新手請問7月開田可以種咩？謝謝!

新手請問7月開田可以種咩？謝謝!

種綠豆，儲氮肥

青,苦,南,節瓜, 豆角,四季豆,通菜,莧菜,蕃薯...... 夏天真係好多野都岩 請留意置頂農耕表 唔好浪費人家心血

~嘩!!! 7月開田最炎熱, 要做足防暑 避免正午烈日下田哦 今年蟲害勁及氣候極端, 最易種"秋葵" 包掂少打理

新手最好種豆角, 開花結豆就密密收, 好開心

種瓜需授粉或包瓜, 隨時食白果

菜只有夏季三寶: 通菜, 潺菜, 莧菜

或者現在培定秋葵苗, 開田即移落地, 可有排收, 我有種子, 要我PM我

粟米都可以, 但你要預一棵只有1-2支粟米, 佔地又食肥, 不化算

謝謝各位意見

jwhongkong 發表於 2015-6-11 09:22
~嘩!!! 7月開田最炎熱, 要做足防暑 避免正午烈日下田哦 今年蟲害勁及氣候極端, 最易種"秋葵" 包掂少打 ...

今年蟲害勁 --> 好同意
蝴蝶虫將我地D筧菜苗食過清光, 而家連火龍果苗都比佢地咬左幾啖, 好嬲

請問開格仔田落幾多花生麩，骨粉，熟石灰? 謝謝

我啲蕃薯苗都傷亡慘重，勁多金花蟲！

同問, 7月中開田, 第一次玩
現在只買左骨粉

初登記睇吾到嚟到，去綠田園基金有適合蔬菜的種植時間表，又有講肥料，而漁農署的農業有得下載，甚麼是氮磷鉀鎂及其他微量元素等資料咖，吾好問我俾link，做功課吖。再吾係就爬這農業植物其中多人崇拜的花園仔老師啦

菲愛花 發表於 2015-7-6 23:53
初登記睇吾到嚟到，去綠田園基金有適合蔬菜的種植時間表，又有講肥料，而漁農署的農業有得下載，甚麼是氮磷 ...

謝謝菲愛花 !

格仔田可落骨粉、花生麩各2斤做基肥，熟石灰落1個紙杯分量就夠
如果有香蕉皮加在泥下更正

初學者唔好種太多種類植物，2 至3種已足夠
建議種
1） 潺菜(少蟲害、易種、多收成）- 出6、7塊葉後在底部留2塊葉,上部剪出就可食用，它會繼續出横枝幼芽，成長後又可剪下食用
2) 種豆角，多產，約2個月有豆密密收
努力，加油

唔該MILKMILK, 仲有一個問題落左骨粉、花生麩之後, 可否直接種苗? 我見有人話得, 亦有人話唔得要焗田先!

先翻土大約1.5尺深, 除泥中雜物, 例如樹根, 大石
落基肥大約 1尺深再覆土, 泥面繞1杯熟石灰用泥耙拖平
澆足水(大約5-6個灑水筒)
可用黑色垃圾膠袋覆蓋泥面焗田1星期
1星期後落種子, 植物生長會好啲

MilkMilk 發表於 2015-7-10 14:07
先翻土大約1.5尺深, 除泥中雜物, 例如樹根, 大石
落基肥大約 1尺深再覆土, 泥面繞1杯熟石灰用泥耙拖平
澆足 ...

OK 謝謝

測試泥土Ph值有幾多，才考慮落熟石灰在該範圍，另一目的可殺菌。
如格仔田是否指康文署的社區園圃?因不知上手種咗甚麼及落了甚麼肥料，氮肥過度變成硝酸鹽，就
http://producegreen.org.hk/topic_02.html
抱着玩或是是但但的心情或學習種植心態不同。
種植葉菜類或種瓜果類的肥料分量亦不同，一般落太多氮肥使瓜果吾識結果，一味葉片又壯又大
嘉道理農場都好似有格仔田講解，分成9份打井形式種植不同作物，高低、間種、避忌種植、攀滕植物置放位置等等，吾俾link啦～做功課加深印象啦