試種多肉BB

試種多肉BB.... 朋友送贈多肉BB, 希望可以種到 ^^ 不過我有嚴重鍾意淋水的傾向, 要控制自己少D淋水~~~

唔知幾時有機會可以搵到朋友割愛粉紅色既多肉BB, 果D好靚呀!

多謝分享, 種得多啲就會越種越叻。

咁你就要戒左舖癮，唔係你d肉肉好快同你講拜拜。

PercyMKLau 發表於 2015-4-25 22:43
咁你就要戒左舖癮，唔係你d肉肉好快同你講拜拜。

我知呀, 而家盡力提自己唔好亂黎.

謝出帖。

除咗淋水，都要留意種植既器皿
你用既器皿都係玻璃，
有孔的嗎？
要有出水位去水，
如果唔係好易積水導致爛根

RIO 發表於 2015-4-26 10:49
除咗淋水，都要留意種植既器皿
你用既器皿都係玻璃，
有孔的嗎？

無孔呀, 所以我諗住控制少D水咁.

如因某些原因，要堅持用沒孔的器皿來種，咁底層可能要用選陶粒或碎石........這類較利透氣的植材，而中、上層亦要避免使用泥炭土這類儲水能力較強的材料。

鍾意淋水，在某程度上可能係睇唔到表土以下的乾濕情況，怕paul野渴親。唔知係咪因為呢個原因，令你覺得有需要用透明的玻璃器皿來種？？其實要消除這"手痕"習慣或 "怕paul野渴親"的憂慮亦唔難。整一盆 "無肉齋料"  的 擺設。這個擺設是用同類的器皿，放類型和份量相同的植料，不過就唔種任何野。每次幫多肉淋水，都幫距淋埋，而且水量相同。在任何時間都拍住幾盆多肉黎放，要曬太陽就一齊曬，總之維持相同的外在環境。因為擺設無種野，無活物去吸水，所以植料會乾得慢D。每次你想淋水，就在呢個盆挖起裡面的植料睇下。如距中、下層都乾到七七八八，就代表多肉的盆的中、下層也乾得九成了。久而久之，你便會較準確知道幾時才適合淋水。

近照。。。　有Ｄ徒長

yydreamy 發表於 2015-5-25 02:18
近照。。。　有Ｄ徒長

謝更新。
近日冇太陽，會徒長嘅。
用這類玻璃兜種，冇底孔，
祝佢哋可以平安過炎夏啦。

jpmchase 發表於 2015-4-26 14:10
如因某些原因，要堅持用沒孔的器皿來種，咁底層可能要用選陶粒或碎石........這類較利透氣的植材，而中、上 ...

多谢花友分享種植經驗

Audrey 發表於 2015-5-25 08:34
謝更新。
近日冇太陽，會徒長嘅。
用這類玻璃兜種，冇底孔，

暫時覺得應該過到, 因為係office長期涼冷氣, 只不過日照真係唔夠, 唔多靚

yydreamy 發表於 2015-5-25 13:21
暫時覺得應該過到, 因為係office長期涼冷氣, 只不過日照真係唔夠, 唔多靚

That's good la!

Update下先.... 多肉BB暫時都無同我謂bye, 早前換左蛋殼種, 好似大左咁....

可以用蛋殼種...好得意啊

Scar 發表於 2015-12-6 17:30
可以用蛋殼種...好得意啊

係呀, 係下面整一個孔就得

比個提議你吖 - 食完pizza 中間個三角白色膠，反轉把蛋殻放在上面，是一個好看，環保又穩陣的做法！

Kennisholy 發表於 2015-12-8 23:03
比個提議你吖 - 食完pizza 中間個三角白色膠，反轉把蛋殻放在上面，是一個好看，環保又穩陣的做法！ ...

諗左幾秒先明... 好有創意!! 不過咁就無得接住D水, 淋水要拎開

yydreamy 發表於 2015-12-6 17:12
Update下先.... 多肉BB暫時都無同我謂bye, 早前換左蛋殼種, 好似大左咁....

好環保

陽光下的黑王子, 好美麗

(呢個植物突然醒左咁, 突然變靚, 我都不知如何會變成如此, 所以亦都不知如何維持... 唔知靘得幾耐~~~)