松香入皂

之前做廢油液體家事皂，因為用自家廢物利用炸鴨皮及煮大量肉（給狗場）得出的廢油，做出來的鉀皂一來去油力唔夠勁（去污力尚可），二來有少少鴨、牛味。上網見有人加松香（松脂）入皂以增強去油力，經過個人實驗的確超強，而松香的味道亦完全蓋過動物油脂味！以下少少心得分享。

1）松香7－10％已經好好用
2）松香極快trace, 溶點高（8x度），要另外加部分油分開溶解。我用同等重量的椰子油在電磁爐上加熱，要不停攪拌免燒焦底部。用火爐最好隔水加熱。
3）先將氫氧化鉀及其他油品打至trace, 再立即將松香及椰子油混合液倒入（記得唔好有未溶的松香塊），不停攪至再trace便成，可拎去保溫或蒸煮。
4）裝松香的容器會很難清潔，可以用熱水煮，用鋼絲省，或用酒精清理（松香溶解於酒精）。

成品會有好香松香味，松香本身消毒殺菌，所以精油都慳番！

記住松香唔係添加物，係「油脂」的一種，計算鉀份量要計埋松香！

我的鉀皂都有加松香... 因為我無電攪... 唔加佢就唔洗指意T得快了...

多謝分享,我都諗住下次用松香做家事鈉皂

聽聞松香入納皂失敗率很高，努力呀！到時請分享！

多謝分享，好有用的資料
之前也是看到你說加松香有助去油，所以早前也做了松香家事皂，但還未用。

終於試咗松香家庭事皂
睇咗大家嘅意見和其他網路嘅經驗,我選擇咗較花時間嘅做法.

1.將部份椰子油(總油量25%)隔水加熱,徐徐倒入松香碎攪拌至完全溶解.
  但我覺得用隔水方法難以完主溶解松香,下次會試直接加熱
2.把其餘油品和鹼水打至T. 花了約1/2hr
3.加入(1)打至濃T,入模.約10min

4日前打的今日脫模切割,一切正常.
雖然方法比較搞工,但對新手如我來講,係比較安全嘅做決法.

jellyfishy
我是直接加熱打鉀皂的～～

我冇做足功課= =|||