幾棵蘭花

呢堆蘭花全部都係免費接收的，左下果棵就種左兩年幾，其他都係今年5月接收，無記錯就盆盆唔同色。

左下果棵呢兩年都有開花，4月左右開花，純白色，暫時最鍾意GE仲係呢棵，我係種仙人掌都會種死GE人，呢盆比我玩左兩年幾都未死，想唔鍾意佢都難囉

其他果D到手後就換哂盆身有孔GE膠蘭花盆，開頭冇乜野，但7月時D葉乾到軟哂，之後淋花就改左成盆浸水，浸左幾次後D葉先正常返，好彩未變殺手
急救成功過後，每盆都生左三四塊正常又靚仔的新葉出黎，暫時冇乜唔妥
左下第二盆，早兩日發現有爛根，得番幾條氣根....同佢換哂D水苔，剪左D爛根，唔知捱唔捱到.....

跳舞蘭月頭再開花，不過呢次花量唔多。剩係用碎樹皮黎種，冇落過肥...
果幾塊黃葉都係夏天嚴重缺水造成GE，再出的新苗暫時都冇乜唔妥，仲開埋花

其他蝴蝶蘭就樹皮墊底，上面水苔，一樣冇落過肥....

講返個方位先，向正東北，朝朝得三幾個鐘有陽光，對面冇高樓大廈，冬天食正西北風.....

呢幾盆拖鞋係早幾日淘返黎GE，
搵左好多檔先搵到一檔有齊呢三種，心諗唔係一兩蚊果D應該可以卦....
點知收到幾棵迷你苗，果堆金童 最大果塊葉同尾指差唔多大.....
屋企仲有D碎樹皮，就用碎樹皮種住先，手多多鋪左D水苔響面.....

上面兩棵較大GE苗 -- 麻栗坡
左下果盆 - 玉女
中間綠葉 - 送GE 冇問係乜
白色盆 好迷你的苗 - 金童

過左半個月，更新一下相先~~~

先黎拖鞋蘭，上個月淘返黎的
新芽大左dddd咁囉...

跟住就到蝴蝶蘭

呢盆就係種左幾年，年年有開花的，唔知點解D葉變到又圓又短咁.....
5月頭換水苔時順手剪左下半硬哂的老莖 (冇哂根)
因為唔夠蘭花盆，一直都係用普通盆種，早幾日先再換盆GE

開花照係上年4月頭，今年早左標花梗

呢盆唔記得乜色GE
可能係粉紅邊潑墨， 又有可能係淨紫粉紅、純白色都唔定......
好努力咁睇返張唔清楚的舊相，似潑墨多d

呢盆唔係紫粉紅 就係 純白
等多三兩個月就可以開估....

呢兩盆未有花梗，暫時冇乜唔妥

呢盆就係上個月覺得有唔妥，發現爛根GE
家下仲有新的氣根生出黎，但D葉睇落冇乜起色

最後一盆
今年第二次開花的黃花跳舞蘭
生到亂七八糟成堆雜草咁

冇錯的話，四樓盆蝴蝶蘭應該就係我盆小白，同樣地，D葉變到又圓又短咁，同買蕃黎果陣細左一半，應該係環境改變做成。
       

sarshk2014 發表於 2015-11-13 10:01
冇錯的話，四樓盆蝴蝶蘭應該就係我盆小白，同樣地，D葉變到又圓又短咁，同買蕃黎果陣細左一半，應該係環境 ...

原本放的位置比較暗，間屋上年裝修好，種花的位置多左陽光都足d，不過都仲係朝早幾個鐘有陽光斜射，全日散射光都好光猛，向正東北，冬天食正西北風

5月換水苔時將下半硬哂的老根莖都剪走，早幾日先換返黑色有側空的膠盆

另外幾盆葉細原因大概估到，夏天有段時間缺水 d葉就好細，淋返多d水後再生的葉就正常返
但呢一盆一直都冇缺水情況，因為當時用普通盆冇事

家下d又圓又短，開花後唔知會點

自家種植同花場種植好難比較，花場會落重肥重激素谷大佢地 。
我D蘭花D葉都好麻煩，時大時細，時綠時青，不過有花開就算啦 。

sarshk2014 發表於 2015-11-15 10:12
自家種植同花場種植好難比較，花場會落重肥重激素谷大佢地 。
我D蘭花D葉都好麻煩，時大時細，時綠時青，不 ...

