櫻桃蘿蔔仔

種植新手，種咗幾次櫻桃蘿蔔都死,  有冇高手可以指點下？謝謝

蘿蔔唔受水, 浸幾個鐘種子, 再落泥, 保持泥土濕潤直至發芽後, 泥土不干, 不加澆水, 澆水也不能太多.
p.s. 因櫻桃蘿蔔生長期短, 所以注重基肥.  

唔該曬你吖，我淋水過多喇咁，好，再試試，希望有好消息

再種都係唔多掂，21/9落的種子，求救！求救！

有無陽光呀， 點解咁瘦削嘅！？

and 白色的係乜黎架！？

有陽光吖，白色係蛋殼，都唔知邊度出咗問題

都市農夫 發表於 2015-10-11 00:08
有陽光吖，白色係蛋殼，都唔知邊度出咗問題

蛋殼分解慢，若要作為基肥，對櫻桃蘿蔔呢一類生長快既植物，當然唔適合。 若堅決要用，最低限度，都需要磨成粉未。另外，對大多植物嚟講，苗期需氮肥較多，若你只給予磷肥較多既蛋殼的話，根本不足以令到植珠生長強壯。我建議你注重基肥，並不是只給予單一或分解慢既物質。
另外，植物徒長，就代表光線不足，有需要改善種植環境既光線。要多啲泥土，升高植物，去接觸更多陽光，定係轉換另一個位置，就要睇你個人既決定。

重新種咗，好似幾0k，遲D回家影相俾大家睇，多謝各位寶貴意見

請指教，咁樣算唔算OK？

其實都係太高， 太密， 櫻桃蘿蔔無空間大wor,  大下先啦， 你要疏苗