天然清潔劑 無患子

無患子係天然嘅清潔果子，本人出售嘅無患子已去皮去核並帶有黏性（因為有天然清潔成份”皂苷/皂素”）。無患子可以洗衣、洗手、洗蔬果同清潔家居（有興趣可以上網爬文，有好多文章分享用法，我都係學習之中，不過我比較懶 ，暫時只用無患子洗衣物），5至8粒無患子足夠洗一機衣物，無需額外再落洗衣粉/柔順劑，對洗衣粉/柔順劑敏感嘅朋友可以試試；用無患子洗完嘅衣物有淡淡嘅植物香味（注意：避免用無患子洗白色/絲質衣物，以免衣物變黃）。

試用價：
$15/100g（包郵）
$25/200g（包郵）

如有意購買，請排隊並寫明購買數量，例如：drlam_716 (100g)，謝謝！
1.
2.
3.
4.
5.

請注意：
1. 由於供應有限，每位朋友每次最多可購買200g，不便之處敬請見諒。
2. 只限郵寄交收。
3. 排隊後請PM我取A/C no.（匯豐/中銀）並於3天內入數。
4. 收入5%捐予「香港園藝館」作營運經費，我會上傳收據作實。

好神奇吸引阿 你自己種o家？

Salt 發表於 2015-11-29 17:10
好神奇吸引阿 你自己種o家？

我喺大陸買  
聽人講無患子樹通街都有，不過我搵唔到，可能我唔識睇啦  
我對柔順劑敏感，咪買d無患子嚟試吓囉，同埋睇吓有無花友有需要

drlam_716 發表於 2015-11-29 18:46
我喺大陸買  
聽人講無患子樹通街都有，不過我搵唔到，可能我唔識睇啦  
我對柔順劑敏感，咪買d無患 ...

睇完你篇文，不知不覺刨咗3日無患子資料 遲咗覆唔好意思 。你用後感如何呀？ 我見到有間公司有certified organic 嘅好想買黎試下呀，仲有液體裝添。我本身都易敏感，刨完d資料（仲刨緊）好想買黎洗頭洗面洗身洗衫洗地從此唔洗聞化學o野

我而家轉咗用無患子洗衫，敏感有改善，不過洗耐咗有d衫會「黃黃地」，所以間中都會用洗衣液洗走d黃色（洗得甩）。洗面洗身我仍然擺脫唔到要用會起泡嘅化學嘢。洗頭方面，我早排試用「皂角」煲水洗頭，洗咗幾次覺得好止痕、不過我嫌麻煩同埋天氣凍，所以暫時停咗用。

drlam_716 發表於 2015-12-2 08:21
我而家轉咗用無患子洗衫，敏感有改善，不過洗耐咗有d衫會「黃黃地」，所以間中都會用洗衣液洗走d黃色（洗得 ...

終於(暫時)睇完無患子嘅資料啦，刨到我頭暈。本身諗住o係你到買少少試咗先。但係睇完你話敏感有改善就忍唔住手直接order咗32oz 裝   希望可以成功唔洗聞咁多化學嘢啦  我刨無患子o個時，見到有提話如果洗衫想白d可以加少少oxygen bleach (唔同普通chlorine bleach)，略睇話環保d同冇咁傷。但係實質上佢係d咩呢。。我就要抖返幾日先再研究過啦 。

至於泡泡，我見到有人會將無患子煮成汁之後，裝入起泡瓶用，如果想再綿密d可以用blender 打，呢方面youtube 有好多片呀有興趣可以望望，我見到打到超多泡 同埋我見到我買o個間都有無患子沖涼洗頭o野，我諗如果到時試過直接用無患子粒／煮液沖涼洗頭太麻煩我都可能會再買支試試 不過沖涼用品就唔係100％無患子嘅，係加咗手工皂液，但冇抽走甘油，應該ok，但都係要試過先知。如果佢好用，我就唔洗自己整皂啦 我怕整皂萬一自己整衰咗到時玩死自己

其實。。。皂角呢。。我本來以為佢係。。肥皂切咗個角。。但係我冇深究過點解要只係用個角 我而家先知佢係咩 。

Salt 發表於 2015-12-2 17:04
終於(暫時)睇完無患子嘅資料啦，刨到我頭暈。本身諗住o係你到買少少試咗先。但係睇完你話敏感有改善就忍 ...

