葉會一路生長, 就算冇根都會出葉, 記得有時間就睇下塊根有冇林, 唔好以為D 莖&葉OK = 根OK. 我有粒大龜甲龍買左兩年都生唔到根, 不過每年都有莖&葉出. 另外有莖&葉個時個人感覺比較難生根. 剪左現有莖&葉, 佢都會再生新生長莖. 直到夏天為止.

如果想引根我會放盆水係盆底. 呢個方法OK 好用~

都係個句多肉植物怕水多, 你見D 泥幾曰都唔乾, 要小心..

薑兄可否拍照post上來看看你的龜仔. 我2年前淘了一個約4cm, 隔2-3天澆水一次, 用科學泥種了2年現有約6cm. 一年四季都有綠葉藤蔓, 搞不清是冬型還是夏型. 昨天才把藤蔓剪掉. 現在光禿禿.

盡量選擇排水好的介質，至少40%以上的總體積的顆粒（赤玉土、鹿沼土、日向石等均可）
大陸繁殖龜甲龍的溫室為了節省成本，一般多用園土、煤渣、粗砂的混合（主要繁殖地為福建漳州）
冬季一定要注意保溫，低於3-5度就可能會有凍傷
休眠期盡量不要澆水，拿到乾燥通風的陰涼處即可
關於根莖埋的深淺，個人實驗覺得埋的稍微多一點，塊根長得快一點點；埋的淺會更早的開裂，從而出現漂亮的裂紋

其實出呢個 post 之後兩日我已經落盆，落盆果陣發現三隻龜仔當中兩隻得半球，應該兩隻嘅底部曾經爛根切除再生，所以啲根得幾條毛仔，但同 sal.l 兄所講一樣，無乜根都可以生到葉嘅，呢種表現就真係同仙人球一樣，無乜根都可以生得好靚。
另外一個就原好無缺，而且根系尚算發達，三個球我都用番我圖入面嘅泥層方式去種，只係其中一個用細盆，暫時只有根系發達果棵嘅根係落入科學泥層，其餘兩隻基本上只係放喺赤玉混合土粒嘅泥表，相信要好好好一段時間先知結果，暫時無法考證泥層嘅表現同影響。張相亦係落盆後即影嘅，遇啱呢幾日天氣轉冷，我見到三隻小龜都有出葉。

sal.l 發表於 2016-1-12 10:43
純粹經驗分享, 呢個時間上盆危險在於唔知佢生根情況, 換泥/氣候唔同舊根應該都keep 唔到. 呢個時間莖&葉會 ...

sal.l 兄, 可否詳述一下放盆水係盆底嘅引根方法呢 !? 謝謝 !