一個開始

原帖由 kong 於 2007-9-6 10:37 發表
我以前 mud 都唔識種, 種嗰樣死嗰樣, 有次個仔係學校帶盆矮牽牛翻屋企,佢話大家都要種,三個月後帶回校給老師評分.

我興致勃勃咁話幫手,點知七日都未過就死鬼左, 而家諗翻應該係浸死左,我成日驚佢冇水.

於是我唯有 ...

百多盆都仲 係 疯疯地 咯。

係呀王爺，不過我多數種迷你及半迷你，節省地方．

原帖由 kelly 於 2007-9-5 22:22 發表
大約在三年前的一個週末, 我習慣如常去花墟買玫瑰。當我經過 “士多”, 我就俾d麻雀聲吸引住, 回頭一望, 見到阿叔副十三么叫緊糊 , 於是停下腳步, 睇下佢食唔食得出。

睇下睇下, 見到隔離有盆青翠既 ...

ｋｅｌｌｙ，　你盆應該係雪豹，五蚊一盆雪豹，抵到飛起呀！個呀叔食唔食得出呀？
張相個ｂaby 好可愛，你嘅ｂｂ嗎？

以前五蚊一盆，而家邊度會有咁平。最平都十蚊一盆！

kong 姐, 你試過有三百幾盆AV, 真係超級犀利呀!!

當時我掛住睇d花花, 都唔記得左個阿叔lu~

張相個bb係我個女, 今年已經11歲啦。佢細個果陣時真係好肥好得意, 不過而家就... 你睇下隻駝鳥就知佢係點樣架喇!

[ 本帖最後由 kelly 於 2007-9-6 23:19 編輯 ]

Kelly, 嘩! 你個女已經11歲... 真幸福!!
我的第一棵 av 便是11歲時偷偷地拿了隣居一塊葉種的...

大約五年前，隔離公司同事送咗片葉比我，係 A6 佢話好鬼死靚 ga~
又帶我参觀佢公司 d花，擺滿枱面、會議室、電腦頂、文件櫃頂，廁所...  
即刻 certified....

原帖由 Fonica 於 2007-9-6 12:34 發表
我既第一次咪衰左係Noel手上囉
係佢既流鼻涕另到我.....不過好可惜流鼻涕養唔大

唔怕~  唔怕~ 我會負責嫁.....

原帖由 kelly 於 2007-9-6 22:00 發表
kong 姐, 你試過有三百幾盆AV, 真係超級犀利呀!!

當時我掛住睇d花花, 都唔記得左個阿叔lu~

張相個bb係我個女, 今年已經11歲啦。佢細個果陣時真係好肥好得意, 不過而家就... 你 ...

阿千金同你都好神似 ar~~

原帖由 kelly 於 2007-9-6 22:00 發表
kong 姐, 你試過有三百幾盆AV, 真係超級犀利呀!!

當時我掛住睇d花花, 都唔記得左個阿叔lu~

張相個bb係我個女, 今年已經11歲啦。佢細個果陣時真係好肥好得意, 不過而家就... 你 ...

你個女好可愛呀 肥do do 咁,同我個仔一樣11歲呀!!!! but 而家瘦到丫,似條大眼鷄咁, 仲係食完肉嘅大眼鷄,
剩翻個頭同對眼

你個b好肥好可愛呀!! 仲有嫩嫩既豬腩肉~

冇肉大眼雞 & 駝鳥?

依家d細路都唔知點解咁瘦既, 好似冇得俾佢食咁~

[ 本帖最後由 kelly 於 2007-9-7 20:07 編輯 ]

我都係av的初哥,我的第一盤av係我以前男友送的,本來盤花係佢放在公司,之後佢轉工又唔想將佢帶走,之後就轉贈給我,無估錯的應該係irish flirt,好多花好靚,第一次見av係白花綠邊,不過果陣時都未識上來呢度求救,最後佢喺我的手上..........................

