白網紋葉怎麼了

常聽說白網紋葉比較容易打理，亦較耐陰，所以買了一盤放在辦公室案頭。在網上查過資料，說種植此植物，土壤寧濕勿乾，於是初期隔兩三天就澆水一次，每次都會澆透，不澆水的日子就向葉面噴水，一個月後葉子都軟垂下來，不曉得是有蟲害還是爛根。過去一個月已改為泥土表面微濕才澆水，維持每次澆透，情況還是沒改善。請問該如何處理？我的桌子沒有陽光，但燈光明亮，會有影響嗎？真不想好好一盤植物毁在我手上。。。

六月初買回來時，可是生氣蓬勃的

我有種， 我係等泥乾先俾佢吸水既。 平日多喷水上葉面。

多謝carcar回應。泥乾先俾佢吸水即係俾佢從盤底吸水？我之前隔兩三日澆水都係用盤底吸水方法，慢慢佢就變到圖中咁樣。我擔心係爛根，就改為泥乾至澆水，同時因為喺網上發現原來網紋葉嘅根比較短，就改為向泥土澆水，可惜情況都冇改善。。。

Wasp 發表於 2015-8-29 14:35
多謝carcar回應。泥乾先俾佢吸水即係俾佢從盤底吸水？我之前隔兩三日澆水都係用盤底吸水方法，慢慢佢就變到 ...

係用盤底吸水吖！ 我一星期只加水一至两次，種在家，冇冷氣。
可能泥土唔够疏氣？ 睇真啲你幅相， 葉片應該摸落係硬既，但就生到貼住條莖？

全對，葉片摸落係硬嘅，但唔知點解垂哂落嚟貼住條莖。我近個多月都係見泥乾才澆水，澆水後葉片都冇抬起頭，所以我估原因唔似係太乾。。。如果真係因為泥土唔夠疏氣，咁我應該換泥？

我之前有盆都係咁！ 果陣剛開始種， 又係以為泥土要濕，於是成日淋水，但棵植物就越来越差， 最後當然犧牲咗！ 其時泥土已經膠結，救唔番...
依家我係等盆植物乾到拿起覺得輕，先會浸水。 因為我睇過篇文章話網紋係喜歡高空氣濕度及透氣泥土。平日就噴水上葉面。
你可以試試換泥先， 睇睇新既葉會唔會有改善？

原來係咁？之前茫無頭緒，我仲懷疑過係咪因為我噴水喺葉面......咁可能係因為公司有冷氣，濕度太乾，加上泥土唔疏氣都唔定。咁我一於攞佢返屋企換泥，睇吓情況有冇改善。我真係覺得網紋葉嘅紋理好靚，早兩星期忍唔住又買咗一盤放喺屋企。返工一日對住電腦，我真係好需要一啲綠色嘅植物調劑一下眼球，希望呢盤頭dupdup網紋救得返啦。

按錯鍵，未講多謝添。多謝你呀，Carcar!

又㩒錯掣，想畀你睇埋屋企剛買入不久，暫時尚算健康嗰盤新網紋

Wasp 發表於 2015-9-2 15:06
又㩒錯掣，想畀你睇埋屋企剛買入不久，暫時尚算健康嗰盤新網紋

依棵生得好靚呀

加油

Wasp 發表於 2015-9-2 15:00
按錯鍵，未講多謝添。多謝你呀，Carcar!

唔駛客氣！ 大家交流學習啦！
你新買呢盆啲葉圓圓地，同個盆好襯，好可愛！
其實我都想影我家嗰盆俾你睇， 但我手機唔知點解上唔到相！

上到相嗎？

救返未呀!

抱歉！之前連自己都顧唔掂，病咗幾日，之後離開咗香港，一直冇覆貼，希望大家見諒。

Carcar 盤網紋好靚呀，紅網紋加綠網紋，我本來都想咁種，好彩當時冇貪心。而家都係等我叻啲先，免得又殘害生命。好鍾意你盤白網紋葉隻綠色，好翠綠好舒服，襯埋隻紅網紋同個茶壺花盤，感覺好清雅。如果我能好似你一樣令自己盤網紋健健康康，我會非常非常開心。

Melb，多謝你鼓勵。我見你有好多植物，好厲害！呢棵我新買返嚟冇耐，而家擺喺屋企，經過carcar提點，希望可以keep得好啲。公司同事話我盤網紋好肉酸，叫我掉咗佢，我當然冇聽佢講，唔捨得，盤花唔係裝飾品，係生命嚟，我會努力救㗎，能力所限救唔到係另一回事。。。

Malike，未救返呀，其實係未開始救。之前病咗返唔到工，盤葉臨時交託咗畀同事照顧。我而家仲未返香港，好掛住屋企幾盤葉（本來諗住攞返公司畀同事代為照顧，但忽然病咗返唔到工，結果只係臨出門時用水浸住佢哋，唔知而家點樣），仲有喺公司被同事彈肉酸嗰盤網紋，所以忍唔住上谷睇吓。我返工後會帶盤葉返屋企換泥，之後再上嚟報告吖!

Wasp 發表於 2015-9-16 03:08
抱歉！之前連自己都顧唔掂，病咗幾日，之後離開咗香港，一直冇覆貼，希望大家見諒。

Carcar  ...

保重身体哦！
我覺得種網紋要懶懶地至得！
呢盆我之前離港一星期， 中間冇加過水， 返來佢都係軟嗮既， 但一吸飽水啲葉就又挺番起， 生命力顽强喔！

Carcar，多謝您關心！

唔好意思，用手機又㩒錯掣。

天啊，到底點樣拍enter落下一行！

今次應該ok了。

今日返嚟見返棵葉，可能同事真係唔鍾意佢，棵葉乾到我用手一掂就斷咗幾塊。同事話每星期都有淋水一次，可能office真係太乾。見到佢咁弱，我考慮緊改用水種。我粗手粗腳，怕換泥會好心做壞事整死佢。。。