行花墟，見啲多肉，感觸

近年多肉大賣，但發覺愈來愈怪......
尤其是大陸嗰啲貨，打咗針咁，華X行一行，就知。
雖然價錢平咗又大盆，但試過屋企種好似好難養。
大家有咩感覺？

有同感.... 好似買回家前個樣, 回家後keep唔到幾耐下...
不過都要睇環境, 氣候既, 植料都有D影響...

我將尼間野列左入黑名單好耐，佢d景天類易死到嚇親人

華×的多肉多數係歐洲入口，不似大陸貨，
我通常返來換左d泥，定植適應一個月，冬天通常都冇大問題。
多肉出貨通常在最佳狀態，家養環境又怎比得上花埸。
keep唔keep到狀態好大原因係靠環境和養功的。
反而本地和大陸出產的多肉比較容易適應香港環境。

其實我主要見到依家好多都好似落咗生長激素，變咗怪物咁。
淘寶都有呢啲激素賣,好恐怖！
所以近半年啲大陸貨都唔同咗樣，我不其然諗起我地日常食啲大陸菜，除咗農藥，更擔心既係呢啲激素！！

我淘的店家水準穩定, 返到屋企9成9平安過渡(touch wood)

wai121 發表於 2015-3-30 18:22
其實我主要見到依家好多都好似落咗生長激素，變咗怪物咁。
淘寶都有呢啲激素賣,好恐怖！
所以近半年啲大陸 ...

係咩?  真係有激素賣! 好想買來試下
反而我覺得韓國入口的多肉有激素，往往係紅到好突出，買返來点种都种唔到原貌

紅寶石公主 發表於 2015-3-30 18:53
係咩?  真係有激素賣! 好想買來試下  
反而我覺得韓國入口的多肉有激素，往往 ...

有隻係三木買"春天"牌有啲仙人掌公仔白樽身紅蓋好似幾好用、 用係啲虎尾度成日有仔仔生 ,有興趣可分啲比你試下

染色肉多得是.....

據說有分裂素尼樣野...真係幾想試下，不過一直覺得淘寶既野係呃人既...韓國果d多肉我又信佢係無落藥既..話曬果度冬天落雪溫差甘大多肉都可以生得紅d既..

我原本都堅信自己D肉養極都養唔到D韓國肉日本肉咁靚既顏色同狀態，係自己冇咁嘅條件、係香港冇咁嘅溫差、係冇全日照同露養嘅關係、係冇用一D所謂嘅矮壯素陽光聚集素
但係今日，我開始質疑係自己嘅問題
事因係幾個月前，送左三顆自播嘅多肉小苗俾同事（1顆藍豆1顆山地玫瑰1顆厚葉草屬）
雖然佢係一個愛花之人，但冇乜嘢種植知識，我就將網絡上學到嘅嘢教畀佢應該點樣照顧D多肉BB
今日，佢帶咗個三顆BB俾我睇，我真係好受打擊

大家睇吓張相… 係我一直都養唔到肥嘟嘟粉嫩嫩既狀態

望返自己個啲相同品種嘅多肉真係… 冇眼睇…
我問佢平時點樣照顧，佢就話跟足我教嘅方法去做，我話要強通風，所以佢擺咗喺屋企最通風嘅窗台度，每日大概有半日日照，淋水係見啲泥乾晒再過幾日先至淋，一啲一啲嘅小細節佢全部做到，諗返自己，成日忍唔住就去淋水，又亂咁落肥，又鍾意有事冇事搞下佢哋移黎移去

養唔好，怪邊個？
人哋做到嘅係人哋嘅本事，唔好因為自己做唔到就葡萄心態，而更應去反思自己係過程中是否有咩不足有待改善？
以上有感而發，難得有啲感觸，容我借題發揮抒情一下。

ching99013 發表於 2015-3-31 10:52
我原本都堅信自己D肉養極都養唔到D韓國肉日本肉咁靚既顏色同狀態，係自己冇咁嘅條件、係香港冇咁嘅溫差、係 ...

清姐~ 你同事好厲害, 也好忍得手... 種多肉都係要忍.. 忍.. 忍..  百忍可以成圓美既肉肉~

tonylhk 發表於 2015-3-31 11:38
清姐~ 你同事好厲害, 也好忍得手... 種多肉都係要忍.. 忍.. 忍..  百忍可以成圓美既肉肉~ ...

我工作地方個d全部唔係點理，反而棵棵都靚

shin_angyo 發表於 2015-3-31 11:52
我工作地方個d全部唔係點理，反而棵棵都靚

你種既地方係戶外, 空氣點會好D.. 我地種室內既, 要整個合適既環境, 需要多花心思~

ching99013 發表於 2015-3-31 10:52
我原本都堅信自己D肉養極都養唔到D韓國肉日本肉咁靚既顏色同狀態，係自己冇咁嘅條件、係香港冇咁嘅溫差、係 ...

同意。家中唔多打理果棵通常係快高長大啲。也許植物有自己去改變自己的方法。太多人工嘢去種有時種得好辛苦。(可以説成一個過程)。當迷上某一東西會用盡方法去做。物極必反是一個定理。越多化學嘢瓜得越快。

華X由一開店已經覺得有問題...個老闆好似大陸人黎

ching99013 發表於 2015-3-31 10:52
我原本都堅信自己D肉養極都養唔到D韓國肉日本肉咁靚既顏色同狀態，係自己冇咁嘅條件、係香港冇咁嘅溫差、係 ...

好認同！！我前年秋播全軍覆沒就正正係呢個原因！！ 忍唔到手，成日驚d苗唔夠水！雖然己經睇好多書同資料都明知固犯，由其係度夏既過程>_< 不過往往係要經一事長一智，人地點提醒你都唔及自己經歷過有用！所以新手既犧牲真係在所難免！

ching99013 發表於 2015-3-31 10:52
我原本都堅信自己D肉養極都養唔到D韓國肉日本肉咁靚既顏色同狀態，係自己冇咁嘅條件、係香港冇咁嘅溫差、係 ...

回望啱啱既夏天，印證咗你講既野！
我都係，滿以為備份夠，掉以輕心，更因數量太大，反而影響照顧質素，今年成績是歷年最差！