唉！ 第一皂就失敗…（出左模）

大家好，我是打皂新手，先在這裡多謝各位前輩非常有用的資料，雖然唔係全部睇哂，置頂一定要睇啦，但實在幫了很多對手工皂的了解及認識，也越來越想有第一批自己做的手工皂試用，尤其是洗髮皂，因為自己有頭痕及好易出油的問題。
其實由8月中開始留意手工皂，也和朋友報了名9月中上堂學，不過自己心急嘅性格怎可能坐係道等哎，就買書睇，上來睇，上網睇…，睇睇埋埋都有點基本概念，所以也要實習下才能更清楚。
今日就試左書裡的一款無添加全膚質保濕皂，配方如下：
椰子油 30%
橄欖油 30%
蓖麻油 15%
米糠油 15%
乳木果脂 10%

實際啱唔啱用都唔知，本住先試簡簡單單的配方，先熟習打皂的情況，也有諗住做水母前輩的新手配方，因為材料唔夠，要過兩日再打。

好啦，講返標題‘第一皂就失敗’，上面配方2.4倍水，應為177g, 點知眼花（老花真係要開燈睇）睇左117，打時候我當然唔知啦，只係覺得好快就T，當攞得啲模（食完布丁的膠兜）來已經好杰，真係攪到都有點手腳亂啦，勉強入哂模放左入膠盒，上面用毛巾蓋住，做事後清潔…，跟著諗住做記錄，點知才發現少左好多水哎，計返比例得1.5倍，今次重唔係失敗…都唔知變成點，當時真係無嘜心機，唉…

不過，過左一陣都係唔甘心，即刻做第二次，希望今次順順利利。

日後還要很多問題要請教各位前輩，先在這裡再一次多謝各位前輩及網友。

加油, dogo

加油呀, 睇下脫模後有無出問題啦~!

有相嗎?

你知道少了水，可以做再生皂，將皂脫模，切細塊，加返所欠的水量，隔水蒸到溶，要不停攪拌。完全混合了，就再倒返模內。等兩三日才脫。

cmchang 發表於 2015-8-29 23:35
加油, dogo

多謝鼓勵，我會繼續努力的

Purpur 發表於 2015-8-30 18:28
加油呀, 睇下脫模後有無出問題啦~!

我會努力，加油，繼續嘗試。但好似重未脫到模

jellyfishy 發表於 2015-8-31 10:12
有相嗎?

這是昨天影的，一杯杯布丁係第一批


以下呢張係第二次，出左白粉，我應該估到咩事

dogo 發表於 2015-8-31 11:15
這是昨天影的，一杯杯布丁係第一批

這種杯好難脫出來的。豆腐盒比較好少少。最好是矽膠。

第二次出白粉，我大約估到咩事

claudiatang 發表於 2015-8-31 10:54
你知道少了水，可以做再生皂，將皂脫模，切細塊，加返所欠的水量，隔水蒸到溶，要不停攪拌。完全混合了，就 ...

多謝意見，明白

claudiatang 發表於 2015-8-31 11:17
這種杯好難脫出來的。豆腐盒比較好少少。最好是矽膠。

因為心急，未等到硅膠模返，就用完手上現有的東西，真係沒想過咁難脫的
昨天還刻意去12元店找，以前唔需要時明明見有好多款式，點知到要時就無，唉

我已經有點攪不清楚，究竟係未夠時間脫模，還是個模難脫的關係，我今日重未脫到模

dogo 發表於 2015-9-1 12:21
我已經有點攪不清楚，究竟係未夠時間脫模，還是個模難脫的關係，我今日重未脫到模 ...

你這種模是很難脫的。我們初學時也有用過，但我們會先搽少少油在模底才倒入皂液。脫出來也不是個個都完整的。
我個人意見，反正你的水量不夠，乾脆脫出來切細(這樣脫出來，爛了也不心痛)，做再生皂。
沒有矽膠就用豆腐盒或牛奶盒也可以。沒有鍚紙那種。

claudiatang 發表於 2015-9-1 12:29
你這種模是很難脫的。我們初學時也有用過，但我們會先搽少少油在模底才倒入皂液。脫出來也不是個個都完整 ...

多謝見意，我諗唔夠水那些（布丁杯）就再做，今日就試下用牛奶盒


唓，激死，又唔做得住，原來蒙牛個奶盒裡面係錫紙個種

dogo 發表於 2015-9-1 12:49
多謝見意，我諗唔夠水那些（布丁杯）就再做，今日就試下用牛奶盒

你呢刻係咪開始考慮轉飲第2款牛奶呢?

Woodstock 發表於 2015-9-1 14:00
你呢刻係咪開始考慮轉飲第2款牛奶呢?

但重有半打有多哎，轉得來啲硅膠模返到啦，不過真係有啲衝動想即刻去買豆腐花食

買兩盒百X回來，今晚麻婆豆腐。馬上有兩個盒。又有花紋。超正。

終於暴力出左正常大個底皂啦，雖然四邊樣子差左啲，自己用無所謂啦

cmchang, 都真係放心左好多

Purpur, 出得咁好，全靠我老公的努力。呢底本身係正常個大盒（即有白粉）
少左水個啲已經試做了再生皂