好多松葉牡丹種子想交換紫羅蘭，松葉牡丹好靚架~（完）

種子系日本進口，松葉牡丹十分頑強、花期好長，靚、多色、重瓣，下面係開花參照圖∼∼今次有幾十粒種子（種子細小，我種咗十粒，仲有數不清甘多，大概最少都有50粒），想交換紫羅蘭小苗，或者葉子2片。



以前種過真系好靚∼
可選擇雙方郵寄、或者星期一至五6點係九龍灣地鐵站等（可不出閘），星期六日時間更加free∼

因為我得一份種子，大家可以話我知你既紫羅蘭咩品種，我3日內選擇一位作為交換呀∼

紫Crystal你好，睇題目仲以為你想要松葉牡丹呢，我有種你圖中正中央個種顏色。
你要紫蘿蘭小苗或葉子我都有呀， 小苗有Sunray Trail 自交種子苗（種子苗唔會出返原十字）， Peppermint Girl 插葉小小苗。 修葉有一d無名品種，同Rob's Outer Orbit。
交收地點可以係將軍澳線嗎，坑口MTR你Okay？大概6pm。或者等你選中分享花友再pm傾交收～

hiatus 發表於 2015-3-30 13:14
紫Crystal你好，睇題目仲以為你想要松葉牡丹呢，我有種你圖中正中央個種顏色。
你要紫蘿蘭小苗或葉子我都有 ...

你之前既peppermint girl小苗已經有兩片新芽，雖然好緩慢但都好健康呀^_^你大苗既時候有無施肥加？

紫Crystal 發表於 2015-4-7 12:24
你之前既peppermint girl小苗已經有兩片新芽，雖然好緩慢但都好健康呀^_^你大苗既時候有無施肥加？ ...

個盆插葉有兩棵獨立小苗呢，生長確實慢咗d啦，不過暫時唔使施肥^^