蝴蝶蘭幼苗

1個月前買了4株蝴蝶蘭幼苗回家, 上星期死了1株, 並在它的水苔上發現有白點,不知是什麼 ! 餘下的三株水苔上沒有發現白點, 不過我都在本星期把餘下3株過了淡洗潔精水和更換新的水苔, 請問這可以有救嗎? 請問水苔上的白點是什麼細菌? 因家中還有其他的植物, 所以有D擔心.

你嘗試改善通風 !
因為通風對蝴蝶蘭(對所有植物都是)來說是十分重要的.
或者拍張照上來給大家看看.

過淡洗潔精水有咩用？

原帖由 中国制造 於 2008-8-28 09:12 發表
過淡洗潔精水有咩用？

我諗係消毒！

唔好意思, 我是新來的, 不知要自己上來找回標看, 以為有回覆便可在郵箱中看到.說回那3株蝴蝶蘭幼苗, 我把它過了淡洗潔精水和更換新的水苔後便沒有白點, 可是今天發現其中2株的葉子上有黑點.  我之前幾年都有種過開完花後的成株, 而且都可以再開花, 不過開花期不定和最多五朵花, 但從沒有以上情況, 種苗我是新手,請各方高人指點. 謝謝!

黑點可能係菌.
還有植株種得太深, 容易爛.

黑點去除不到, 但己把植株重新再包水苔, 謝謝!

以前有師兄講過:
黑點如果 "看" 上去是濕的, 那是菌, 我會 "大面積" 剪左佢
如果是 "乾" 的, 應該是無事的, 可能只是晒傷, 不用理會
除非你見到有傳染 !

蘭花的根係要有蘭菌, 不能常常搞的, 好傷元氣
除非水苔變酸, 或者有菌有虫, 否則最好不要動,

慢慢來, 不用急, 蘭花急不得

仲有, 我 " 覺得" 種蘭花, 不能太濕,
你用水苔種, OK 嘅, 不過, 要等佢乾左 9 成半先好 淋水
唔使怕, 唔會死的, 佢係蘭花來的, 不是紫羅蘭, 唔使驚.
淋水時 "濕" 要盡量濕, "乾" 要盡量乾 !!
1 定 OK

多謝CF零, 我之前幾年都有種蝴蝶蘭, 但都是過年人送來公司紅色蝴蝶蘭開花後的成株,經過多次反覆失敗, 近三年蘭花都可以不死, 而且可開花. 由於有了信心, 所以我才在發叔那裡買來 4株小苗, 上星期一死了1株.
我的葉片上的點, 是乾的, 請問有何方法除去

既然是乾的, 不用除了,
那是除不掉, 沒有傳開, 不用理會了
那片葉留下來生產養份吧!
(沒有傳染就好了)

CF零, 再向你請教 : 養殖蘭花幼苗是否和成株有很大分別 ? 濕度? 環境? 澆水時間?

请问如何确定水苔變酸？我发现蝴蝶兰的水苔变成绿色了，有问题吗？

原帖由 Claraslm 於 2008-9-4 16:22 發表
CF零, 再向你請教 : 養殖蘭花幼苗是否和成株有很大分別 ? 濕度? 環境? 澆水時間?

不要說咩請教等等, 大家都係玩玩下, 我說的也有很多人不認同的.
我個人覺得, 無乜"好"分, 除非你種得好尊業, 要乜有乜.
有的要光照多, 有的要少的, 你可唔可以調教到 ?
有的要好濕的? 有的師兄會加打霧, 你又得唔得 ?
我家向北, 一定無陽光, 我只有散射光, 我又唔會加光管 ( 費事老婆媽媽聲 )
要好"晒" 的我都種, 唔開花都無法 ?!
係未? 我上面講的 "肺話" 大部份的蘭花肯定就種唔死 , 種落都應該健康的.
計我自己睇, 分別唔係好大, 我種的花都係貪平, 由苗種起, 都係咁種姐,
        7 個字 :    無乜事, 唔好搞佢 "
如果真係對個別品種有問題, post 上來, 真係多師兄好 勁的, 佢地一定比到意見 !

原帖由 中国制造 於 2008-9-4 17:18 發表
请问如何确定水苔變酸？我发现蝴蝶兰的水苔变成绿色了，有问题吗？

很多時, 水苔用得久了, 多數會有青苔, 個人覺得幾靚仔tim
通常, 係通常, 一般計, 用左1 年, 如果用左1 年左右, 都一定會變酸
所以好多師兄都在 春/秋 ( 唔記得左係春定秋 ) 換水苔
你淋完水, 大力的嗅一下, 一陣 " up" 呼, 中人欲死的就係啦
正常係無味的,

咁你一換水苔就正 law, 陣味會大 5-10 倍不等,
( 因為無左個盤)  想像下都想死  

我以前初初開始種時, 成日種死花,
就係因為大關心, 得閒又搞下水苔, 得閒又換下盤,
無聊又淋下水, 結果盤野未夠 2 個月, 就 8 8

現家我學乖 了
新買回來 , 除非盤野乾晒, 否則 一定唔淋水, 等佢適應下環境先
要淋水啦, 就淋水啦, 起碼 2 個星期先好 想換盤, 換植料果的野.
寒冬就忍下手, 一係唔好買, 一係唔好搞.

有花苞就咩都唔好 搞, 開完先算!!
好多時買返來有花苞, 未開就銷左,
ok , 唔緊要, 下年來過 law,  一日未瓜, 下年仲有機會!

好多師看完可能會眼火爆, 嘩, 呢條友, 咁種花, 有無搞 . ...... 錯

我同大家"新手"講, 新手種死花, 多數出於大關心.  
怕種死, 不如以後唔好種
種死左, 唔想下下次點可以好的的人, 都唔好種.

個人意見, 不喜切怪

CF零, 我會忍手每次唔理牠們10天左右

CF零, 你講野真係好攪笑

講得岩呀, 真係大關心累事呀