妹妹公司事件簿

事發地點: 妹妹做緊o既公司
人物: 妹妹 + 佢一位有陰陽眼o既同事
話說: o黎位有陰陽眼o既同事,
因為由細到大經歷太多,
對奇怪事物已經見怪不怪,
佢話齋 ~ 梗有一隻响左近!
不過好多都係路過, 唔會傷害人．．．
有日佢返到公司閣樓打掃準備開工o既時候,
見到有個頭响個層架上面,
佢都比佢嚇左一嚇,
嘩! 左一聲!
妹妹聽見, 就走左上去睇下佢做乜,
o黎位同事只係輕描淡寫咁話比佢知又見野啦!
妹妹即時心寒, 佢估唔到自己做野o既地方都．．．
妹妹一路都抱住我唔犯你你唔好搞我o既心.
最好唔好比佢見到!
點知有一日．．．
妹妹同o黎位同事响閣數做緊野o既時候,
佢需要開櫃攞野,
而櫃裡面仲有一行細拉櫃响一側,
當佢要"mou"底攞野o既時候,
有個細櫃桶彈左出黎,
當佢一望o既時候, 就撞左落塊面,
佢同事叫佢小心o既時候已經黎唔切,
塊面已經紅左同開始腫．．．
同事同佢去附近診所睇醫生,
等緊其間, 同事話頭先睇住個櫃桶比野拉緊出黎,
知你一定會撞埋去, 點知說時遲那時快,
已經叫遲左．．．
不過佢話, 好耐之前已經知道o黎處有野,
不過都只係响D玻璃倒影, 見佢地閃過!
估唔到今次會咁!
事後, 事頭婆知道o黎件事之後,
亦都請左人返黎拜下神, 同安返個地主.
但之後係點? 就要睇一排先知啦．．．

[ 本帖最後由 freddywongdy 於 2008-8-26 14:13 編輯 ]

安返個地主, 咪即係叫個惡d既睇住個場, 其實都係'佢地'.

如果夠力開到櫃桶,佢都應該幾難請走add3icon add3icon

原帖由 kim 於 2008-8-26 14:22 發表
安返個地主, 咪即係叫個惡d既睇住個場, 其實都係'佢地'.

真係一山還有一山高!
不過o黎D神神怪怪o既野我都唔係好知,
都係由D長許輩教路, 但係都係唔好迷信好!

原帖由 prodorothyhkg 於 2008-8-26 15:04 發表
如果夠力開到櫃桶,佢都應該幾難請走add3icon add3icon

都唔係想佢走, 只不過係想佢地唔好搞搞震!
個個平平安安就可以啦!
因為果個有陰陽眼o既女仔話黎D野唔係想佢走就走咁易!
好難搵到原因呢!