見你咁勤力短時間刨咁多資料，我估你一定俾皮膚敏感煩咗好耐
等我講吓自己嘢先 我細個無皮膚敏感，十幾歲嘅時候有一日要去一間新開嘅醫院探屋企人，間醫院新到仲係有一大陣裝修物料嘅氣味，探完病坐火車返屋企就開始發燒同身痕，返到屋企除衫沖涼發覺成身風疹，又紅又大塊生到個身好似地圖，嚇死我！之後差唔多一年我晚晚都出風疹，後來出疹嘅次數漸漸減少，但係一轉季就發作，忍唔到手的話仲會搞到濕疹。好感恩而家累積咗啲經驗識得平日點搞就無之前咁麻煩 希望無患子幫到你啦
「皂角」呢個名又真係幾引人遐想 如果你想試我可以分啲俾你試。你同邊個買都唔緊要，我原意都係想俾受皮膚敏感/濕疹問題困擾嘅花友試吓 記得當初發現自己對洗衣粉敏感，真係好大打擊 你知啦，皮膚敏感嘅我地無論衣物床單被鋪都要經常洗，但係試過好多個牌子嘅洗衣粉/液都敏感發作，其他人（甚至家人）都覺得係我地太過緊張，有苦自己知

drlam_716 發表於 2015-12-3 15:38
見你咁勤力短時間刨咁多資料，我估你一定俾皮膚敏感煩咗好耐
等我講吓自己嘢先 我細個無皮膚敏感， ...

我仲加埋條氣管呀～早幾日阿媽拎咗張沙發被去洗，洗完香噴噴咁我就攬住啦。跟住無幾耐就開始喘 點知早兩日我又唔識死o係廳訓著咗（睇無患子睇到訓著 ）之後訓到一半又攬被。。然後。。訓醒起身塊臉好熱，又痕。跟住去睇原來又敏感，下巴掂到張被d位起曬野，好似生咗pat紅色鬚咁（都係你話好似地圖o個d urticaria)。大脾都有個位比我抓到變似濕疹。。 跟住滾滾地就買咗32oz 所以我完全明白你！

皂角個名真係好過癮 不過等我試埋個無患子先～因為如果無患子好用我可能都仲要做多排research 搞掂咗一樣先 如果唔係見到你呢個post 我都唔會走去搵無患子資料呀 ～所以個post 係起到作用嘅 我收到之後如果你想嘅我都可以寄d比你試下有冇分別呀 因為我刨過無患子有幾個品種，Sapindus mukorossi 同 Sapindus trifoliatus 嘅saponin （皂素？）比較多，有35％左右，有一款係30％左右但係我唔記得咗佢個名啦 ，仲有好多其他品種但其他已知品種嘅saponin 得好少。但我相信任何天然種出黎嘅冇可能粒粒一樣，所以我諗數據只指average，唔洗太認真 。不過有見到話mukorossi 的saponin成份比較平均，trifoliatus 就有時多有時少。同時mukorossi 比較易認，因為佢大粒少少，比其他無患子多少少光澤同埋鮮色d 但係！如果mukorossi 仲係綠色未完全長大就摘，落咗黎先變黑，個樣就會好似trifoliatus 長大咗咁，好難分出係邊樣。儲存不當太乾或太濕都會好易變深色。因為saponin 係唔會揮發，所以一般都係乾咗先儲存，用嘅時候加返水或浸一浸d成份就會好易出返黎。如果太濕就唔擺得耐，因為佢都係果，會變壞。我最後買咗自然曬乾嘅mukorossi，你想唔想做實驗？

反而我又冇經常洗床單被鋪呀～因為我好多年前轉咗用絲床單被袋，雖然真係好貴好貴，但係敏感真係少咗好多好多。絲亦唔洗成日洗，因為我記得讀過dust mite住唔到o係絲入面（但係可以住o係張被本身入面，我後來另外加埋防dust mite 床具套住被同床，再入絲套，加埋我個antibxx2k 淨化空氣，訓覺個時冇再敏感啦 )，同時地應該加上因為絲唔可以用平時d洗衣液洗，要買支gentle d 嘅專門用黎洗絲，所以更加有幫助

早兩個月我阿媽都試咗urticaria嘅滋味，佢而家終於有d明白我點解咁癲啦

嘩。。原來我篇野。。長到咁

Salt 發表於 2015-12-3 20:27
嘩。。原來我篇野。。長到咁

你好勁呀！短短幾日就對無患子了解到咁透徹

你好，想問仲有無無患子賣？
無的話，請問知道邊到有得賣嗎？