種左幾年都冇乜唔妥, 係今年d葉先變到咁
會唔會係我一真都冇落過肥
但而家天氣開始涼, 又有花梗....應該點搞好？

一般新手都會從外在因素方面,
去猜度蘭花的変化,其實應該還回基本步,
植物是依靠光合作用而生存的,
而其主要元素是光,水,二氧化碳,葉綠素等等,
若其中一種元素減弱,就會減慢光合作用速率,
同時亦會減低其他元素的需求,
例如爛根,就令致吸水量減少,葉的葉綠素就會減弱,
甚至変黃,若光量不変,就會起黑點,
還有其他変化,不能盡說。

LONGLIFE 發表於 2015-11-16 01:02
一般新手都會從外在因素方面,
去猜度蘭花的変化,其實應該還回基本步,
植物是依靠光合作用而生存的,

呢棵蘭花除左新葉長唔大之外，其他都好正常，年年開花，上年葉未變細時仲標左兩枝花梗...
冇爛根情況，葉除左細之外好靚仔，好翠綠有光澤，厚度硬度都OK

陽光，上面都講過，向東北 朝朝有幾個鐘有陽光曬到，其他時間散射光都好夠光，對面冇遮冇擋食正西北風。

睇返5月的相，而家最底果塊果當時仲算係新葉，其他都係之後再生GE......
因為棵野生好到斜哂，所以換水苔時剪走左下半乾硬哂的好根同莖，當時的切口都係乾GE，我唔係剪得好狠啫......
之後再生的葉就變成咁又圓又短....

搵到D新葉變細的原因，但唔知點解......

這個模樣也沒放棄,難得,
前輩有云,蘭花乃天一半地一半之物,
亦說養蘭先養根,養根先養菌,希望你會明白,
回看你的種法,完全不對,
一)生長點要高於植料面,
二)植料面要接近或高於盆面,
三)水苔及樹皮是有机質,要充份接觸空氣,
    否則易生霉菌,
四)植物面有少許青苔才對,

建議重新再植

可能之前講得唔清楚，我只係剪左木質化的老莖，果段一條根都冇，亦唔係全部剪哂，剪口亦唔係綠色
換埋水苔後 果段時間 整棵蘭花都冇乜唔妥，葉都冇乾冇軟...

附件張相係5月未換水苔前ge樣。
盆花生成咁，因為之前地方有限，果個位比較暗，幾乎全日都冇陽光曬到，陣散射光都比較暗，所以愈生愈斜....


而家有4盆標左花梗，應該未係時候搞d水苔...
果幾盆蝴蝶蘭全部都係樹皮墊底，上面水苔
5月換果d  比較好心機，盆側都有樹皮

盆身周圍都好多孔，應該夠透氣，上個月搞過有爛根果盆，樹皮都唔怕發毛
但係有兩盆都生左d根出黎，黏到實哂郁都郁唔到d....都唔知點搞好....

我的確唔識種蘭花
第一盆個妹比我時，我都唔想要，唔識種驚種死...
不過最後都係種住先...但一直當普通花咁種，記得就淋下水咁囉....
好彩 ge 係種唔死，仲年年有花開

今年5月個妹又再比幾盆我，見有位就叫佢揀幾盆唔同色ge比我，反正唔要都係去堆填區，咪種下囉
普通大花的都有再標花梗，細花果兩盆 d花10月先謝哂

睇黎而家個位置都幾啱種蘭花，要好好爬文研究下要點種先得.

搵啱淋水方式後基本生長正常，只係有一盆爛根