好離譜呀 ( copy blog mate )
最新網誌
好離譜呀 - 愛 x Pet shop編輯 刪除 網誌分類:Blog 友通告2007/09/05 18:44:03
係亞盈度 copy 架 :
好離譜呀 .
檢舉
網誌分類:未分類
2007/08/29 01:26:44
今日睇到yahoo blog嘅一篇網誌,係講關於一隻狗狗受傷的事~我睇完之後,覺得小狗真係好可憐,亦都覺得啲人真係好離譜同極之無愛心!!!所以我就決定post呢篇網誌,等多啲人知道呢間寵物店嘅惡行呀
以下...係我今日晌blog友<檬>嘅blog睇到嘅呢篇網誌
賤格....
今日契老豆帶隻狗(松鼠狗)去冲涼..點知隻狗涼都未沖就發生意外!!!事發地點係長沙灣(唔知咩街)嘅愛x寵物店.基於當時並無目(激)證人.發生咗件事之後,嗰間寵物店嘅員工打俾我契老豆,話隻狗嘅右眼撞傷咗,之後俾咗個地址叫老豆即刻帶佢睇醫生,當時隻狗並唔似撞傷咁簡單,[試問撞傷又點會連眼球都撞咗出嚟?]醫生話要即刻做手術....將佢隻眼兩邊界開,然後將眼球放返入去.......................但我哋認為隻狗一定係俾人打過囉!!仲係一巴打落去嗰隻,如果唔係又點會眼球突咗出嚟?做完手術,醫生話下星期覆診仲要再做多次tim ar...亦有因為發生e件事,老豆太慌張,所以即刻帶隻狗去診所,但原來e間寵物店同診所係有掛勾,醫生無寫紙證明隻狗為咩事受傷(一定之前有前科)..到夜晚去警署報案,點知d阿sir話因為冇證人,同埋冇醫生開嘅報告,所以唔可以落案起訴 - -"
真係唔明,點解d人可以咁賤格?任何動物都有佢嘅自我保護意識,點解d人可以咁殘忍地去傷害小動物????雖然而家冇辨法起訴e間寵物店!!!!!但我哋決定將隻狗意外後影咗相嘅證據post上網(等佢再做完手術後),希望各位小心,最緊要千祈唔好去嗰間愛x寵物店......
蕃薯受傷前,後嘅相
P.S:希望蕃薯早日康服
引用自:http://hk.myblog.yahoo.com/miria ... ev=329&next=319 |