直到前年花展,買了兩棵小苗,佢哋喺我公司一段時間都唔死,之後我再去了kenny度買多三盤花,sky bells, irish flirt, emerald love,我仲喺呢次見過兩位av板上的高手,自始對av情有獨鍾了.

[ 本帖最後由 jolin 於 2007-9-8 00:13 編輯 ]

我都係一年前 , 開始喺公司拎塊葉種 , 結果~~~~~~>死咗 "
我再去買一盤 standard , 兩盤 mini 種  , 結果都係~~~~~~~>死咗 "(好依中 mites)
我都唔死心 , 上來呢度見到有咁多靚花 , 學吓學吓 , 種吓種吓~~~~~~>就幾十盤喇 !

kelly 發表於 2007-9-6 22:00
kong 姐, 你試過有三百幾盆AV, 真係超級犀利呀!!   

當時我掛住睇d花花, 都 ...

當年十一歲的女孩，今日已經亭亭玉立；
當年在「巷仔士多」買「五蚊苗」的K妹 ，今日已成家喻戶曉的紫羅蘭達人K姐 。
回想當日(2002年)栽種第一盆非洲紫羅蘭，是日本城的超市品種。
那時見到斑葉紫羅蘭，就覺得相當罕見，於是用了十五元買下她。

和很多初入苦海的朋友的情況一樣，我的「第一次」，只維持了一個月。

後來在花墟見到軒苑蘭花有很多「特色紫羅蘭」賣，不過每棵五十圓，
回家猶疑了兩天，最後還是買兩盆斑葉品種，但最美的幾株已經被人買回家了。

我初種非洲紫羅蘭時，正值高峰期，花墟的嘉韻和巷仔士多，都是我的「蒲點」。
那時就將追星一樣，經常留意甚麼時候有花苗上場。
亦沒有想過要買成株花，因為真的是太昂貴！
今天，已經沒有多少人記得，巷仔的C50, C62, C65, 108, 151, 190, 218, 245 等等...這一類花，
曾是一眾「字花」迷趨之若鶩的品種，只是一個小苗，就要三、四十元以上。
至於嘉韻，則是售賣有名品種，我就是在這裡碰上了我的愛人—Pink Sensation.

滄海桑田，今日巷仔已經搬了舖位，也不再專售字花小苗，
嘉韻亦結業了，不變的，就只有超群餅店的蛋撻香。

睇番呢個舊貼，真的感慨良多~
有很多以前的花友已經再沒有再種av了 不能否認，種非洲紫羅蘭的挫敗感很大，既花時間,
經過一輪苦心經營亦未必得到回報，考耐性，也困身〜
不能假手於人（冇可能叫家人幫你換盤，施肥，淋水）
但當你做到了，卻有份無法形容的滿足感~
我也曾經想過放棄，當中蟎的時候，百多盤花施薬搶救，揸水瓶的手也發麻，疼痛得夜晚也睡不了，要搽冬青膏
那時候真想全部棄掉
但看著曾經向你盛放微笑的花兒，怎能捨棄？像飼養寵物一樣，她們就是我的綠色寵物！

很佩服高老師的堅持！30年對av的不離不棄

再過多十個年頭，又有幾多人會離開？加入？

kelly 發表於 2012-12-27 22:40
睇番呢個舊貼，真的感慨良多~
有很多以前的花友已經再沒有再種av了 不能否認，種非洲紫羅蘭的挫敗感很大 ...

其實是「台上一分鐘、台下十年功」的道理，特別是種非洲紫羅蘭，不是說種到開花就可以，連用盆大小、葉序、顔色等等．．．都有要求。

種植 AV 真的難於假手於人！
約干年後的確不少人會離開，但也有人重回的，就如我一樣！
從前因為工作太忙，無奈只好放棄了。
輾轉多年，近年可以重拾當年所愛的AV，重新學習栽種，倒覺得有點幸福！