玉女拖鞋蘭的種植方法

近日,有花店售賣玉女拖鞋蘭,問那位職員怎樣種植,她只是說植料乾才澆水,沒有詳細說明,因此沒有買,如果各位知道種植硬葉兜蘭的方法,請告訴我,謝謝

首先，做定最壞打算，
之後，可以試蘭石樹皮種，再用半水耕
我一年之前係賓粉買過一棵出瓶苗，
種到唔生唔死，唔識大，夏天會黃老葉，冬天至開始生，不過棵苗本身得兩條根，好弱，
你個棵可能好啲，話晒都係有花既成株，祝你好運
另外，我啲樹皮自已發過酵，係花墟應該無得賣，你要衡量吓用唔用到半水耕，因為濕住啲樹皮有機會發霉

植料没错，用兰石和树皮，不过，拖鞋兰，他的习性，是要注意环境和湿度高的，不能乾，你会发现买回来的时候，他的根有些毛毛出来的，如果乾了，他的根就会出现光光的根，那时候的生长就会很慢很慢，好像死的状态，但太多水，也会烂根的，不过，他比其它兰花接受湿度要求，会高一点，要烂根都要很长时间才会出现，所以我会建意你用透明盆和多孔的，方便观察和疏气，每次淋水的时间，大约隔3-4天，你观察盆内的湿度，做淋水的要点，拖鞋兰很难死，不过所有拖鞋兰不能受阳光和强光照射到，要散光和中光的环境，幼苗更要注意点，一般出新叶才能知道他的生长地方，是否适合！

要凍wo

有無C兄C姐成功過 用陶粒半水培？
睇左幾個外國教學都好唔同，所以有幾點想請教下
1）如果用半水耕， 用蘭石好D 或 用 陶粒好D？
2）請問陶粒用之前到底用 "fertilizer" 或 "root stimulant" 來浸? 要浸一晚？
如果用"root stimulant", 用花墟有賣的生根粉 就可以？ 或要用外國貨？ 因為行左幾次花墟都無外國的生根粉
如果用“ fertilizer", 用邊一個好？ 花寶1，2 或 3？ 或用外國牌子？
3） 轉半水耕前，系埋最好淋一次水先？
好想轉半水耕，但擔心整死個蘭花，請指點

我目前用蘭石，因為吸水好，而且形狀不規則，石之間空隙比陶粒大，多0的位俾根生，亦較疏氣，
我無試過用激素或肥料浸過植料再用，如果你用過完效果好，請分享經驗

係埋所有蘭花都可以半水耕?

我種左好多年半水耕，自己試過得既蘭花係有：
嘉多利、蝴蝶、秋石斛、朵麗

石斛有些少問題，當根爆盆時要換盆，傷到啲根就比較難復原。

失敗既有：
文心，拖鞋
外國有人種拖鞋得，我就未成功過，最好用返正常種法。

完全唔適合半水耕：
萬代千代百代之類，狐狸尾

國蘭唔清楚，本人無興趣種國蘭。

ae86hkplants 發表於 2015-12-24 23:43
我種左好多年半水耕，自己試過得既蘭花係有：
嘉多利、蝴蝶、秋石斛、朵麗

想問吓，你種嘉多利同石斛點淋水法，
因為我種既都唔識開花，只係識生側芽，
唔知係唔係因為我成日都濕住啲植料，
定種既環境定唔夠晒，最耐個棵已經種左15年都未開過花

cccow 發表於 2015-12-25 12:30
想問吓，你種嘉多利同石斛點淋水法，
因為我種既都唔識開花，只係識生側芽，
唔知係唔係因為我成日都濕住 ...

或者唔夠曬

玉女拖要冷涼環境種, 要濕度高, 但唔係浸. 可以坐水種. 植料方面用樹皮OK, 最好加少少garden lime, 因為佢D根好似鍾意鹼性多DD. 我種緊, 比較難服侍, 我自己的未開過花, 但響office24小時嘆冷氣的有人開過花~^^

加油喇~

cccow 發表於 2015-12-25 12:30
想問吓，你種嘉多利同石斛點淋水法，
因為我種既都唔識開花，只係識生側芽，
唔知係唔係因為我成日都濕住 ...

你講緊半水耕定係正常水苔種先？
半水耕每日淋水都無問題，正常水苔種就水乾淋水。
生長期每個月最好施3次速效水溶性肥料，開水1:1500 - 2000，
太凍就減少澆水停止施肥。

盡量比足夠陽光，但夏天都要遮光。

春石斛要冬天要節水逼落葉先可以開多啲花。

嘉多利就睇下有無花莢，如果見有花莢但唔見開花就停肥，
再制水一兩個星期，咁就好大機會有花蕾。
如果花莢都無就一係唔夠肥，一係唔夠光。

如果植料長期濕就要考慮下轉細盆，要換疏水植料，
又或者用素燒盆，將水苔塞得有咁實得咁實，淋水就用浸水方法。

石斛上板種會好啲。

ae86hkplants 發表於 2015-12-26 23:37
你講緊半水耕定係正常水苔種先？
半水耕每日淋水都無問題，正常水苔種就水乾淋水。
生長期每個月最好施3 ...

我係用半水耕，
好多時出花莢之後無花開，真係唔係佢想點

節水就會開花

小馬師姐因何現在很小見到妳的發表。

拖鞋蘭，我就不用化肥，我自己做實驗，調一些真菌給他吸收營養，我覺得生長比正常快，光了的根都能再生長，我找濕度高的拖鞋蘭做實驗，暫時生長很穩定，沒出毛病！

Childpark 發表於 2015-12-28 23:34
拖鞋蘭，我就不用化肥，我自己做實驗，調一些真菌給他吸收營養，我覺得生長比正常快，光了的根都能再生長， ...

想問吓詳細做法係點?
菌種係邊道買?
我發酵樹皮既方法係煲完樹皮之後混0的廚餘粉

我做箘的方法，放了7天的4.5升水，3條香蕉，超市買酵母粉，做法：將香蕉攪爛，放進水，放一匙酵母粉，預留一点空气，封蓋發酵7天，7天後你会嗅到這桶水很臭，超级酵箘水，每次用時用300毫升菌水加4.5水可以再發酵，這樣做超级箘水应该夠你半年用，記得到每次接触完箘水的手要用消毒水清潔，小心不要讓小孩接触，不衛生的！

養拖鞋兰不要在盆边开孔，因對根是不好，我換了杯，只在底开孔，梳水