惱人的豆漿/牛奶盒模

本來豆漿/牛奶盒是很理想的皂模, 大小適中, 又唔阻地方
但係我次次用佢都出事, 真惱人… ...

案件1


這是我首次用1L 豆漿盒做皂模

受害者: 雙色奶皂
過程   : 第1日
            入模後封頂(原本盒身開蓋+輕輕打橫貼2張膠紙)
            如常放入紙皮箱, 箱內放毛巾覆蓋
            第2日
            發現如圖有輕微火山爆發現象
            皂液入模後照樣封頂及放進箱內
結果    :24小時冷卻後開箱
            皂面凹凸不平, d色一撻摓, 都唔知點形容  
            但係矽膠模果件就好正常

好喇, 可能係溫度太高, 個盒保溫太好, d皂倒得太多太滿
咁就不如試下另一個方法… …

案件2


受害者: 奶皂(全奶溶鈉)
過程   : 今次界走盒頂, 皂液入2/3, 只蓋保鮮紙, 置室温
             後來都係唔放心, 走去睇吓佢, 竟然出曬汗.
             心急下唯有用紙巾印乾, 想起CK前輩話可以放張紙巾在保鮮紙下吸濕
             於是又加咗張廚房紙
結果    : 24小時後, 唔記得影相!
              皂面有小部份出白印, 相信係白粉

案件3

有白印可能係皂化期間多次開頂所致 ,所以今次一定不要中途開蓋
受害者: 奶皂(半奶半水)
過程   : 大致做法如同2, 中途沒掀開直至24小時後
結果   : 依然出汗, 只好印走水珠.
            再放多一天, 水印仍然存在

今天 2 和 3 都放了入冰格後脫模, 現正反轉晾乾
如果白印不褪,只好批走表層

批走個面咪靚D囉~~ 我成日保溫太好有火山和水珠~ 但舊皂一樣好用的.

好詳細既試驗報告, 讚呀~!!!!

我堆奶皂呢, 放9孔矽膠模就無咩問題 (有加保解紙)

外賣回收膠盒, 加左保解紙 (因為質料問題, 保解紙痴唔實邊邊) , 放左入個煲到加蓋, 面有好少好少白粉, 但掃一掃就無lu

Purpur 發表於 2015-8-7 10:19
好詳細既試驗報告, 讚呀~!!!!

我堆奶皂呢, 放9孔矽膠模就無咩問題 (有加保解紙)

我其他嗰d暫時都冇問題, 可能1L豆漿盒量多,
熱力會更强, 更要注意散熱吧~
我嗰d掃唔甩喎, 不過我又唔想蒸, 多數批走佢

又做實驗, 今次做馬賽皂,入模後分別用報紙和抹手紙覆蓋.

24hr置涼後打開看,一切正常, 沒水珠.
不敢怠慢, 繼續蓋住, 每日也開蓋觀察,
直至今日......巳經是5日後
決定放冰箱

終於出模了!
上方的加了綠茶粉; 下方則是黃薑粉

表面[應該]沒有白粉, 但是剛巧面層皂是白色(明天再補拍頂部), 所以不能肯定
過2天切皂再看看內部

cmchang 發表於 2015-8-14 21:27
又做實驗, 今次做馬賽皂,入模後分別用報紙和抹手紙覆蓋.

24hr置涼後打開看,一切正常, 沒水珠.

係咪奶皂來架?

我都準備好個牛奶盒做模啦~但唔知入呢隻模都要等5日!!!

Purpur 發表於 2015-8-14 22:04
係咪奶皂來架?

我都準備好個牛奶盒做模啦~但唔知入呢隻模都要等5日!!!

係呀, 用半奶半水方法, 因為想睇清楚d色粉
不過似撞奶多d

馬賽皂軟油比例高, 所以放多幾日放心d
用矽膠模一定快過牛奶盒

我都好想試下做奶皂, 但係我仲有好多皂未用(我前幾日又整左一底500g), 好怕用唔哂

我整左薰衣草甜杏仁皂丫，遲少少share比大家。睇黎下次再整個量要再少啲，費事用唔哂

我覺得牛奶盒模呢, 都幾難控制, 我拆盒搣到件皂爛爛地~!!!

不過開頭保溫都唔錯, 半天摸個盒仲暖笠笠呀

Purpur 發表於 2015-8-18 11:56
我覺得牛奶盒模呢, 都幾難控制, 我拆盒搣到件皂爛爛地~!!!

不過開頭保溫都唔錯, 半天摸個盒仲暖笠笠呀 ...

雪吓先好脫好多

我宜家得一個長方形矽膠模, 唔夠用唯有用住豆漿盒先
入模嘅皂量都會影響温度,  星期日個矽膠模入多咗皂都險些火山爆發

cmchang 發表於 2015-8-18 19:14
雪吓先好脫好多

我宜家得一個長方形矽膠模, 唔夠用唯有用住豆漿盒先

我成日好怕雪過後我吹唔乾佢就弊啦~!

我呢排係咁儲膠模呀~!! 行街買野成日睇個盒做唔做得模, 好好笑呀

過去的weekend 我拎左個外賣杯啦, 膠飯盒啦, 膠飲管4支, 聖X 娜既蒸包長盒~WAKAKAKAKAKAAAA

已將外賣杯界開個底, 想圓型模呀~見台灣皂友成日diy 架

cmchang, 請問你整左鹽皂未呀?

我D鹽皂今日喊哂呀,流左好多汗呀, D水滴到下2層既皂都濕左 ~_~

Purpur, 我未做鹽皂, 想用埋d奶粉先, 快到期了!

我早2日d酒皂都出水, 後來開冷氣先乾番

Purpur 發表於 2015-8-18 20:37
我成日好怕雪過後我吹唔乾佢就弊啦~!

我呢排係咁儲膠模呀~!! 行街買野成日睇個盒做唔做得模, 好好笑呀

圓形模好丫, 可以做拉花, 靚! 不過拎上手手感無長方咁好~

cmchang 發表於 2015-8-18 21:52
Purpur, 我未做鹽皂, 想用埋d奶粉先, 快到期了!

我早2日d酒皂都出水, 後來開冷氣先乾番 ...

上星期尾咪落雨落得好勁嘅, 我日日都開抽濕, 好怕D皂出水~

Woodstock 發表於 2015-8-19 13:50
圓形模好丫, 可以做拉花, 靚! 不過拎上手手感無長方咁好~

我琴晚忍唔住用左圓型杯模啦, 唔知甩唔甩得成, 哈哈哈

我估唔到D鹽皂既出水度好似倒瀉水係上面咁多.....琴晚開左抽濕機, 希望會好D, 最驚佢地變壞咋~~~~~

但要放左工回家先開得, 變左整天都無人理佢地啦