租田落肥問題(做法)

剛租了塊田, 請問落肥既話, 每次也要掘個隆逐棵逐棵落肥? 而家租田大過以前好多, 好難再係咁樣掘隆法.

請問有無D 快捷D既方法呢? 我種緊葉, 矮子及好多其他野.

之前見過人好似係整一條水管插入泥入面的, 但我唔係好記得個做法.  

有無人可以教下我呀?

假設你係用雞糞呢D 粉狀肥料，
將成包倒落田中間，然後用泥耙弄混就得

種葉菜因成長快, 淋麩水/液肥 係最快吸收, 但肥效短

瓜果類係要慢慢來, 到開花期都可以用液肥加速吸收

你塊田幾大? 老農夫都係每棵作物間手動埋肥入泥較穩陣
想偷懶, 可試下用這工具http://world.taobao.com/item/521 ... &_u=r1d0btu82fe

紫菜豆腐湯 發表於 2015-10-26 23:01
假設你係用雞糞呢D 粉狀肥料，
將成包倒落田中間，然後用泥耙弄混就得 ...

我已經種晒菜(或植物), 應該用唔到泥耙喎, 因每棵植物既距離太小.

[img=160,160]%5Bimg=1631,917%5Dhttps://lh3.googleusercontent.co ... k41gh=w1631-h917-no[/img][/img]


[img]%5Bimg=1631,917%5Dhttps://lh3.googleusercontent.co ... VJqJ2=w1631-h917-no[/img][/img]

[img=160,160]%5Bimg%5Dhttps://lh3.googleusercontent.co ... BQ0Ds=w1631-h917-no[/img][/img]

dincat 發表於 2015-10-27 05:13
種葉菜因成長快, 淋麩水/液肥 係最快吸收, 但肥效短

瓜果類係要慢慢來, 到開花期都可以用液肥加速吸收

我塊田百多二百呎.

我開左條LINK, 但係唔識D 工具點用呀.

佢會幫我掘個隆?? 但我夠不夠力禁那個制呢? 我塊田D 泥比較實.

點解你睇唔到d 相既? d 相我尋晚係屋企放上黎, 而家係公司無login 都睇得晒3張相呀.

我種緊葉心, 芥蘭, 油麥菜, 生菜, 豆苗, 呢d 菜.  我每次落種子前都會鬆左土先落.  但種緊野時就無計啦.

有人睇到西瓜在 4 樓貼的圖嗎 ??

我都睇不到?會不會是SIZE問題?

而家又睇唔睇到呢2張??

睇到啦, 係密左D, 都有位加肥, 可用一細細工具(eg:餐刀)慢慢鬆泥加肥
又可將較大棵拔走食, 疏苗後會好d

dincat 發表於 2015-10-29 21:28
睇到啦, 係密左D, 都有位加肥, 可用一細細工具(eg:餐刀)慢慢鬆泥加肥
又可將較大棵拔走食, 疏苗後會好d ...

用餐刀? 咁咪落得好少肥囉?   都係要逐個位掘隆!!  咁要好多時間!! 唔係我唔想做, 而係我每次入去做到天黑, 都未有時間落到肥咋!  所以想問下有無咩簡d 既方法!

#3樓我已講左啦
你株距咁窄, 想用大工具都唔得喎, 容易挖傷根.
就算係正常株距, 我都係用把2吋闊漆鏟, 在2行菜中間,逐個位挖開放肥
種菜我放花生麩, 不能放多架, 每個洞放1-2茶匙左右已夠, 太多會傷根

比你睇下我種菜心株距

dincat 發表於 2015-10-29 22:24
#3樓我已講左啦
你株距咁窄, 想用大工具都唔得喎, 容易挖傷根.
就算係正常株距, 我都係用把2吋闊漆鏟, 在 ...

師兄種得都幾靚喎。

種葉菜用花生麩(氮肥)較適合
在每2棵菜中間放肥, 逐個位放, 肥力先平均,
花生麩在移苗後第三日可以放, 菜心/白菜/生菜短期菜, 放一次就夠; 大椰菜因成長慢, 約2星期加一次肥, 好食肥
你可以雙管齊下, 浸定D麩水, 間中又淋下麩水, 快大好多架, 不過麩水好臭,小心彈到自己臭崩崩

未夠凍, 種芥蘭會奀之之架, 你果D芥蘭種左幾耐? 如果不再變粗身要摘, 否則太老唔好食

dincat 發表於 2015-10-29 22:41
種葉菜用花生麩(氮肥)較適合
在每2棵菜中間放肥, 逐個位放, 肥力先平均,
花生麩在移苗後第三日可以放, 菜 ...

d 芥蘭係9月12號落種子的, 但出得好慢, 好似成2星期先有芽出到黎.  上星期剪左黎食, 留番棵野係到等佢再出.  剪左出黎個d 我無食過, 俾左我媽食咋.

我係假日農夫, 所以只能一星期落一次肥.  

我種個d 菜心唔知點解未出花都覺得老(食落有d 係有渣的), 所以我全部蚊晒佢啦, 又再落過種子.

好多謝你教我呀, 因為我真係種野新手, 或者係植物殺手.  

我個隻菜心係38日的, 我係疏苗時食過一次, 非常有菜味.  其實, 38日係由邊一日開始計? 由落種子計?